Sipas materialit që disponon emisioni “Në Shënjestër”, pas hetimeve të thelluara rezultoi se vrasës i vërtetë mund të ishte një shqiptar, i paguar nga jashtë burgut. Dhe se greku që u dyshua në fillim si i tillë mund të ishte i kërcënuar, për ta marrë përsipër këtë vrasje.

Ky vrasës shqiptar u identifikua si Xhuliano Halili.

44-vjeçari nga Tepelena, i njohur për mënyrën e tij mizore dhe të paskrupullt në kryerjen e vrasjeve. Halili që sipas hetimeve e kishte qelinë ngjitur me atë të Jani Aliaj, në sektorin nr 3 të burgut të Koridhalos.

Dhe që u evidentua se çuditërisht kishte mbetur i plagosur në këtë ngjarje. Dyshime të cilat u përforcuan edhe më shumë për vetë faktin se 28-vjeçari grek, Kristos Vardhuniotis, ishte paraqitur me vullnetin e tij të lirë te autoritetet e burgut, duke u shprehur atyre se ishte ai që e kishte vrarë Jani Aliaj.

Ndërkohë që në trupin e tij nuk kishte asnjë përleshje. Ndryshe nga shqiptari tjetër, Xhuliano Halili, që në trup kishte shenja gjaku. Shqiptari nga Tepelena që mbante mbi supe krime monstruoze.

Pasi më parë po në burgun e Koridhalos, kishte vrarë shqiptarin tjetër, Alfons Ndoci. Ndërkohë që brenda burgut kishte filluar të përflitej fakti se vrasësi i vërtetë i Jani Aliaj, ishte bashkëatdhetari i tij, Xhuliano Halili.

Dhe jo 28-vjeçari grek, që thuhet se ishte paguar ose kërcënuar për të marrë ai përsipër vrasjen e Aliajt. Gjë që i ra në vesh edhe policisë greke.

Dosja Hetimore

‘Jani Aliaj dyshohej prej vitesh se ishte përdorur në luftën e së ashtuquajturës. ‘Mafia greke’. Kjo pasi ka pasur dyshime se ai ka qenë ekzekutor i një prej drejtuesve të grupeve kriminale greke që kontrollojnë jetën e natës në shtetin fqinj. Megjithatë këto dyshime kurrë nuk u vërtetuan.’

Por a ishte kjo në të vërtetë arsyeja përse Jani Aliaj u ekzekutua në një mënyrë të tillë? Pikërisht lufta brenda ‘mafias greke’.

Një luftë e cila në vitet e fundit ka ngrënë shumë koka shqiptarësh. Por që kishte afruar pranë vetes edhe shumë shqiptarë të rekrutuar me pagesë. Siç njëri prej tyre është edhe shqiptari nga Tepelena, Xhuliano Halili, i njohur ndryshe edhe me emrin ‘Niko’.

Sot i dënuar me burgim të përjetshëm, si vrasës me pagesë. Por që në CV-në e tij kriminale, ruan si rekorde disa nga krimet më të urryera që mund të bëjë një vrasës i zhveshur nga mëshira. Siç është edhe ai i nëntorit 2011 në Kallamata të Greqisë.

Ku pasi qëlloi me çifte në kokë shqiptarin 35-vjeçar Fillim Mesaja, nga fshati Caj i Kukësit, me të njëjtin gjakftohtësi, vrau edhe djalin e tij vetëm 2 vjeç e gjysmë, duke e therur në fyt.

Ngjarja që ndodhi pranë lumit Pamiso në Mesinia. Ku shkak ishte bërë larja e hesapeve midis Vasilis Varelas dhe Fillim Mesajës.

Krim monstruoz për të cilin u arrestua. Por në vitin 2018, ndërsa po transportohej drejt burgut, ai mundi të arratisej nga Porti i Pireut.

Ku bashkë me të u arratis edhe shqiptari tjetër, Alfons Ndoci. Por që të dy u kapën shpejt.

Të njëjtët të cilët më pas u panë të prishnin shoqërinë e tyre. Xhuliano Halili i cili në rrethana të paqarta në qershor të vitit 2024, vrau brenda burgut të Koridhalos, 35 vjeçarin Alfons Ndoci si dhe plagosi 48-vjeçarin Altin Vokrri.

Vrasje e cila edhe në këtë rast dyshohet se ishte paguar nga jashtë burgut. Xhuliano Halili që target të tijin kundrejt pagesës nuk kishte vetëm shqiptarët.

Por edhe grekët. Pasi në vitin 2008 dhe 2009, ai kishte qenë autor edhe i dy vrasjeve të shtetasve grekë. Hakmarrje e cila ra po kaq mizore edhe te kushërinjtë e tij.

Siç ishte vrasja në vitin 2022 e kushëririt të tij Sulo Halili, me orgjinë nga Tepelena.

I cili u ekzekutua dhe u dogj në nëntor të këtij viti, në Skourta të Viotias. Dhe ku dyshimet e policisë greke janë se ekzekutimi i tij ka lidhje me veprimtarinë e kushëririt të tij Juliand Halili, ose Xhulian Halili.

Halili që thuhet se ishte prej kohësh në urdhërat e mafiozit famëkeq grek Vasilis Varelas. Të paktën në dy raste të provuara.

Varelas që në rininë e tij kishte qenë dublues në filmat e aktorit të njohur të Hollyëodit, Chuck Norris, në vitet ’80. Por që më pas e kishte lënë karrierën si aktor dublant dhe kishte filluar të krijonte filmat e tij të parë, duke u përfshirë në disa krime të rënda në Greqi, si dhe në trafikun e drogës.

The post Vrasja e Jani Aliajt në Koridhalos, zbardhen detaje nga dosja! Greku u bë shkas, por Xhuliano Halili u pagua për të ekzekutuar appeared first on Albeu.com.

Lekocaj, i cili ndodhet në burg është konsideruar si kreu i një grupi vrasësish me pagesë. Mediat greke i kanë bërë një profil për historinë e tij kriminale, ndërsa kanë sjellë në vëmendje edhe një videotelefonatë nga burgjet e Korydallos në maj 2019.

Lekocaj së bashku me disa persona të tjerë akuzohen edhe për vrasjen e avokatit të njohur Mihalis Zafiropulos.

Në mesazhin e tij nga burgu 3 vite më parë, Lekocaj deklaronte se ai nuk kishte lekë për të blerë një paketë cigare e as 8 klasë shkollë, kurrsesi nuk mund të ishte kreu i një bande kriminale.

“Unë jam Coza Nostra, a jam kreu i mafies së burgjeve në Greqi? Unë jam akuzuar për tre vrasje dhe jam shpallur i pafajshëm për këto akuza. Tani po përballem me një tjetër akuzë për vrasjen e avokatit, e cila ishte e gabuar pasi ata që kryen vrasjen nuk donin ta vrisnin, por ta trembnin.

Për ato që kam bërë, e vuaj dënimin që nga viti 2006, por nuk duroj të më fajësojnë për atë që nuk kam bërë. Duan të më vrasin dhe për këtë u përpoqën tre herë, dy herë me thikë dhe një herë të më helmonin. Unë shkova në burg për vjedhje në vitin 2006 kur isha 29 vjeç dhe sot vazhdoj të përballem me akuza të tjera. Kërkoj zëvendësimin e trupit gjykues pasi jam pa avokat dhe gjyqi do të jetë më 20 maj 2019. Ejani këtu dhe shikoni se si drejtësia po vret shqiptarët.

Këtu vrasjet i organizon dikush tjetër, nuk jam unë ai që thonë se është Coza Nostra, apo kreu i mafias së “Burgjeve në Greqi”, se nuk kam para të blej as një paketë cigare. Dua që shteti shqiptar të interesohet dhe të dëgjojë se si na ndëshkojnë dhe si na trajtojnë dhe çfarë na bëjnë.

Unë, Coza Nostra, që nuk kam mbaruar ende 8 vjet shkollë, më futën këtu për vjedhje kuletash dhe prandaj hyra këtu dhe si po shkojnë gjërat do të më vrasin. Prandaj dua të dëgjohem në mediat shqiptare dhe ato greke.

Unë dyshoj se organizatori i të gjitha këtyre vrasjeve është vetë drejtori i burgut psikiatrik Korydallos, ai i organizon këto vrasje dhe prandaj do të më eliminojë edhe mua”, ka thënë ndër të tjera ai në vitin 2019.

The post Klodian Lekocaj urdhëroi ekzekutimin e dy shqiptarëve në Athinë? Mesazhi i tij nga burgu: Unë nuk kam lekë të blej asnjë paketë cigare appeared first on Albeu.com.

Ndërkohë vazhdon të mbetet në kërkim 43-vjeçari Olis Prifti, lindur në Lushnjë e banues në Dropull, Gjirokastër, ku bashkë me të ndodhet në arrati edhe një shtetas pakistanez i dënuar për vrasje.

Mediat greke bëjnë me dije se gjykata e Chanias ka dënuar me 42 muaj burgim 29-vjeçarin Mateo Barjami nga Mollasi i Kolonjës dhe me nga 34 muaj burgim Bledar Frrokun, 34 vjeç nga Shënkolli, Lezhë dhe Ardian Metën, 32 vjeç nga Grabjani, Divjakë.

Shqiptari që vijon të jetë në arrati 42 vjeçari, Olis Prifti është i dënuar me burgim të përjetshëm për “pjesëmarrje në organizatë kriminale”, “grabitje”, “grabitje me pasojë vdekjen”, “vjedhje”, “armëmbajtje pa leje”, “përdorim arme”.

Në dëshmitë e tyre të arratisurit kanë theksuar se ato kanë marrë një sufër metalike dhe dy vida të cilat i hoqën me ndihmën e një gozhdëprerëse nga një llambë dhe bënë një dosje të improvizuar dhe me të arritën të përkulnin kangjellat e dritares së tualetit, të dilnin brenda një korridori dhe më pas në garazhin e bodrumit të Komisariatit të Policisë.

Më pas ato janë hedhur nga gardhi për të dalë në rrugën kryesore pa u parë dhe më pas vodhën dy makina për të mbërritur në Heraklion, ku u arrestuan në qendër të qytetit, ndërsa sipas tyre dy të dënuarit e tjerë që janë në arrati dyshohet se kanë qëndruar në Chania.

Ndërkohë kujtojmë se katër shqiptaret e dhe pakistanezi u arratisen të hënën në orët e para të mëngjesit nga paraburgimi i Hanias ku ndodheshin në pritje të transferimit për në një burg rural të po të njëjtit qytet.

Sipas mediave greke Mateo Barjami është i dënuar me 20 vjet burg për “trafik droge”, Bledar Frroku me 12 vjet e 6 muaj për “trafik droge” dhe Ardian Meta me 24 vjet për “grabitje”./abcnews.al/

The post U arratisën me bujë nga burgu grek, rikthehen në qeli tre shqiptarët! Në kërkim 42-vjeçari (FOTO LAJM) appeared first on Albeu.com.

Mediat greke bëjnë me dije se personat në fjalë ishin të dënuar për drogë, vrasje, grabitje dhe trafik droge.

Ata janë arratisur nga burgu i Chanias.

Sipas mediave ato janë katër shqiptarë dhe një pakistanez , të cilët u transferuan nga Athina të shtunën dhe sot do të dërgoheshin për të vuajtur dënimin në Qendrën e Paraburgimit në Chania, por gjatë natës ose mëngjesin e sotëm kanë arritur të arratisen nga qendrat e paraburgimit.

Ndërkohë autoritetet greke janë në ndjekje të tyre./albeu.com/

The post Mbi ta rëndonin vepra të shumta penale, 4 shqiptarë dhe një pakistanez arratisen nga burgu grek appeared first on Albeu.com.

Ai ishte dënuar me burgim të rëndë dhe kishte 8 vite që vuante dënimin në Melandrinu.

Sipas të dhënave paraprake dyshohet se një ditë para se të varte veten, kishte pirë lëndë kimike klor./albeu.com

The post E rëndë! Shqiptari var veten në burgun grek appeared first on Albeu.com.