Bojken Lako ka treguar për herë të parë se si nisi rrugën e muzikës dhe nuk u bë aktor sikurse babai i tij, ndonëse studimet i ndoqi për Regji.

“Siç thashë për Bujon, te kjo pjesa e trashëgimisë së talentit të vet e kishte siklet atë. Më ushqente me idenë dua të bësh diçka në jetë që të jesh më i mirë se unë. Prandaj unë kam studiuar me piano dhe kam qenë realisht i talentuar. E shihte mbase talentin që mbase pikturoja, dhe kishte qejf ai që të bëhesha regjisor, meqë kisha disa lloje talentesh. Bile i kam thënë që dua të bëhem aktor se dhe ynë hyra në shkollë për Regji dhe dy vitet e para normalisht që më dukeshin njësoj sepse lëndët ishin të njëjta. Ai ishte me këtë që aktori mund të jetë regjisor shumë i mirë, mund të bëjë një film. Kjo ishte ajo që e shqetësonte pak, që kur e bën një gjë duhet ta bësh mirë, me nivele të larta. Ka qenë një nga njerëzit që më ndiqte shumë dhe nëpër koncerte, vinte pak si i fshehur nëpër koncerte në lokale, kishte qejf kur arrija ndonjë moment të mirë emocional në ndonjë këngë, ndihej mirë” thekson Lako.

Bojken Lako ka treguar për shkëputjen që pati nga muzika dhe për projektet e tij në të ardhmen.

 “Unë me muzikën kam pasur një moment shkëputje sepse pata një moment që nuk më pëlqente krijimtaria ime personale në muzikbërje. Më duket sikur bëja të njëjtën gjë. Dhe kam pasur qejf këtë periudhë që të punoj më tepër në krijimet e të tjerëve. Kam qejf të këndoj në krijimet e të tjerëve. Kam nisur tani në Festival me mjeshtrin, legjendën Sandër Gjoka diçka. Por ai ka shumë ide dhe mund të bëjmë dy apo tre gjëra në të ardhmen. Gjithashtu me Gent Bushpepën. Kam dëshirë të punoj në një album që ka lidhje pak me muzikën folklorike qytetare, të sjella pak ndryshe. Dua të bëj ato eksperimente më shume se sa krijime origjinale nga fillimi. Megjithatë dhe e kisha ndërprerë. Por një ditë po dëgjoja këto demot e mia kur i kam bërë atëherë, kur i kam pasur energji për të krijuar dhe mbase bëj dhe ndonjë gjë në të ardhmen”, shprehet Lako.

The post Bojken Lako tregon pse zgjodhi muzikën në vend të aktrimit, zbulon planet e reja appeared first on Albeu.com.

Por një imazh të qartë të vajzës që i ka rrëmbyer zemrën Bojkenit ende nuk e kishim. Së fundmi vetë artisti ka publikuar në rrjetin e tij social Instagram një foto me partneren e tij, duke e prezantuar atë me gjithë ndjekësit e tij. Ata shfaqen të lumtur në krahët e njëri-tjetrit, teksa Bojken është duke e puthur në faqe.

Mesa duket gjërat po shkojnë më së miri mes tyre dhe ata janë ndjerë gati për ta bërë publike lidhjen. Bojkeni e ka bërë tag në Instagram partneren duke e shoqëruar me një emoji zemre. Ndërkohë që Izzy shihet se ka mbështetur partnerin e saj në “Festivalin e Këngës” duke publikuar një story teksa ndodhet në sallën e Pallatit të Kongreseve.

“Jam në një marrëdhënie. E vërteta është se nuk kam reaguar. Sepse unë këto portalet i shoh si maskota. Është e vërtetë që jam në një lidhje, por nuk më pëlqen të flas për jetën private”, tha Bojken ne nje interviste se fundmi.

The post Nuk fshihen më! Bojken Lako na prezanton me të dashurën e re (FOTO LAJM) appeared first on Albeu.com.

Së fundmi këngëtari ka qenë i ftuar në “ABC-ja e Mëngjesit” ku pranoi për herë të parë se është në një marrëdhënie, por shtoi se nuk i pëlqen të flasë për jetën private.

“Jam në një marrëdhënie. E vërteta është se nuk kam reaguar. Sepse unë këto portalet i shoh si maskota. Është e vërtetë që jam në një lidhje, por nuk më pëlqen të flas për jetën private”, tha ai.

Për tu rikthyer tek ish e dashura e tij Semi, Bojken u shpreh se ka një raport të mirë me të, kjo dhe për faktin që e dashura e tij aktuale e kupton dhe ia lejon.

“Nuk ka ndonjë ndjesi të veçantë. Unë kështu i kam pasur ndjesitë në jetë, i vlerësoj njerëzit për vlerat që kanë. Kjo është diçka që e ndjej. Po ashtu kam edhe mbështetje. Edhe partnerja ime është shumë open mind, e vlerëson, nuk bëhet pengesë”,-përfundoi Lako.

Më herët në një intervistë Semi Jaupaj u shpreh se ka mirënjohje për ish-partnerin e saj, por që nuk shpenzojnë kohë së bashku, pra që të frekuentohen apo të dalin për dreka e darka.

“Unë shokët e mi i kam shumë të afërt, shpenzoj shumë kohë me ta, flas shumë, Bojken nuk mund ta quaj shok të këtij niveli. Kam shumë respekt, e kam shumë xhan dhe më duket njeri shumë i bukur, pra i bukur si njeri. Për dreka darka jo. Nëse do me lidhte puna patjetër, nëse do e shihja do i flisja, nëse do kishte ditëlindjen do e uroja”- theksoi Semi ndër të tjera.

The post Në një lidhje të re, Bojken Lako tregon reagimin e partneres për raportin e tij me Semi Jaupajn (FOTO LAJM) appeared first on Albeu.com.

I ftuar në “ABC e Mëngjesit”, ai foli për gjithçka rreth jetës së tij, duke mos anashkaluar as dënimin që mori fillimisht me 3 vite pasi hapi katër dritare në një ndërtesë, që do e kthente studion e tij muzikore.

Lako u shpreh se është i barabartë para ligjit dhe se portalet e kanë zmadhur këtë ngjarje, të cilën e ka konsideruar si një aksident.

“Çdo njëri është i barabartë para ligjit dhe cdo kujt i ndodhin episode. Ai ishte një abuzim mediatik që deri diku kishte disa të verteta. Unë e trajtova vetë që jam i barabartë para ligjit. Unë nuk bëra burg, por kam disa detyrime për të kryer.

Unë jam një njeri që nuk lexoj të gjitha ato që shkruhen nëpër portale. E vërteta është që mua më ndodhi një aksident dhe kaq, jam i barabartë para ligjit”, tha ndër të tjera artisti.

The post Rrezikoi 3 vite burg për 4 dritare pa leje, Bojken Lako: Jam i barabartë para ligjit appeared first on Albeu.com.

Disa prej këngëve të saj kanë tërhequr interesin e publikut.

Një ndër këngët që publiku u dashurua menjëherë ishte pikërisht ‘All your lovin’ në bashkëpunim me Ron.

Së fundmi, Semi ka qenë në “Sunny Hill Festival” ku ka shijuar performancat e këngëtarëve më në zë të momentit si të huaj ashtu dhe shqiptar.

Ajo ka postuar një foto me këngëtarin italian Tananai, mik i reperit Fedez. “Ne të dy jemi martuar por ky akoma nuk e di, pastaj është dhe Fedez i martuar me Chiaran”, shkruan këngëtarja.

Ndërkohë nuk ka munguar edhe komenti epik i Bora Zemanit.

“Ma mbaj mirë gocën ore”, shkruan Bora ku edhe i ka bërë tag këngëtarit të njohur Tananai.

Kujtojmë se Semi ka qenë në një marrëdhënie dashurie disa vjecare me këngëtarin Bojken Lako./albeu.com/

The post Semi Jaupaj na prezanton me “partnerin” e saj të ri (FOTO LAJM) appeared first on Albeu.com.

Së fundmi “kryefjala.com” e ka fotografuar artistin krah bjondes simpatike. Edhe pse identiteti i saj nuk bëhet i ditur, të paktën tani kemi dhe fotot e para të çiftit.

Kur ishte i ftuar në “Wake up” kur u pyet për foton që publikoi, Bojkeni tha se fakti që ai e ka postuar atë foto në faqen e tij personale do të thotë që “është diçka e mirë”.

“Nuk kam dëshirë të flas shumë sepse këtu është maja e shpërndarjes së thashethemit dhe të lajmit. Deri sa kam vënë diçka në faqen time personale normalisht ka diçka shumë të mirë që ndihem mirë…”, tha ai.

The post Refuzon të flasë, por Bojken Lakos i publikohen fotot e para me partneren e re (FOTO LAJM) appeared first on Albeu.com.

Didi luante një rol negativ tek “Njerëz dhe Fate” edhe pse ishte shoqja e Florit, të cilin ajo e përfshiu në rrugën e trafikimit të drogës dhe prostitucionit.

Në vitet 2000 veç rolit në serial ajo u përfol edhe për historinë e dashurisë me rrokerin e famshëm, Bojken Lako dhe nuk u bë asnjëherë publike ose ishte një thashethem. Arta jeton tashmë në Australi, ku dhe vijon karrierën si aktore atje.

Ajo sot është po aq simpatike sa atëherë, edhe pse kanë kaluar rreth 18 vite “Didi” nuk ka ndryshuar, por duket tepër në formë.

The post Ishte shoqja e Florit në telenovelën “Njerëz dhe Fate”, si duket sot pas 18 vitesh aktorja e njohur Didi? appeared first on Albeu.com.

Blushi ka ndarë në profilin e tij personal një bisedë me artistin, Bojken Lako, i cili u dënua pasi hapi katër dritare në një ndërtesë, që do e kthente studion e tij muzikore.

Në këtë bisedë, ai zbulon gjithçka rreth muzikantin, nga dënimi, marrëdhënia me lëndën narkotike, të cilën Lako thotë që e ka lënë nga viti 2004, arsyeja e ndarjes me këngëtaren Semi Jaupaj, jetesa me të ëmën dhe mendimet për ish-bashkëshorten e tij, Olesia Duka që ndodhet në burg se akuzohet për mashtrim.

Postimi i plotë:

DRITARET E BOJKEN LAKOS

Dëgjova që Bojken Lako mund të shkojë në burg.

I çova një sms. Mu përgjigj pas dy ditësh. A mund te takohemi pas orës 11 paradite, më tha. Deri në atë orë punoj.

U takuam te Rruga e Ambasadave.

Ça bën, i thashë

Punoj në një televizion, tha. Zgjohem çdo ditë në ora 5 të mëngjesit.

Ça thua, i thashë, kur unë drejtoja një televizion askush nuk zgjohej në 5 të mëngjesit.

Epo varet ça televizioni ke punuar, tha Bojken.

Me ça shkon në punë kaq herët, i thashë

Lëre, tha, paguaj 200 mijë lekë taksi çdo muaj

Po pse nuk ke makinë?

E demolova, tha, e shkatërrova me qëllim

Si e demolove?

Piva shumë, tha, dhe doja të bëja një dëm. Për fat nuk vrava asnjeri

As veten, i thashë

Jo, tha, shpëtova me një dhëmb të thyer. Isha me 100 km në orë te rruga Myslym Shyri

Vetëm një herë jam dëmtuar në makinë dhe kjo ka ndodhur kur makina ishte e parkuar, thashë unë

Unë e kam për herë të dytë, tha Bojken. Herën e parë rashë në Lanë

Kishe marrë ndonjë gjë, e pyeta

Jo, tha. Askush nuk e beson që nuk marr asgjë që nga viti 2004

Po me makinën çu bë?

Atë e hodha. Kam një makinë të babait, Bujos, (Bujar Lakos), është një Suzuki e 1994. Me nja dy milion bëhet e re. Është komplet mekanike. E mbaj në garazh.

Pse do të fusnin në burg?

Kishin të drejtë, tha, po u sollën mirë

Si u sollën mirë duke të çuar në burg?

Kam marrë një magazinë me qira. Për koncerte. Aty bëheshin bukët për ushtrinë. Dritaret ishin mbyllur me tullë. Vendosëm ti hapnim për ajër. I ramë me vare. I prishëm.

Shumë mirë bëre, ça ndodhi pastaj

Na spiunuan komshinjtë. Ata do ndërtonin pas nesh dhe muri duhej të ishte kallkan. Pa dritare. Sipas kodit penal dënimi ishte nga 3 në 6 vjet burg. Ishte shtuar një nen i ri.

Paske shpëtuar mirë,

Po, tha, me shërbim prove, duhet të paraqitem.

U morën të gjithë me ty, a thua se kishe bërë ndonjë pallat pa leje,

Çe pyet, tha Bojken, më thirrën dhe në Ministri

Ça donin, i thashë

Duan të bëj koncerte në burg për të ndryshuar imazhin e burgjeve

Do të paguajnë, e pyeta

Se besoj, tha. Ku kanë lekë burgjet

Do shkosh?

Do shkoj, më vjen keq për ata aty brenda. Kam jetuar me një grua që tani është në burg

Po tani me kë jeton?

Që kur u ndava me Semin, jetoj me mamin

Pse u ndave, e pyeta, ajo ishte vajzë e mirë

E mirë ishte, po kishim diferencë. Ajo 26 unë 47

Si është të jetosh me mamin?

Shumë mirë, tha Bojken. Tani më shkruajnë shumë vajza në instagram

I takon?

Kur kam kohë,

Po flokët i lyen, e pyeta

I lyej, duhet të dukem pak më i ri. Pse ti nuk i lyen?

Skam kaq guxim sa ty,

Të shkojnë të thinjur, tha Bojken, mos i lyej

Dua të të bëj një fotografi, i thashë

Po, tha, patjetër. Edhe Bujo nga fundi bënte fotografi. Ça nuk sajonte. Me celular. Ti paske aparat. Sa fotografi ke?

Për katër muaj rreth 40 mijë.

Shumë, tha. Bashkë me mua dyzet mijë e një.

Mbase bëjmë më shumë se një shkrepje, i thashë.

Dolëm jashtë

Ja këtu, i thashë, po s’kemi shumë dritë

Unë nuk di të pozoj, tha

Ska lidhje, i thashë, kur një fotografi del keq fajin s’e ka ai që fotografohet, por ai që fotografon

Ja tregova.

Boo, tha, jam i fryrë. Nga alkooli

Në bardhë e zi nuk do dukesh, i thashë

Duhet te iki, tha Bojken. Do shkoj te magazina. Argonaut Art Factory. Është Berlin style.

A të vi dhe unë, e pyeta

Jo jo, një herë tjetër, sot do vijnë ca tipa që ke parasysh pinë pak. Janë kengëtarë të rinj

Ska gje, i thashë, më pëlqejnë këta tipa, mund ti fotografoj

Jo jo, tha Bojken do të them një herë tjetër

Shiko, i thashë do i shkruaj këto që biseduam

Shkruaj çfarë të duash, tha

Jo, i thashë ato që më the për atë gruan në burg nuk i shkruaj

Si të duash, tha.

Dhe iku./albeu.com/

The post Nga dënimi për 4 dritare te ndarja me Semi Jaupajn, Ben Blushi “zbërthen” Bojken Lakon (FOTO LAJM) appeared first on Albeu.com.

Duke kritikuar gjykatat dhe gjykatësit, Rama tha se dënohet një këngëtar për disa dritare të hapura, ndërkohë zvarriten vendimet për pallate pa leje në breg të detit.

Komentet kryeministri i bëri teksa fliste në Kongresin e Partisë Socialiste për Reformën në Drejtësi dhe vështirësitë e saj, ku shtoi se këto raste, s’janë të vetmet.

“Nuk është faji dhe përgjegjësia jonë që askush përpara nesh nuk e nisi këtë rrugë. Të gjithë u stepën nga Reforma në Drejtësi që do të bënte pikërisht këtë që po bën, goditjen në radhët e sipërme të pushtetit politik. Sikur ta kishin nisur të tjetër më parë këtë reforme, sot Shqipëria do të ishte një vend tjetër, por janë humbur 25 vite. Çerek shekulli. Koha që humbet bashkë me mundësitë që sjell është më e gjatë se sa koha që humbet kur mundësitë janë aty. Shqipërisë iu treten shumë shanse dhe mundësi të kohës, koha i solli Shqipëria s’i shfrytëzoi.

Pikërisht se përse Reforma në Drejtësi, ka nisur me vonesë kaq të gjatë do të duhet të durojmë shumë fare teksa luftojmë për drejtësi. Duhet të shtrëngojmë dhembët e të ecim përpara. Nuk duhet të lëndohemi edhe kur njerëzit tanë thonë ‘ik ore se të gjithë jeni bashkë. Do e durosh, pavarësisht se sa e tmerrshme është të mendosh të jesh në një çanak me Sali Berishën dhe Ilir Metën. Dënohet me heqje lirie një këngëtar se hap 1 dritare, apo zgjeron një objekt, ku ndërkohë strukturat shtetërore, policia, INUK-u, presin prej muajsh e muajsh, që gjykata dhe gjykatësit të mos marrin në mbrojtje një pallat të tërë pa leje m’u në breg të detit”, tha Rama./albeu.com/

The post 3 vite burg për 4 dritare, Rama flet në Kongres për dënimin e Bojken Lakos appeared first on Albeu.com.

Ai e cilësoi këtë si një urrejtje ndaj një këngëtari të mirënjohur në artin skenik të vendit.

Berisha e vlerëson të gabuar këtë akt dhe shton se shumë kate dhe ndërtesa po bëhen pa leje ndërkohë “dënon me tre vite burg për një dritare”.

“Dënimi për Bojken Lakon. Një kat i paprecedentë. Një urrejtje ndaj një këngëtari të mirënjohur. Se ai nuk pranoi ndonjëherë t’i thurë këngë brendit. Ai qëndroi këngëtar i pasioneve dhe idealeve të tij. Pasardhës i një artisti të shquar shqiptarë. Në artin skenik të vendit. Gjetën ta dënojnë tre vite burg se hapi një dritare pa leje. Në një kohë ku ndërtohen kate mbi akte pa leje. Shpreh solidaritetin tim dhe dënoj me ashpërsinë më të madhe këtë vendim. Dëshmi e shëndërrimit të Drejtësisë në degë ekzekutivi dhe hakmarrje primitive të Edi Ramës ndaj një zëri aq të dashur si Bojken Lako.”, tha ai./albeu.com

The post 3 vite burg për 4 dritare pa leje, Berisha ka “dy fjalë” për dënimin e Bojken Lakos appeared first on Albeu.com.