Ish kryebashkiaku i Stambollit Ekrem Imamoglu ka dërguar një mesazh të ri nga burgjet e Silivrisë. Në postimin e tij ai i bën thirrje popullit që të mos kenë frikë nga ato që janë në injorancë dhe lajthitje duke shtuar se vendosmëria dhe këmbëngulja do të jenë motoja e tyre.
“Mos kini frikë! Mos kini frikë nga ata që janë në injorancë dhe lajthitje! Referenca e tij i referohet një citimi të njohur të Kemal Ataturkut në fjalimin e tij historik drejtuar rinisë turke. Graja, vendosmëria dhe këmbëngulja le të jenë motoja jonë! Kombi është i madh!” shton Imamoglu në postimin e tij në X dhe thekson se qeveria ka përfunduar ciklin e saj të jetës dhe po bën lëvizjet e fundit të dëshpëruara për të mos humbur pushtetin.
Në të njëjtën kohë, Partia Popullore Republikane (CHP) e opozitës zyrtare në Turqi, ditën e nesërme mban një konferencë urgjente nën hijen e arrestimit të kryetarit të Stambollit dhe kandidatit të kësaj partie për zgjedhjet e ardhshme presidenciale, Ekrem Imamoglu.
Kongresi i urgjencës u njoftua nga kryetari i CHP, Özgür Ozel, më 21 mars, tre ditë pas arrestimit të Ekrem Imamoglu mes shqetësimeve të shtuara se hetimi prokurorial në vazhdim kundër partisë, përveç kryetarit të bashkisë, rrezikon të çojë në largimin e udhëheqjes së saj dhe emërimin e një administratori.
Në përpjekje për të penguar emërimin e një administratori, Ozel ka vendosur ta çojë partinë e tij në një kongres urgjent, i cili mbahet nesër në kryeqytetin Ankara, për të parandaluar tentativat për të emëruar një administrator në parti. Do të jetë një konventë e pakundërshtueshme me vetëm një kandidat presidencial.
