Afërsisht gjysmë milioni shtëpi kanë mbetur pa energji elektrike në shtetin australian të Victorias, pas një stuhie e cila shkatërroi disa pjesë të rrjetit.
Nga disa video të postuara në internet tregohej shiu i rrëmbyeshëm dhe erërat e forta që shkulnin pemë.
Moti i egër ka penguar gjithashtu përpjekjet për të luftuar zjarret e mëdha në perëndim të shtetit.
Ministrja e Energjisë e shtetit, Lily D’Ambrosio, tha se ndërprerja e energjisë elektrike e së martës ishte një nga më të mëdhatë në historinë e Victoria.
” 529,000 persona ishin pa energji elektrike për shkak të dëmtimit fizik të linjave të energjisë të shkaktuara nga moti ekstrem,” është shprehur ajo në një postim të bërë në X.
Ndërprerjet ndodhën pasi një numër kullash transmetimi u shembën nga stuhia, duke detyruar një termocentral të mbyllej.
Pati gjithashtu ndërprerje të gjerë të transportit në Melburn, me gjysmën e linjave të trenave të qytetit që u pezulluan.
Transporti Publik Victoria (PTV) tha se ishte detyruar të mbyllte shumë linja për shkak të raportimeve të shumta të dëmeve të stuhisë.
Paralajmërimet për mot të rëndë u lëshuan nga Byroja e Meteorologjisë, por më vonë shumica e tyre u anuluan.
