Një aksident i rëndë ka ndodhur në Zvicër, ku një avion i vogël parashutistësh ka pësuar rrëzim pranë aeroportit në Grenchen. Piloti ka humbur jetën, ndërsa 11 pasagjerët e mbetur kanë përdorur parashutat e tyre për të zbritur në tokë dhe janë të shpëtuar.
Mediat zvicerane raportuan se avioni i përkiste klubit të parashutistëve Skydive Grenchen, ndërsa policia dhe brigadat zjarrfikëse shkuan në vendin e rrëzimit, pa specifikuar se çfarë e shkaktoi rrëzimin.
Fotot në rrjetet sociale treguan rrënojat e avionit, ndërsa një dëshmitar okular tha se avioni ishte në një zbritje vertikale drejt tokës kur u rrëzua në një fushë pranë aeroportit.
