Ministri izraelit i Mbrojtjes, Israel Katz, ka paralajmëruar se cilido udhëheqës që regjimi iranian emëron për të zëvendësuar Ajatollah Ali Khamenein, do të jetë “një objektiv i padiskutueshëm për eliminim”.
“Çdo udhëheqës i emëruar nga regjimi terrorist iranian për të vazhduar udhëheqjen e planit për të shkatërruar Izraelin, për të kërcënuar Shtetet e Bashkuara dhe botën e lirë dhe vendet e rajonit, dhe për të shtypur popullin iranian, do të jetë një objektiv i padiskutueshëm për eliminim”, tha Katz.
“Nuk ka rëndësi emri i tij apo vendi ku fshihet”, theksoi ministri izraelit, duke shtuar:
“Ne do të vazhdojmë të veprojmë me forcë të plotë, së bashku me partnerët tanë amerikanë, për të çmontuar aftësitë e regjimit dhe për të krijuar kushtet që populli iranian ta përmbysë dhe ta zëvendësojë atë”.
