Vdes shqiptari në Itali, u përplas nga makina

Një aksident tragjik ka ndodhur në orët e para të mëngjesit të sotëm në rrugën shtetërore në Adriatica, në zonën e Cesanos.

Një 78-vjeçar shqiptar me biçikletë është përplasur nga një fuoristradë teksa po kalonte rrugën dhe ka gjetur vdekjen e menjëhershme.

Shërbimet e emergjencës nuk mund të bënin asgjë pavarësisht ndërhyrjes urgjente.

Në vendin e aksidentit policia rrugore dhe oficerët e policisë lokale të Senigallia kryen hetime dhe menaxhuan trafikun.