Greqia është duke u përballur me vatra të mëdha zjarri që raportohet se kanë përfshirë edhe disa lagje të banuara.
Së fundmi një vatër e madhe zjarri ka shpërthyer gjatë ditës së sotme në Mandra, ndërsa alarmi për evakuim u është dhënë banorëve në Nea Zoi, Agia Sotira, Palaiochori, Panorama dhe Pournaria.
Στην #πυρκαγία στην #μανδρα επιχειρούν και δύο #αίαντες της Ελληνικής Αστυνομίας. pic.twitter.com/8KLNFQXMyB
— Ελληνική Αστυνομία (@hellenicpolice) July 18, 2023
Në Nea Zoi raportohet se janë përfshirë disa banesa nga flakët dhe janë djegur plotësisht. Një numër i madh zjarrfikësish janë angazhuar nga toka dhe ajri, por numri i madh i zjarreve dhe vatrat e reja duket se po e bëjnë të pamundur luftën me flakët.
???Αστυνομικοί καταβάλουν κάθε δυνατή προσπάθεια να πείσουν μοναχές να εκκενώσουν μοναστήρι στην #Μάνδρα.
? ? Στην περιοχή συνεχίζουν να επιχειρούν αστυνομικές δυνάμεις για την παροχή βοήθειας στους πολίτες.#φωτια #Πυρκαγια pic.twitter.com/ifDKfYBt9S
— Ελληνική Αστυνομία (@hellenicpolice) July 18, 2023
Në Mandra, flakët kanë përfshirë kodrën ku ndodhet një Manastir. Policia greke është filmuar gjatë tentativës për të bindur murgeshat të evakuohen, por këto të fundit duket se nuk kanë pranuar. Ato kanë dalë në ambientet e jashtme dhe kanë nisur të këndojnë këngë kishtare duke iu lutur Zotit.
Sakaq, një numër i lartë qytetarësh kanë kërkuar ndihmë në spitale, për shkak të vështirësisë në frymëmarrje, nga tymi i dendur që ka pushtuar zonat.
