Ndër markat luksoze të cilave ajo u ka qëndruar besnike, Hermes ka zënë një vend të veçantë për vite me radhë.

Tani ka tërhequr vëmendjen me një foto të vjetër që ka ndarë në Instagram.

Aty shihet një pjesë e koleksionit të saj të çantave Hermes, dhe në përshkrim ajo shkroi: “Siç e dimë të gjithë, nuk bëj shaka me koleksionin tim të Hermesit”.

Kardashian shtoi gjithashtu se ka nxjerrë në shitje disa çanta në Kardashiankloset.com.

Fotografia e saj tërhoqi vëmendjen dhe nisi diskutime në rrjetet sociale.

Vetëm disa nga komentet ishin: “Sasia e parave që ka ai person mund t’i japë fund urisë në botë”, “Çfarë humbjeje absolute parash”, “Janë të gjitha të njëjtat çanta, vetëm madhësi dhe ngjyra të ndryshme”.

Fotografia tregon një shumëllojshmëri çantash Hermes Birkin në madhësi nga 25 deri në 35 cm në një gamë të gjerë ngjyrash. Mund të shihen edhe çantat Kelly, si dhe çantat Birkin të personalizuara të bëra me porosi.

Dihet gjithashtu se Kim ka në koleksionin e saj edhe një Birkin Himalayan Crocodile, një nga çantat më të shtrenjta në botë.

Çantat Kelly dhe Birkin normalisht kushtojnë rreth 7,500 dhe 9,000 në shitjet e rregullta, ndërsa çmimi i tyre në tregun sekondar mund të kalojë 20,000 euro.

The post Kim Kardashian prezanton koleksionin e çantave të shtrenjta që kapin shifrën e mijëra eurove appeared first on Albeu.com.

Jack Watkin, 26 vjeç, akuzohet se i premtoi viktimave përfitime të mëdha nëse i jepnin hua para për të blerë dhe rishitur çanta të shtrenjta Hermes. Por, sipas Gjykatës së Kurorës në Chester, as çantat e premtuara dhe as përfitimet nuk ekzistuan ndonjëherë, në vend të kësaj, Watkin i shpenzoi paratë për të financuar një stil jetese luksoz dhe ekstravagant.

Kur viktimat nisën të kërkonin paratë e tyre, ai thuhet se fshihte takimet, sajonte justifikime, ose përpiqej t’u ofronte atyre sende të rreme si ora të falsifikuara apo çanta të dorës me vlerë më të ulët, në këmbim të borxhit.

Ai u kap kur dy gra që pretendonin se ishin mashtruar prej tij, e ftuan në një takim dhe, në momentin që ai mbërriti, policia ishte aty për ta arrestuar.

Watkin, me banim në Alderley Edge, Cheshire, u paraqit dje në gjykatë i akuzuar për shtatë raste mashtrimi dhe dy akuza vjedhjeje, që përfshijnë gjashtë viktima mes dhjetorit 2019 dhe gushtit 2024. Ai mohon të gjitha akuzat.

Prokurori Matthew Kerruish-Jones tha se çështja lidhet me markën prestigjioze franceze Hermès, e cila u shet çantat ekskluzive vetëm klientëve të zgjedhur dhe shpesh çmimet e tyre në tregun e dorës së dytë janë më të larta se sa të rejat.

Watkin, sipas akuzës, bindi një mik të familjes të investonte duke pretenduar se kishte “lidhje personale” me një drejtor të Hermès, që i siguronte akses të veçantë në produktet e tyre më të kërkuara.

Për të fituar besimin e viktimave, ai thuhet se ka ndërtuar një imazh të rremë milioneri në rrjetet sociale, duke treguar një mënyrë jetese luksoze dhe joshëse.

“Prokuroria pretendon se i pandehuri mashtroi disa individë me premtimin për të investuar në një biznes të ligjshëm për blerje dhe shitje çantash ekskluzive,” tha prokurori.

“Ai krijoi një fasadë të një jete glamuroze, që shërbeu për të fituar besimin e viktimave, të cilët i dhanë hua shuma të mëdha parash me shpresën për kthime të konsiderueshme ose produkte luksoze. Asgjë nga këto nuk ndodhi.”

“Në realitet, pasi merrte paratë, ai nuk i kthente kurrë, duke lënë viktimat me humbje të mëdha financiare. I pandehuri i shmangej përgjegjësisë, sajonte arsye dhe ndërkohë shpenzonte shuma marramendëse për të ruajtur imazhin e tij në publik.”

Sipas gjykatës, një prej viktimave, shoqja e tij e vjetër Hannah Jakes, humbi mbi 233,000 paund. Ndërkohë, biznesmenja Christine Colbert, pronare e një butiku dizajnerësh, humbi 78,000 paund.

Watkin akuzohet gjithashtu për vjedhjen e një çante Hermès blu, me vlerë 21,000 paund, dhe një çante Goyard me lëkurë aligatori, me vlerë 8,000 paund, nga dyqani i znj. Colbert në Dress Cheshire, Prestbury. Përveç të tjerash, ai akuzohet edhe për mashtrimin e babait të tij, Jason Watkin, një zhvillues pronash 55-vjeçar, të cilit i mori 30,000 paund.

Juria u informua se marrëdhënia me të atin u tensionua kur ky i fundit refuzoi t’i jepte hua 100,000 paund për “biznesin”. Watkin madje e akuzoi të atin për mungesë mbështetjeje gjatë vështirësive të pandemisë.

The post Mashtruesi i çantave Hermes! 26-vjeçari u shtir si i pasur për të vjedhur nga miqtë dhe të afërmit appeared first on Albeu.com.

Burime për mediat bëjnë me dije se thika Bështë gjetur në zonën e “Rrugës së Elbasanit”, pranë Gjykatës së Apelit Tiranë. Bashkë me të ka qenë edhe çanta e autorit, me të cilën ishte në shkollë.

Mësohet se thika bashkë me çantën e autorit janë pikasur nga një qytetar mbrëmjen e sotme, i cili ka bërë më pas edhe denoncimin tek blutë e kryeqytetit.

Ngjarja e rëndë ndodhi mesditën e të hënës pranë shkollës 9-vjeçare “Fan Noli”, teksa autorit, për të cilin gjykata caktoi sot masën e sigurisë “arrest me burg”, nuk tregonte se ku e kishte fshehur duke deklaruar se “nuk e mbaj mend”.

Veç vrasjes së Martin Canit, autori Mario Përlleshaj akuzohet dhe për pëagosjen e shokut të viktimës, 14-vjeçarit Luis Meçja.

Fillimisht i mituri Mario Përlleshaj, u arrestua nën akuzën “Vrasja me dashje e kryer ndaj të miturit” dhe “Prodhimi, mbajtja, blerja apo shitja pa leje e armëve të ftohta”, por më pas, Prokuroria e Tiranës i ashpërsoi akuzën, duke i ngritur veprën penale “vrasjes në rrethana cilësuese”.

Nga ngjarja e rëndë, edhe autori mbeti i plagosur në krah, teksa prej disa ditësh është i shtruar në spital.

Ditën e krimit, Mario Përleshaj pozonte me thikën e krimit edhe për foto të cilat i publikonte në rrjetet sociale.

The post Vrasja e 14-vjeçarit Martin Cani/ Gjendet pranë Gjykatës së Apelit çanta e autorit appeared first on Albeu.com.

Thënë thjesht, çantat dhe këpucët mbajnë fuqi transformuese dhe askush nuk do të më bindë të kundërtën.

Nëse ju jeni gjithashtu i varur nga shtesat e veshjeve, hidhini një sy tendencave më poshtë.

Nga rripat e belit deri tek çitmet me takë dhe sipër gjurit, kemi një ndjenjë që do të tundoheni po aq sa dhe ne:

Çanta me teksturë

Rripa të gjerë

Thyerja me aksesorë të kuq

Bizhuteri argjendi

Çizme të larta sipër gjurit

The post 5 tendenca aksesorësh do të jenë kryesore këtë periudhë kohe appeared first on Albeu.com.

Pati një rritje të siluetës në vitet 1970, me krijimet e hershme të Coach të drejtoreshës artistike ikonike Bonnie Cashin, por edhe në vitin 2013 kur debutoi dizajni jashtëzakonisht popullor i Mansur Gavriel. Dhe tani, çanta klasike po ngjitet sërish në majë të trendit.

Në galerinë më poshtë do të gjeni çantat klasike që nuk do të ikin kurrë nga moda dhe ia vlen ta blini një.

The post FOTO/ 6 çanta klasike që nuk do të dalin kurrë nga moda! appeared first on Albeu.com.

Është një aksesor që duhet ta keni në çdo stinë të vitit.

Pra nëse jeni duke kërkuar për një stil që ia vlen të investoni, ne ju sjellim disa sugjerime.

Më poshtë janë modelet më të mira për të mbajtur sendet tuaja thelbësore, ditën apo natën.

/Albeu.com

The post 11 çanta të zeza elegante që duhet t’i keni me patjetër në dollapin tuaj appeared first on Albeu.com.

Ngjarja e ndodhur më 7 mars është kapur nga një kamera sigurie në dyqan.

Videoja, e publikuar nga Departamenti i Policisë së Nju Jorkut, tregon tre të dyshuar duke zbritur nga një automjet i bardhë.

Dy prej tyre thyenë dritaret e Heritage Auctions në Park Avenue dhe morën tetë çanta Hermes me vlerë 242,000 dollarë nga një vitrinë.

The post VIDEO/ Hajdutët hyjnë në dyqan e bëjnë kërdinë, grabisin çantat me vlerë 242 mijë dollarë appeared first on Albeu.com.

Duhet të pastrohet më shpesh nga sa mendojmë, ndërkohë që është një artikull që shumica e femrave neglizhojnë ta lajnë.

Sipas hulumtimit të Initial Washroom Hygiene, çanta e një gruaje ka më shumë mikrobe sesa një tualet mesatar! Fakti që çantat vijnë rregullisht në kontakt me shumë sipërfaqe i bën ato veçanërisht të rrezikshme, pasi mikrobet në çantë mund të transferohen lehtësisht me duart tona.

Hulumtimi tregoi, në fakt, se 1 në 5 çanta janë aq të ndotura sa që përbëjnë një kërcënim të drejtpërdrejtë për shëndetin tonë. Prandaj, duhet t’i kushtojmë më shumë rëndësi pastërtisë së tyre dhe të mos i prekim në dysheme kur jemi në një vend publik. /albeu.com

The post Më e ndotur se një tualet! Ky aksesor që përdorin gratë mban pa fund mikrobe appeared first on Albeu.com.

Futbollisti argjentinas u votua nga kapitenët e ekipeve kombëtare si futbollisti më i mirë i vitit, por pak a shumë ishte e pritshme, gruaja e tij vodhi vëmendjen në gala.

Antonella Roccuzzo është shfaqur në event e veshur me një fustan të zi të gjatë, por ka qenë çanta e saj ajo që ka lënë përshtypje.

Ishte një çantë e kuqe në formë trëndafili, e cila është pjesë e koleksionit të markës italiane Dolce & Gabbana.

Çanta është prej lëkure viçi me model iguana dhe është shumë e veçantë në dizajnin e saj.

Çmimi i tij është 6930 euro dhe sipas raportimeve në Argjentinë është një dhuratë nga Lionel Messi për gruan e tij.

The post Me lëkurë viçi dhe pjesë e koleksionit të fundit, bashkëshortja e Messit shfaqet me çantë 7,000 euro në mbrëmjen gala të FIFA-s (FOTO LAJM) appeared first on Albeu.com.

Fotografia e një çante “Louis Vuitton” dizenjuar me flamurin kombëtar, deri më tani ka marrë në Facebook-un e kryeministrit rreth 21 mijë pëlqime, 1400 komente dhe 900 shpërndarje. Numri i pëlqimeve në Instagram është edhe më i lartë (27225), pa përllogaritur këtu edhe bilancin e reagimeve nëpër platformat e tjera mediatike ku u pasqyrua.

Te pëlqimet krahas anëtarëve të qeverisë që natyrisht zgjohen e ngrysen në profilin e KM, spikasin kryebashkiakë apo edhe Inspektoriati Shtetëror i Mbrojtjes së territorit, ambasada shqiptare Kanada, ambasada shqiptare Sofie, ambasada shqiptare Riad, konsullata e përgjithshme e nderit Finlandë…

Meqë jemi në sezonin e gripit nuk mbesin pas me pëlqime as qendra shëndetësore Petrelë, qendra shëndetësore nr.5 Tiranë dhe dhjetëra institucione që mesa duket kanë prioritet pëlqimet, komentet dhe shpërndarjen e postimeve të kryeministrit.

Nuk ja vlen të përmendësh këtu ushtrinë e ndjekësve fallco apo patronazhisëve që dihet se gjenden “gati tu” kurdoherë pa lexuar atë çka shkruhet, por në këtë dehje servilizmi të shëmtuar duhen përmendur dy fakte për të zgjuar nga dalldia atë që dëshiron.

Çantat me flamuj të vendeve të ndryshme të botës përfshirë dhe të Shqipërisë, u prodhuan në korrik 2018 dhe këtë vit ky dizenjim feston 5 vjetorin. Fatkeqësisht kjo strategji nuk pati suksesin që menduan mjeshtrat e shtëpisë së modës. Megjithëse për kompaninë është një prudukt i vjetër, për ne është një delir i ri ku shumë as nuk e dinë as si zë fill kjo markë.

-Louis Vuitton ka ndërruar jetë në 1892, 20 vjet para se flamuri ynë të ngrihej në Vlorë.
-Më 1871 atelienë e tij dhe dyqanin në Paris ia rrafshuan revolucionarët e Komunës së Parisit.
-Më 1992, LV ka hapur dyqan në Kinë dhe me 2003, në Moskë.
-Dyqanin më të madh në rajon e ka në Beograd.
-Babai i LV ishte me profesion mullixhi, ndërsa vetë LV ka punuar që në moshën 14 vjeç si çirak.
-Nga banesa e tij deri në Paris ku gjeti punën e pare, iu desh të ecte 400 km në këmbë. (u largua nga familja se e keqtrajtonte njerka)

Por le të kthehemi te çanta “patriotike” e cila ka çmimin 9900 euro. Ka njerëz në Shqipëri që e pëlqejnë këtë çantë se ua mban xhepi ta blejnë, mund të ketë edhe institucione qe kanë fonde dhe nuk e shohin si problem që ta porositin.

Pyetja është se çfarë kuptimi ka që kësaj foto i bëjnë like: PS Gramsh, PS Mallakastër, PS Ndrq, PS Zejmen, PS Lushnjë, dhe PS Gjirokastër?!…

Megjithëse jam i bindur që PS Gjirokastër do të tërheqë pëlqimin sapo të marrë vesh çmimin.
P.S. Dhe të mendosh që sot është e shtunë, ditë pushimi!

*Marrë nga Facebook i autorit

The post Kur budallallëku vërshon jashtë çantës appeared first on Albeu.com.