Sekretari amerikan i Shtetit Antony Blinken i ka bërë thirrje vendeve europiane që të heqin dorë nga energjia ruse, ndërsa vazhdon lufta në Ukrainë, shkruan CNN.
Komentet Blinken i bëri gjatë një konference për shtyp me kryeministren e Estonisë Kaja Kallas, ku tha se Europa duhet të heqë dorë nga energjia ruse, pasi sipas tij, Rusia e përdor atë si armë.
Kallas bëri thirrje që të përjashtojë plotësisht Rusinë dhe Bjellorusinë nga SëIFT dhe të kufizojë aksesin e saj në kriptovalutat.
Vendet duhet të fokusohen në “izolimin e plotë” të Rusisë nga bota e lirë. Situata e përkeqësuar “kërkon ndryshime të shpejta në sigurinë evruopiane”, theksoi ajo, duke shtuar se bota duhet të përgatitet për më të keqen.
“Prandaj, dhuna e Putinit duhet të jetë në korrelacion me sanksionet e mëtejshme, tha Kallas.
Ajo falëndenoi Blinken për punën e Shteteve të Bashkuara në ndërtimin e unitetit brenda aleatëve të NATO-s, duke shtuar se ajo kishte kërkuar për një “mbrojtje të përhershme dhe kuptimplote të NATO-s në rajonin Baltik”.
Pavarësisht situatës së zymtë në terren, NATO nuk është e gatshme të përfshihet drejtpërdrejt në konflikt, duke përfshirë krijimin e një zone të ndalim-fluturimit.
