Britania hodhi ushqime në Gaza për herë të dytë sot, të Premten e Madhe Katolike.
Forcat Ajrore Mbretërore hodhën me parashutë më shumë se 10 tonë ndihma, duke përfshirë oriz, miell, vaj, ushqim për fëmijë, kanaçe dhe ujë.
Një avion RAF A400M u ngrit nga Amani për të hedhur furnizime përgjatë vijës bregdetare të enklavës së shkatërruar nga lufta, si pjesë e misionit ndërkombëtar të ndihmës të udhëhequr nga Jordania.
Sekretari i Mbrojtjes Grant Shapps tha: “Mbretëria e Bashkuar po bën gjithçka që mundet për të çuar sa më shumë ushqim të jetë e mundur në Gaza. Aeroplani i sotëm do të sigurojë më shumë se 10 tonë ushqim për qytetarët në nevojë. Falenderoj personelin e Forcave Ajrore Mbretërore dhe Ushtrinë Britanike për punën e tyre të palodhshme në mbështetjen e këtij misioni. Ne do të vazhdojmë të shfrytëzojmë çdo mundësi për të ofruar ndihma nga ajri, deti dhe toka në Gaza”.
