Pas daljes nga shtëpia më e famshme në Shqipëri, Danja Koka, ish-banore e sezonit të katërt të Big Brother VIP Albania, ka folur për herë të parë më hapur rreth marrëdhënies së saj me Redin, lidhje kjo që mori vëmendje të madhe edhe sa ishte brenda formatit.
E ftuar në një intervistë për emisionin “Prive”, Danja ka deklaruar se pavarësisht se brenda shtëpisë nuk kishte dijeni për ndikimin që lidhja e tyre kishte jashtë, tani që është jashtë, nuk ka asnjë arsye për ta mbajtur të fshehtë.
“Përderisa unë atje kam folur për Redin dhe jashtë ishte bërë e madhe, dhe unë nuk e dija. Ama tani që kam dalë përpiqem të jem kështu, t’i them dy fjalë. Ne duhemi dhe kjo punë ka marrë fund, kështu që nuk ka ndonjë gjë të madhe për ta ruajtur hermetikisht”, u shpreh bukuroshja me sinqeritet.
Ajo tregoi se Redi është shumë i përfshirë në jetën e saj, përfshirë edhe projektet që po ndërmerr pas daljes nga reality shou.
“Ai përfshihet vetë dhe unë kam shumë dëshirën që ta përfshij njëkohësisht. Është shumë i gjindshëm për mua dhe e kemi marrëdhënien shumë të rehatshme në këtë pikë”, shtoi ajo.
Danja dhe Redi u komentuan si një ndër lidhjet më të ndjeshme dhe diskrete gjatë edicionit të fundit të BBV, por duket se tani që janë jashtë, çifti ka vendosur ta jetojë raportin e tyre pa barriera dhe pa presione publike, duke i dhënë rëndësi përkrahjes dhe bashkëpunimit në jetën e përditshme.
