Donald Trump ka sulmuar verbalisht boksieren olimpike Imane Khelif pasi boksierja algjeriane (gjinia e së cilës është diskutuar shumë) fitoi medaljen e artë në Paris të premten.
Khelif mundi Yang Liu të Kinës në finalen e kategorisë së peshës së lehtë për femra, duke përfunduar serinë më të mirë të ndeshjeve të karrierës së saj në boks.
Por disa orë më vonë, në Montana, Khelif ishte objektivi i disa sulmeve verbale nga Trump teksa ai iu drejtua një turme në një tubim në Bozeman.
“Kush dëshiron që burrat të marrin pjesë në sportet e grave? Do të doja të përgëzoja gruan e re që ka evoluar nga një burrë në një grua. ‘Ai’… Ajo fitoi medaljen e artë”, tha Trump.
Khelif nuk është transgjinore dhe ka lindur femër, por është pohuar se ajo ka kromozome XY mashkullore pasi bëri një test vitin e kaluar nën IBA, të cilët që atëherë kanë refuzuar në masë të madhe t’ju përgjigjen pyetjeve se si funksionon procesi.
Trump vazhdoi: “Po gruaja, gruaja e bukur, nga Italia? Ajo hyri atje dhe nuk e dinte se çfarë po ndodhte. Ajo është një boksiere shumë e mirë – por vetëm kundër femrave të tjera.’
Donald Trump i referohej Angela Carinit, e cila u largua për 46 sekonda në ‘luftën’ e saj me Khelif javën e kaluar pasi u godit në hundë. Ajo ishte në lot dhe tha se kurrë nuk ishte goditur kaq fort më parë.
Trump më pas tha: ‘Ai e bëri këtë. Ajo menjëherë tha uou, askush nuk më ka goditur aq fort. “Pastaj ‘ai’ e goditi përsëri dhe ajo menjëherë hoqi dorë”.
Duke folur në një konferencë për shtyp pasi fitoi medaljen e artë të premten, Khelif tha: “Për tetë vjet, kjo ka qenë ëndrra ime, dhe tani jam kampione olimpike dhe fituese e medaljes së artë”./Daily Mail
