Alarmet ranë për disa minuta në zonat jugore rreth Gazës dhe në zonën më të madhe të Tel Avivit në Izrael për sulme me raketa nga palestinezët, raporton Protothema. Një raketë goditi drejtpërdrejt një ndërtesë në këshillin rajonal të Gederot, duke vrarë një grua rreth të 60-tave.
Banorët e Gazës thanë se dëgjuan të shtëna armësh përgjatë gardhit me Izraelin pranë qytetit jugor të Khan Younis dhe panë lëvizje të luftëtarëve të armatosur.
Në pamjet e pulikuara shihen shpërthime dhe shkatërrim i gjerë në qytetet përreth Tel Avivit dhe Jeruzalemit, me ushtrinë që nuk bëri të ditur detajet e origjinës së raketave që goditën vendin.
Israeli Minister of Defense, Yoav Gallant has Approved an order to begin the Call-Up of Reservists to Reinforce and Support the Israeli Defense Force.
Multiple rocket impacts in southern Israel. This was coordinated by multiple factions in Gaza pic.twitter.com/TZB2DFP92h
— MOOD OBIDIENT ? (@anonymousmoood) October 7, 2023
Zyra e kryeministrit Benjamin Netanyahu njoftoi se ai do të takohet me zyrtarë të lartë të sigurisë në orët e ardhshme.
Të paktën një raketë goditi drejtpërdrejt një ndërtesë në këshillin rajonal të Gederot, duke vrarë një grua rreth të 60-tave, sipas Magen David Adom. IDF (Forcat e Armatosura të Izraelit) filluan të veprojnë në Rripin e Gazës.
“IDF shpall gjendjen e gatishmërisë për luftë”, tha ushtria në një deklaratë. “Ka pasur sulme të gjera me raketa në territorin izraelit nga Gaza dhe terroristët janë infiltruar në territorin izraelit nga pika të ndryshme hyrjeje. Banorët në jug dhe në qendër të vendit duhet të jenë pranë zonave të mbrojtura, ndërsa ata në Rripin e Gazës duhet të qëndrojnë brenda një zone të sigurt”.
Forcat e Armatosura izraelite thanë se shefi i shtabit ishte të shtunën në mëngjes duke kryer një vlerësim të situatës dhe miratoi planet për vazhdimin e operacioneve të IDF. Ministri i Mbrojtjes Yoav Gallant miratoi mobilizimin e ushtarëve rezervë në përputhje me kërkesat e IDF. “Hamasi është entiteti dominues në Rripin e Gazës përgjegjës për këtë sulm dhe do të mbajë pasojat dhe përgjegjësinë për ngjarjet”, tha IDF.
