Insekte të ndryshme janë shfaqur në Paris në zona qendrore dhe të frekuentuara të kryeqytetit francez. Videot e postuara nga qytetarët në rrjetet sociale shfaqnin insekte në metro, në një avion të AirFrance, në forma të ndryshme transporti dhe në shkolla, të cilat, së bashku me disa raste të raportuara, të cilat nuk janë konfirmuar zyrtarisht, kanë shkaktuar shqetësim serioz për situatën shëndetësore në qytet, shkruan Protothema.
Tourists in Paris on high alert due to bed bug outbreak. What a “bugging” problem for one of the most famous tourist attractions! Quite literally. #paris #bugs pic.twitter.com/iTA2qzsvK2
— Sneha Mordani (@snehamordani) October 6, 2023
Ndërkohë ministri i transportit i vendit, Clemont Bonn, njoftoi se qentë e trajnuar posaçërisht do të përdoren për të kryer kontrolle në trenat dhe shinat e metrosë në Paris. Ai sqaroi, në të njëjtën kohë, se nuk ka prova për epidemi.
“Kur ka një problem e përballojmë, nuk do ta mohojmë. Në transportin publik nuk ka shpërthim insektesh”, theksoi ministri francez.
Alarmi u ngrit gjithashtu në jug të Francës. Një shkollë u alarmua dy herë për shpërthime brenda një muaji dhe menaxhmenti u detyrua të zhvendoste disa klasa në bashkinë për mësime. Në veri, një repart spitalor duhej të zhvendosej për të trajtuar rastet. Tani për tani rastet besohet të jenë të pakta në krahasim me histerinë që është krijuar.
