I ndërtuar 3 mijë vjet më parë në Epokën e Faraonëve, zbulohet “qyteti i artë i humbur” i Egjiptit (Foto)
Një qytet 3 mijë vjeçar, që mendohet se i përket epokës së faraonëve është zbuluar në Egjipt.
Arkeologët pas një pune të gjatë, kanë rënë në gjurmët e qëtetërimit antik, dhe kanë arritur të risjellin edhe njëherë lavdinë e dikurshme të qytetërimeve egjiptiane.
Lajmin e bëri të ditur egjiptologu i njohur Zahi Haëass i cili njoftoi zbulimin e “qytetit të artë të humbur” të vendosur pranë Luxor, shtëpia e Luginës legjendare të Mbretërve.
Në një deklaratë, ekipi i gërmimit tha se qyteti “humbi nën rërë dhe datonte në mbretërimin e Amenhotep III dhe vazhdoi të përdorej nga Tutankhamun dhe Ay.”
Betsy Bryan, profesor i artit dhe arkeologjisë egjiptiane në Universitetin Johns Hopkins, e përshkroi gjetjen si “zbulimi i dytë më i rëndësishëm arkeologjik që nga varri i Tutankhamun” gati një shekull më parë.
Gërmimet filluan në shtator 2020 midis tempujve të Ramses III dhe Amenhotep III pranë Luxor, rreth 500 kilometra (300 milje) në jug të Kajros. Brenda javësh, ekipi zbuloi formacione me tulla baltë që shkonin në të gjitha drejtimet.
Pas shtatë muajsh gërmimesh, disa lagje janë zbuluar, përfshirë një furrë buke të mbushur me qeramikë magazinimi, si dhe zona administrative dhe rezidenciale.
Artikujt e bizhuterive janë zbuluar gjithashtu, së bashku me enët e qeramikës me ngjyrë, amuletat e brumbujve të karabit dhe tullat e baltës që mbajnë vulat e Amenhotep III./albeu.com
