Në një botë me kaq shumë kërkesa dhe me kaq ritëm të shpejtë, ideja për të bërë një gjumë të mirë natën duket utopike.
Por siç rezulton, gjumi cilësor luan një rol të rëndësishëm si në shëndetin fizik ashtu edhe në atë mendor. Nga ana tjetër, gjumi i tepërt mund të jetë një shenjë e një problem shëndetësor dhe, nëse nuk trajtohet, mund të jetë e dëmshme për shëndetin tuaj në planin afatgjatë.
Trupi i gjithsecilit është i ndryshëm dhe sasia e gjumit që na duhet ndryshon, por mjekët bien dakord që të rriturve të shëndetshëm u duhen 7-8 orë gjumë që të ndihen të freskuar dhe të energjishëm gjatë gjithë ditës.
Por nëse dikush ka nevojë për më shumë se 8 orë gjumë çdo natë që të ndihet i pushuar, atëherë mund të ketë një problem shëndetësor. Një shembull i zakonshëm është apnea e gjumit. Njerëzit me apnea të gjumit mund të mos pushojnë kur flenë, që do të thotë se do të duhet të kalojnë më shumë kohë në shtrat duke u zgjuar dhe ndjerë të freskët.
Gjumi i tepërt mund të jetë gjithashtu një shenjë e një gjendje të shëndetit mendor, të tilla si depresioni. Njerëzit me depresion kanë më shumë të ngjarë të përjetojnë lodhje dhe njerëzit me lodhje kronike kanë më shumë të ngjarë të jenë në depresion, duke krijuar një rreth vicioz që mund të jetë i vështirë për t’u thyer. Vlen të përmendet gjithashtu se shumë njerëz me ankth dhe depresion përdorin ilaçe që mund të shkaktojnë përgjumje, kështu që nëse jeni duke marrë ilaçe anti-ankth ose anti-depresion dhe po flini më shumë se një i rritur mesatar, duhet të flisni me mjekun tuaj.
Ndjenja e lodhjes pavarësisht gjumit 8 orë në natë mund të jetë gjithashtu një simptomë e gjendjeve kronike si fibromialgjia, lupusi, sindroma e lodhjes kronike dhe sëmundja e Hashimoto. Nëse një person mendon se po fle shumë dhe ndihet i përgjumur dhe i lodhur gjatë ditës, ai duhet të flasë me mjekun e tij.
Ndërsa ideja për të bërë 10 – 12 orë gjumë në natë mund të tingëllojë si shumë, ka prova që më shumë se 9 orë gjumë shoqërohen me sëmundje të tilla si sëmundjet e zemrës dhe vdekshmëria./albeu.com
