Helikopteri i presidentit rus Vladimir Putin ka qenë në qendër të një sulmi në shkallë të gjerë nga dronë ukrainas gjatë vizitës së tij në Rajonin Kursk më 20 maj, është shprehur komandanti i divizionit të mbrojtjes ajrore Yuri Dashkin.
“[Helikopteri i Presidentit Rus] ishte praktikisht në epiqendrën e sprapsjes së një sulmi në shkallë të gjerë nga dronët e armikut. Intensiteti i sulmit gjatë fluturimit të avionit me Komandantin e Përgjithshëm mbi territorin e Rajonit Kursk u rrit ndjeshëm.
Prandaj, ne njëkohësisht zhvilluam një betejë të mbrojtjes ajrore dhe siguruam sigurinë e fluturimit të helikopterit presidencial në ajër”, ka thënë Dashkin në një intervistë të transmetuar nga kanali televiziv Rossiya-24, raporton agjencia ruse e lajmeve TASS.
Detyra u përmbush, “sulmi nga dronët e armikut u zmbraps, të gjitha objektivat e hapësirës ajrore u shkatërruan”, shtoi ai.
Vladimir Putin vizitoi Rajonin Kursk më 20 maj. Në veçanti, ai u takua me vullnetarë, si dhe me krerët e komunave, dhe me guvernatorin në detyrë Alexander Khinshtein. Vizita ishte e para që kur rajoni kufitar u morë nga rusët më 26 prill.
“Gjatë periudhës kur Presidenti [Putin] po udhëtonte në rajonin e Kurskut, armiku nisi një sulm të paparë me mjete ajrore pa pilot. Grupi i mbrojtjes ajrore në këtë zonë shkatërroi 46 avionë [dronë ushtarakë ukrainas] të tipit avionë”, ka theksuar Gjeneral Majori i Forcave Ajrore Yuri Dashkin.
Incidenti i supozuar, nëse është i vërtetë, do të shënonte një moment të rëndësishëm në konfliktin e vazhdueshëm Rusi-Ukrainë, duke nxjerrë në pah cenueshmërinë edhe të figurave të profilit më të lartë në rajonet kufitare të kontestuara dhe rëndësinë në rritje të luftës me dronë.
Deri tani nuk ka asnjë deklaratë zyrtare nga Kremlini, Ministria Ruse e Mbrojtjes apo autoritetet ukrainase, duke e lënë në pikëpyetje mbi autenticitetin e raportit.
Kremlini konfirmoi vetëm se Putin vizitoi Kurskun më 20 maj 2025. Rajoni është përballur me sulme të përsëritura me dronë ukrainasë dhe një ndërhyrje të konsiderueshme tokësore nga forcat ukrainase në gusht 2024, të cilat pushtuan për pak kohë pjesë të Kurskut përpara se kundërsulmet ruse të rimerrnin kontrollin.
