Ish-kryetari i komanduar i Bashkisë Vlorë, Elis Halili, ka dhënë dorëheqjen nga posti i kryetarit të komanduar, detyrë të cilën e mori pas dorëheqjes së Ermal Dredhës, më 10 shtator të këtij viti.
Dorëheqja e tij vjen një muaj pas mbajtjes së zgjedhjeve të pjesshëm lokale, ku kryetare u zgjodh socialistja Brunilda Mersini.
Ndërkohë, rikujtojmë se pas dorëheqjes si kryetar i Bashkisë Vlorë, Ermal Dredha mori detyrën e Ambasadorit të Jashtëzakonshëm dhe Fuqiplotë të Republikës së Shqipërisë në Konfederatën e Zvicrës, me seli në Bernë, si dhe Ambasador jo rezident në Principatën e Lihtenshteinit.
Po ashtu, nga viti 2016 deri në vitin 2023 Ermal Dredha ka shërbyer edhe si ambasador i Shqipërisë në Emiratet e Bashkuara Arabe.
