Detaje të reja kanë dalë në dritë në lidhje me vrasjen e mistershme në Vlorë, të 46-vjeçari Altin Alikaj.
Burime bëjnë me dije se 46-vjeçarit i është gjetur një plumb në shpatull nga ana e majtë dhe një frakturë në kokë.
Mësohet se prej disa kohësh ai ka qenë në Kosovë dhe sipas burimeve 46-vjeçarit i është mbajtur pasaporta në Kosovë. Ai ka ardhur në Shqipëri, ilegalisht.
Pas vrasjes i është marrë telefoni dhe i është zhdukur.
Lexo po ashtu
Dyshohet se ngjarja ka ndodhur prej disa ditësh. Në polici janë shoqëruar 3 persona të cilët kanë patr njohje me viktimën.
Grupi hetimor ndodhet në vendngjarje dhe po punon për sqarimin e rrethanave të vrasjes.
Njoftimi i policisë:
Vlorë/Informacion paraprak
Në vijim informacionit paraprak, i cili bën fjalë për ngjarjen e ndodhur në lagjen “24 Maji”, ku është gjetur i pajetë, në banesë, nga nëna e tij, shtetasi A. A., 46 vjeç, i cili ishte shpallur i humbur më datë 11.02.2022, ju bëjmë me dije se:
Nga këqyrja paraprake në trupin e shtetasit A. A., janë konstatuar dëmtime të ngjashme, si ato të shkaktuara me armë zjarri. Trupi i viktimës ndodhet në morgun e Vlorës, për ekzaminime të mëtejshme.
Grupi hetimor, nën drejtimin e Prokurorisë, po punon për dokumentimin e plotë të ngjarjes dhe grumbullimin e provave që do të çojnë në identifikimin e autorit/ve të ngjarjes.
