Një djalë 8-vjeçar nga Zimbabve u gjet 5 ditë pasi humbi në parkun e kafshëve të egra, Matusadona.
Tinotenda Pudu u largua nga fshati i tij i largët, Kasvisva, në veri të Zimbabvesë dhe pa vetëdije hyri në Parkun Kombëtar Matusadona, me pyje të dendura, me grabitqarë i kufizuar me një liqen të mbushur me krokodilë.
Kafshët e egra dhe kushtet e vështira përbënin rreziqe të mëdha për djaloshin, i cil u shpëtua pas pesë ditësh endje në park, shkroi deputeti, Mutsa Muombedzi në X.
Duke e përshkruar shpëtimin e djalit si një “mrekulli të vërtetë”, Muombedzi tha se ai kishte ecur 14 milje nga shtëpia deri në një degë të lumit Ume, që derdhet në liqenin Kariba.
“Ai mbijetoi duke fjetur në disa shkëmbinj, mes luanëve dhe elefantëve që kalonin herë pas here dhe duke ngrënë fruta të egra”, shtoi ajo.
Fshatarët dolën në pyll natën, duke rrahur daullet në përpjekje për të tërhequr vëmendjen e djalit dhe për ta sjellë atë në shtëpi, por pa sukses.
Matusadona është shtëpia e disa prej kafshëve më vdekjeprurëse të Afrikës, duke përfshirë luanët, leopardët, buallin, elefantët dhe hipopotamët.
Parku, i cili është pothuajse 917 km2, dikur kishte një nga zonat më të populluara me luanë në Afrikë, sipas African Parks, një organizatë joqeveritare që menaxhon Matusadona-n. Sot në të jetojnë rreth 40 luanë.
Djali u shpëtua nga rojet e parkut, shumica e të cilëve vijnë nga krerët e fiseve fqinje. Tinotenda ndoqi makinën e tyre, por e humbi dhe u kthye në shkëmbinjtë ku kalonte natën.
“Gjurmët e tij të freskëta u vunë re nga rojet pasi u kthyen në të njëjtën rrugë. Ky ishte ndoshta shansi i tij i fundit për t’u shpëtuar pas pesë ditësh në shkretëtirë” tha Muombedzi.
Deputeti vlerësoi aftësitë tradicionale të mbijetesës të popujve të Zimbabve veriore që ndihmuan Tinotendën për të mbijetuar. Djali hëngri një dietë me tsvanzva, një frut i zonës.
Për të siguruar ujë, djali kopjoi teknika nga komuniteti i tij në rajonin e Afrikës Jugore të rrënuar nga thatësira, duke përdorur duart dhe një shkop për të gërmuar një pus të vogël në një shtrat të thatë lumi, ku nxori ujë të mjaftueshëm sa për të mbijetuar.
“Ne jemi tepër mirënjohës për rojet e guximshme të parkut, komunitetin e palodhur Nyaminyami që i binte daulleve të natës çdo ditë për ta bërë djalin dëgjonte zërin që të drejtohej për në shtëpi dhe të gjithë ata që iu bashkuan kërkimit”.
“Mbi të gjitha, ne falënderojmë Zotin që e ka vëzhguar Tinotenden dhe e ka çuar atë në shtëpi të sigurt. Ky është një testament i fuqisë së unitetit dhe shpresës”, përfundoi deputeti ne postimin e tij në X.
