“Ftoj të gjithë kryesinë e partisë që ta bëjë të njëjtën gjë, që nga anëtarët e kryesisë, përmes organeve qendrore të partisë, deri te organet komunale të kryesisë së partisë. LSDM-ja do të duhet të shikojë mirë nga brenda, të mendojë se çfarë kemi bërë dhe cilat janë rezultatet dhe dobësitë në 4 vitet e fundit, ndoshta edhe në 7 vitet e fundit. Dhe më e rëndësishmja, çfarë duhet bërë për të rikthyer besimin e qytetarëve që kemi humbur”, thuhet në letrën që Kovaçevski adresoi te kryesia partiake.

“Ju informojmë se në seancën e sotme të Bordit Ekzekutiv të LSDM-së, kryetari Dimitar Kovaçevski konfirmoi dorëheqjen nga pozita e kryetarit të LSDM-së, të cilën e kishte shpallur më 8 maj, si akt shumë moral dhe në përputhje me Statutin e Partisë ka iniciuar mbajtjen e Kongresit të LSDM-së me qëllim të analizës së rezultateve zgjedhore dhe deklarimit të besimit në organet e LSDM-së, të zgjedhura nga Kongresi, në funksion të rezultateve zgjedhore”, njoftuan sot pasdite nga Bordi Ekzekutiv i LSDM-së.

Ish-kreu i LSDM-së, Dimitar Kovaçevski, pas përfundimit të zgjedhjeve të 8 majit në Maqedoninë e Veriut, u shpreh se nuk e priste këtë humbje të thellë, duke pranuar se Partia që ai drejtonte mori një goditje të fortë.

Kovaçevski paralajmëroi se duhej një reformim brenda Partisë dhe se duhet të reflektonin mbi këtë humje të madhe.

Gjithashtu, ai tha në atë kohë se nuk do të merr vendime të përshpejtuara, duke u bërë thirrje organeve partiake që të nisin zgjedhje brenda tyre në nivelin lokal dhe qendror.

The post Humbi zgjedhjet parlamentare, Dimitar Kovaçevski jep dorëheqjen nga posti i kryetarit të LSDM appeared first on Albeu.com.

Në LSDM akoma vazhdon procesi i vlerësimit të kandidatëve edhe pse emrat që jo zyrtarisht sillen brenda socialdemokratëve janë Stevo Pendarovski, Oliver Spasovski dhe Fatmir Bytyqi.

Kreu i LSDM-së, Dimitar Kovaçevski tha se subjekti i tij do të ketë kandidat, ndërsa shtoi se qëndrimi i tyre i betonuar është për të mos mbështetur kandidatin e BDI-së. Kreu socialdemokrat nuk deshi të komenton kandidaturën e mundshme të Ali Ahmetit për president.

“Ata që duan do të na bashkohen, ata që konsiderojnë se duhet të kenë kandidatët e tyre, neve jemi shoqëri demokratike dhe respektojmë vendimet që i marrim i respektojmë. Nuk e kemi thënë dhe nuk kemi biseduar se diçka patjetër duhet të ndodh. Me Ali Ahmetin nuk jam parë. Ne do të kemi kandidatin tonë për president. A do të kandidon Ahmeti apo dikush tjetër nga BDI, për këtë pyesni në BDI”, tha Dimitar Kovaçevski, Kryetar i LSDM-së.

BDI pritet që kandidatin për president, tani kur u gjet para faktit të kryer përball opozitës, ta shpalos nga mbledhja e partisë. Emri më i përfolur është ai i Bujar Osmanit, por deri tani asgjë zyrtare nuk ka dal nga ky subjekt.

Ndërkohë opozita shqiptare është përcaktuar për Arben Taravarin i cili duhet të nisë procesin e mbledhjes së nënshkrimeve. E Majta është përcaktuar për Biljana Vankovskan, ndërsa VMRO-DPMNE-ja do ta shpalos emrin e kandidatit për president në Konventën e cila do të mbahet në fillim të muajit mars.

Subjektet tjera akoma nuk kanë shprehur ambiciet për ta garuar në zgjedhjet presidenciale.

Afati i fundit për zyrtrarizimin e kandidaturave për president është 20 marsi. /Alsat.mk

The post LSDM e BDI pa marrëveshje për kandidat të përbashkët presidencial appeared first on Albeu.com.

“Sa i përket vetë zgjedhjeve, mendoj se kryetari i VMRO-DPMNE-së po bën një shkëmbim tezash, sepse ai tha se do të ketë zgjedhje të parakohshme, dhe unë thashë se do të ketë zgjedhje të rregullta. Dhe përfundimisht do të kemi zgjedhje të rregullta. Kjo do të thotë se ajo që kam thënë ka mbetur e njëjtë që nga dita e parë kur kemi folur për zgjedhjet, sepse për dy vjet VMRO-DPMNE ka thënë çdo tre muaj se do të kemi zgjedhje të parakohshme, gjë që de fakto dhe de juro nuk ka ndodhur”.

Kovaçevskii theksoi se kur të arrihet një zgjidhje e përbashkët e pranueshme për të gjithë, atëherë mund të fillojnë afatet dhe organizimi i zgjedhjeve.

“Ai proces normalisht do të jetë i hapur gjatë javëve dhe muajve në vijim dhe kur të arrihet një zgjidhje e përbashkët e pranueshme për të gjithë, atëherë mund të fillojnë afatet dhe organizimi i zgjedhjeve, sepse sigurisht që do të kemi zgjedhje, duke i pasur parasysh obligimet ligjore dhe kushtetuese, dhe mandatin e të gjithë funksionarëve në Kuvend dhe kryetarit të shtetit”.

Lideri i VMRO-DPMNE-së vazhdimisht ka kërkuar zgjedhje të parakohshme parlamentare si dhe së fundmi i propozoi qeverisë që pranverën e ardhshme të zgjedhë një datë mes dy festave më të mëdha fetare, në të cilat me një shpenzim do të mbahen zgjedhjet parlamentare dhe raundi i dytë i zgjedhjeve presidenciale.

The post Kryeministri i Maqedonisë së Veriut: Data e zgjedhjeve do të caktohet pas konsultimit me të gjitha partitë politike appeared first on Albeu.com.

“Si të thotë Kovaçevski për datën dhe ditën, vetëm le të takohen grupet e punës dhe të bisedojnë. Ajo që do ta propozojnë, atë do ta diskutojmë. Ja e pranoj, ata fituan, nuk kishte zgjedhje të parakohshme, zgjedhjet do të jenë të rregullta”, tha Mickoski.

Mickoski u shpreh se kanë problem me Komisionin Shtetëror Zgjedhor, i cili, sipas tij nuk funksionon në pajtim me Ligjin, pasi për momenrin punon me 6 anëtarë.

“Është e definuar qartë struktura e KSHZ-së, 4 anëtarë të pushtetit dhe 3 të opozitës. Ne kemi 2 anëtarë të opozitës dhe çfarë bënë pushteti? Ajo pengon emërimin e një antari të opozitës”.

Kryeministri Dimitar Kovaçevski ka thënë se terminin për mbajtjen e zgjedhjeve të rregullta presidenciale dhe parlamentare , duhet të jetë temë diskutimi me të gjitha partitë politike, e jo vetëm e dy partive. Ai gjithashtu nuk e komentoi propozimin e Mickoskit që zgjedhjet parlamentare të mbahen gjatë rrethit të dytë të zgjedhjeve presidenciale më 8 maj 2024.

The post VMRO, e gatshme të bisedojnë me LSDM për datën e zgjedhjeve appeared first on Albeu.com.

“Data e zgjedhjeve është temë diskutimi mes të gjitha partive politike, jo vetëm mes dy partive politike. Si Kodi Zgjedhor ashtu edhe mbajtja e zgjedhjeve bëhen në përputhje me ligjin dhe Kushtetutën, në përputhje me mandatet. Këtë vit kemi zgjedhje karakteristike pasi kemi edhe zgjedhje presidenciale edhe parlamentare”.

Lideri i VMRO-DPMNE-së, Hristian Mickoski një ditë më parë deklaroi se 8 maji është termini i mundshëm kur do të mbaheshin rrethi i dytë i zgjedhjeve presidenciale dhe zgjedhjet parlamentare. Ai bëri thirrje për konsensus, sepse, siç theksoi, ashtu ishte praktika edhe më herët, gjegjësisht me konsensus të të gjithë faktorëve politikë të merret vendim rreth datës dhe kohës së mbajtjes së zgjedhjeve.

The post Kovaçevski: Data e zgjedhjeve duhet të caktohet nga të gjitha partitë appeared first on Albeu.com.

I pranishëm në Samit, kryeministri maqedonas Dimitar Kovaçevski, deklaroi se pret diskutim konstruktiv, në të cilin do të nënshkruhen marrëveshje për kualifikimet profesionale.

“Pritshmëritë janë që do të kemi diskutim konstruktiv, fillimisht për zgjerimin e bashkëpunimit rajonal për zmadhimin e investimeve për lidhjen e rajonit, pra të të gjitha vendeve të rajonit dhe veçanërisht diskutime për sigurimin e pavarsisë energjetike dhe sigurim të mjeteve financiare shtesë për pavarsinë energjetike të rajonit dhe tranzicionin e gjelbërt të sektorit energjetik. Do të nënshkruhet edhe marrëveshje për njohje reciproke të diplomave të farmacistëve, të akusherëve, motrave medicinale”, tha Kovaçeski.

Kovaçevski rikujtoi se në vitin 2020, organizator të Samitit të Procesit të Berlinit ishin Maqedonia e Veriut dhe Bullgaria, por përshkak të pandemisë së Covidti takimi u mbajtë online.

Në Samit marrin pjesë liderët e vendeve të Ballkanit Perëndimor, kryetarja e Komisionit Evropian, Ursula von der Leyen, presidenti i Këshillit Evropian, Charles Michel dhe kancelari gjerman, Olaf Scholz.

Samiti i Procesit të Berlinit që po mbahet në Tiranë është i dhjeti në serinë e mbledhjeve të mbajtura në kuadër të tij.

Procesi i Berlinit është një nismë e ish-kancelares Angela Merkel të Gjermanisë në vitin 2014, për të ndihmuar në zhvillimin ekonomik të gjashtë vendeve të Ballkanit Perëndimor dhe në përafrimin e tyre me Bashkimin Evropian.

The post Kovaçevski nga Tirana: Samiti i procesit të Berlinit do të sjellë marrëveshje të rëndësishme appeared first on Albeu.com.

Kryeministri Dimitar Kovaçevski, tha se numri ndoshta është më i madh pasi ka të dhëna për studentë dhe punëtorë ndërtimorë që ende janë në këtë vend. Kryeministri shtoi se po punohet për nxjerrjen nga Izraeli të shtetasve të regjistruar në ambasadë.

Megjithatë, kjo mund të ndodh vetëm me ndihmën e fqinjëve. Ndërkohë shteti për ata që duan të kthehen ndihmon me transportin edhe me linjat komerciale.

“Kabineti im kontakton vendet tona fqinje dhe vendet e tjera partnere që kanë linja ajrore që mund të aterojnë në aeroporte ose në Izrael ku munden ose në vendet përreth”, tha Dimitar Kovaçevski.

Nga Ministria e Jashtme e Maqedonisë se Veriut informojnë se gjithsej 20 shtetas tanë e kanë lëshuar Izraelin. Nëntë turistë nga Velesi që zbarkuan në aeroportin e Tiranës janë kthyer tashmë në shtëpi.

Ata ishin pjesë e fluturimit special të “Air Albania”, të organizuar nga autoritetet shqiptare për evakuimin e shtetasve të saj. Paraprakisht shtatë shtetas të Maqedonisë nga Betlehemi janë transportuar në Jordani, prej nga pritet të kthehen në vend.

Për qytetarët e mbetur të Maqedonisë, kryeministri garanton se punohet për kthimin e tyre të suksesshëm. Në këtë drejtim në Ministrinë e Punëve të Jashtme është ngritur Shtabi i Krizës. Sipas të dhënave në Izrael ndodhen rreth 200 shtetas tanë./ Alsat.mk

The post Rreth 200 shtetas të Maqedonisë së Veriut në Izrael, Kovaçevski: Jemi në kontakt me vendet fqinjë appeared first on Albeu.com.

Duke iu përgjigjur pyetjes së gazetarëve pas inspektimit të fillimit të punimeve ndërtimore për ndërtimin e pishinës së mbyllur në komunën e Karposhit, Kovaçevski theksoi se anëtarësimi në Bashkimin Evropian deri në vitin 2030 është një mundësi që nuk duhet humbur dhe secili duhet të marrë përgjegjësi për veten dhe përgjegjësi në duart e tij.  Ai pret mbështetje nga deputetët e të gjitha partive politike, përveç të Majtës, duke thekuar se ata janë kundër Bashkimit Evropian dhe do të kishin bërë një bashkim me Kazakistanin dhe Taxhikistanin.

I pyetur për ofensivën diplomatike ditëve të fundit në vend dhe mosndryshimin e qëndrimit të opozitës lidhur me ndryshimet kushtetuese, Kovaçevski tha se seanca kuvendore do të vazhdojë atëherë kur të krijohen kushtet për të, pra kur të dihet se shumica  më e madhe e deputetëve  tashmë kanë zgjedhur se ky është vendimi që duhet të miratohet për të ardhmen më të mirë të shtetit.

“Nuk e shoh si ofendim, por si vizitë të diplomatëve miq nga vendet mike. Këtu ishte i dërguari special i kancelarit gjerman për Ballkanin Perëndimor, Manuel Saracin, i cili është një mik i madh i Maqedonisë së Veriut dhe dërgoi një mesazh shumë të qartë se tani është koha që Maqedonia e Veriut të vazhdojë integrimin e saj evropian. Të njëjtën gjë bëri dje edhe kreu i Komisionit të Jashtëm të Bundestagut, Mihael Roth, i cili përsëriti atë mesazh. Dhe ai mesazh nuk ndryshon nga asnjë tjetër, të cilin e dërguan edhe diplomatë nga SHBA-ja Austria, Sllovakia… Ata thanë se nuk kanë ardhur këtu as për të torturuar dikë dhe as për t’i bërë presion të veçantë dikujt, por për të shprehur qëndrimin e tyre se tani në Bashkimin Evropian ka një disponim dhe interes të përbashkët që Maqedonia e Veriut të vazhdojë rrugën e saj drejt integrimeve evropiane dhe të bëhet vend anëtar deri në vitin 2030”, tha Kovaçevski.

Sipas tij, momentet historike kur interesat strategjike edhe të vendeve më të mëdha në BE dhe SHBA dhe tonat si një vend më i vogël nga Ballkani Perëndimor përkojnë plotësisht, nuk janë të përhershme dhe nuk janë aq të shpeshta.

“Dhe kjo është arsyeja pse ne duhet të përfitojmë nga kjo mundësi dhe më në fund ta vendosim vendin në mënyrë të pakthyeshme në rrugën drejt Brukselit dhe të ndërtojmë një shoqëri që do të jetë më e mirë për jetën e të gjithë qytetarëve në vendin tonë, por edhe për ata që u larguan nga vendi për shkak të jetesës në BE ta dinë se ka kushte këtu si në Union dhe të kthehen siç bëjnë qytetarët e Polonisë, Rumanisë dhe të tjerë. Ky është qëllimi ynë. Qytetarët tanë duhet të jetojnë në një shtet anëtar të BE-së – Maqedoninë e Veriut, e jo në një shtet anëtar të BE-së, në ndonjë shtet të huaj në Evropën Perëndimore”, theksoi kryeministri Kovaçevski. /shenja

The post Kovaçevski: Seanca për ndryshimet kushtetuese në Maqedoninë e Veriut do të vazhdojë kur të ketë kushte appeared first on Albeu.com.

Në takim u rikonfirmua mbështetja e fuqishme nga partnerët evropianë për avancimin eurointegrues të Republikës së Maqedonisë së Veriut.

Hapi i ardhshëm politik në rrugën evropiane, siç u konstatua, lidhet drejtpërdrejt me përmirësimin e cilësisë së jetës së qytetarëve të RMV-së.

Gjithashtu, hapi pritet edhe në komunitetin evropian, si një çështje me rëndësi për stabilitetin e kontinentit evropian.

Në takim u vlerësua bashkërisht se të gjitha subjektet politike në vend dhe të gjitha institucionet duhet të fokusohen në vendimet që e afrojnë Maqedoninë e Veriut drejt qëllimit evropian./ina

The post Kovaçevski – Geer: Hapi i ardhshëm drejt qëllimit evropian është i rëndësishëm për cilësinë e jetës së qytetarëve të RMV-së appeared first on Albeu.com.

“Unë shumë qartë tregova. Ditën, edhe këtë e thashë qartë në konferencë për media, kur do të votohen ndryshimet kushtetuese, unë do të japë dorëheqje dhe do të shkojmë në zgjedhje”, tha Kovaçevski.

Ai më tej tha se asnjë njeri nuk ka lindur që të jetë vetëm kryeministër.

Kujtojmë se në Kuvendin e Maqedonisë së Veriut të premten u mbajt debatin për ndryshimin e Kushtetutës,  për futjen e bullgarëve në Kushtetutë. Por, votimi i nevojës për ndryshimin e Kushtetuës, u shty për një moment të dytë, pasi pushteti nuk e kishte dy të tretën e  nevojshme. Rendi i ditës për debatin u votua më 70 vota pro, 47 kundër dhe asnjë të përmbajtur.

The post Kovaçevski paralajmëron dorëheqjen nëse VMRO-DPMNE voton ndryshimet Kushtetuese appeared first on Albeu.com.