Forcat ukrainase kanë goditur një numër objektesh ruse të naftës dhe gazit me raketa Storm Shadow dhe dronë me rreze të gjatë veprimi të prodhuar në Ukrainë, thanë zyrtarët ukrainas. Ukraina më parë ka përdorur raketa të prodhuara në Britani për të goditur objektet industriale ruse të përfshira në luftën e Rusisë.
Shtabi i Përgjithshëm Ukrainas njoftoi se Forcat Ajrore Ukrainase përdorën raketa lundruese Storm Shadow për të goditur rafinerinë e naftës Novoshakhtinsk në rajonin e Rostovit.
“U regjistruan shpërthime të shumta. Objektivi u godit”, tha Shtabi i Përgjithshëm Ukrainas në një postim në Telegram, duke shtuar se rafineria është një nga njësitë më të mëdha të furnizimit me produkte nafte në Rusinë jugore dhe furnizon me naftë dhe karburant aviacioni forcat ruse në Ukrainë.
Mediat e huaja shkruajnë shërbimi i sigurisë SBU i Ukrainës tha se dronë me rreze të gjatë veprimi të prodhuar në Ukrainë goditën rezervuarë nafte në portin rus të Temryuk në rajonin e Krasnodarit dhe një uzinë përpunimi të gazit natyror në Orenburg në Rusinë jugperëndimore. Uzina e Orenburgut është më e madhja e këtij lloji në botë dhe ndodhet 1,400 kilometra larg kufirit ukrainas.
Autoritetet ruse në rajonin e Krasnodarit thanë se dy tanke u përfshinë nga flakët në portin e Temryuk pas një sulmi me dron. Flakët mbuluan një sipërfaqe prej 2,000 kilometrash katrorë, sipas një postimi nga selia operative e Krasnodarit në Telegram.
Shtabi i përgjithshëm i Ukrainës tha gjithashtu se forcat ukrainase kishin goditur një bazë ajrore në qytetin rus të Kaykop, në Kaukazin e Veriut. Kievi ka shtuar sulmet ndaj rafinerive ruse dhe infrastrukturës tjetër energjetike që nga gushti në një përpjekje për të ndërprerë të ardhurat e Moskës nga nafta, një burim kryesor financimi për luftën e Rusisë në Ukrainë.
