Gjithsesi një vendim i tillë do të merret këto ditë, saktësisht ditën e hënë pritet që mes palëve të ketë një tjetër takim, ku do të diskutohet fillimisht e ardhmja e Shkëmbit dhe më pas do të vendosen edhe pikat mbi “i” sa i takon skuadrës.

Siç dihet për Shkëmbin ka oferta edhe nga skuadra të tjera. Struga është ekipi që kërkon timonierin aktual të bardhebluve.

Oferta e skuadrës shqiptare të Maqedonisë së Veriut qëndron në “tavolinë” dhe mbetet të shihet se çfarë do të vendoset në fillim e javës së ardhshme.

The post Oferta e Strugës në tavolinë, Tirana vendos për të ardhmen e Bledi Shkëmbit appeared first on Albeu.com.

Dy të lënduarit vijojnë të jenë në spital duke marrë trajtim mjekësor.

Pacienti H.L. 70 vjeç, ndodhet në gjendje stabël, ndërsa pacientja I.SH. 39 vjeçe ndodhet jashtë rrezikut për jetën.

70-vjeçari ka dëmtime të rruazave të qafës dhe një plagë në kokë.

Ndërkohë mësohet se 39-vjeçarja është gruaja e Bledi Shkëmbit, ish-futbollistit të Skënderbeut.

Ky i fundit ka folur për Top Channel dhe ka bërë me dije se po përgatit dokumentet për të ngritur një padi ndaj firmës së ndërtimit, përfaqësues të së cilës deri në mesditë nuk kanë kontaktuar askënd për të mësuar mbi gjendjen shëndetësore të dy peronave.

Për incidentin mëngjesin e kësaj të marte u arrestuan për veprën penale të shkeljes së rregullave dhe mbrojtjes në punë Elton Osmanllari, punëtor, Erjon Kanto, sipërmarrës dhe Zef Kalaj inxhinier i kompanisë Arlis.

Sipas verifikimeve të grupit hetimor në terren, ata nuk kishin zbatuar rregullat për të ruajtur, qoftë punëtorët, ashtu edhe këmbësorët./albeu.com

The post Rënia e skelës në Tiranë, mes të plagosurve bashkëshortja e ish-futbollistit, Shkëmbi: Do t’i padis! appeared first on Albeu.com.

Për emisionin Gol Pas Goli, në Supersport, tekniku theksoi se ka pritur më shumë nga sulmuesit ndërsa shton se në fillim nuk e kanë menduar se situata do të ishte kaq e komplikuar, megjithatë shton se drejtuesit janë në bisedime me disa futbollistë për të përmirësuar ekipin.

“Ishte një ndeshje që e patëm në kontroll dhe e kërkuam ta fitonim, por nuk arritëm. Isha i bindur që një gol do të na lironte psikologjiksht, por në fund patëm fat që morëm një pikë.

Jemi të zhgënjyer, kishim menduar ndryshe, por në futboll gjërat nuk shkojnë si i mendon. Donim tre pikët si ndeshja e fundit e këtij viti, por është momenti i duhur për të reflektuar për atë që kemi bërë gabim dhe atë që mund të rikuperojmë”.

Merkato? “Klubi ka menduar për të afruar lojtarë për ato pozicione ku kemi nevojë dhe mendoj se do të vijnë të duhurit. Emra konkretë nuk mund të them se klubi është në bisedime”.

Cili repart të ka zhgënjyer më shumë? “Në disa ndeshje nuk e kemi pasur problemin vetëm në një repart, por e kemi pasur në tërësi. Isha i bindur që do të kishim disa pikë më tepër, por nga sulmi prisja më shumë. Me statistika kemi shënuar pak, ka lojtarë që nuk kanë shënuar dhe nuk kanë qenë aty ku duhet”, u shpreh Shkëmbi.

The post Shkëmbi tregon nga kush është zhgënjyer më shumë: Mendoj se në merkato do vijnë të duhurit appeared first on Albeu.com.

“Sot ndryshe ishte dëshira, impenjimi dhe kryesorja përqendrimi i lojtarëve. Pjesë e parë goxha e mirë, patëm rastet, por për fat të keq vazhdojmë të gabojmë raste të pastra. Ndoshta zëvendësimet duhet të bënin pak më mirë, por është një barazim që do na bëjë mirë në anën psikologjike”.

“Jemi disa lojtarë më shumë, por vazhdojmë të kemi probleme. Maliqi dhe Bardhi nuk janë në kondicionin maksimal. Reaguam mirë në pjesën e parë, skuadra u përgjigj mirë.

“Kemi pësuar kaq shumë gola me portierë kaq të mirë? Kanë qenë më të mirë sulmuesit… Përtej shakave, komplimente Simonit. Ne e dimë që kemi një xhevahir në portë. Ishte shansi i Simonit, njësoj si Bakaj pati shansin e tij pas dëmtimit të Harizajt. Më vjen mirë që një 17-vjeçar bën shumë mirë në portë, ai nuk e ndjeu aspak presionin, aq më tepër në këtë moment të vështirë për ne”.

“Duhet të jemi më të duruar, por më e mira do ishte të ecnin paralel rezultatet e pozitive dhe aktivizimi i të rinjve. Klubi beson shumë te lojtarët e rinj, do vazhdojmë në këtë linjë.

“Një gjuajtje në kuadrat? Nuk mendoj se e zgjidh merkato. Nuk e mendojmë merkaton si shpëtim. Ndoshta mund të na forcojë në ndonjë repart. Kemi raste, por nuk godasim. Ndikon cilësia, qetësia dhe presioni që kemi për të fituar një ndeshje, pasi, për fat të keq, nuk po e bëjmë mirë këtë pjesë.

“Ibraimi në sulm? Sulmuesit që kanë pasur rastin dhe shansin, nuk e kanë bërë siç duhet. Ibraimi na jep më shumë qetësi me veprimet e tij teknike, është lojtar i sigurt për të mos humbur topin, kemi vuajtur në këtë pjesë. Ndoshta do të vertikalizonim pa pikë referimi, ashtu siç bëri Bardhi disa herë. Nuk bëmë mirë, nuk doli siç e kishim përgatitur”, tha Shkëmbi.

The post Shkëmbi: Merkaton nuk e shohim si shpëtim, gabuam sërish para porte appeared first on Albeu.com.

“Vazhdojmë me situatën e keqe, ne me skuadrën flasim, por në futboll fjalët janë të tepërta dhe duhet të reagosh në fushë. Të japësh në maksimumin për atë që përgatitet gjatë javës, duhet të ndryshojmë dhe të marrim rezultat. Ne jemi një klub model, stafi dhe futbollistët i kanë të gjitha. Problemi jemi ne të fushës, stafi dhe futbollistët. Futbolli ka momentet e veta delikate, ka të bëjë edhe ana psikologjike.

Janë mbledhur bashkë mungesat dhe gabimet individuale, por në fund asnjë nga këto nuk është justifikim se ne stërvitemi dhe jemi këtu për ta ndryshuar këtë situatë. Ne dëshirojmë tre pikët, duhet të jemi shumë të përqendruar se në ndeshje të veçanta kemi pësuar dhe nuk kemi ditur të reagojmë. Duhet të jemi 100% nga çdo anë. Nuk e kam, menduar ndonjëherë tërheqjen, kanë rënë shumë pikëpyetje në atë se çfarë kam bërë unë dhe stafi.

Do të tërhiqem kur presidenti dhe skuadra të mos më ndjekë dhe të mos jetë e imja në dhomat e zhveshjes. Jam i bindur që me një fitore do të rikthehemi ajo Dinamo e fillimit dhe më e rëndësishmja është që kemi grupin e plotë. Kampionati është i ngjeshur dhe objektivin do ta shohim pas këtyre tre ndeshjeve. Do të bëjmë merkato, por tre ndeshjet e radhës janë deçizive.

E di sa e thjeshtë është të flasësh nga studio, të bësh analiza. Mendoj se kemi bërë një merkato të mirë, kemi grup cilësor, por nga disa lojtarë prisnim më shumë dhe te të rinjtë duhet të jemi më të duruar. Ky grup ka cilësi dhe me ndonjë afrim tjetër mund të arrijmë objektivin për të cilin jemi nisur.

Edhe ne si staf mund të kemi bërë diçka gabim dhe nuk e kam të sikletshme ta them, por momenti kyç kanë qenë dëmtimet, erdhi humbja me Tiranën dhe më pas kaluam në një ngërç psikologjik. Tashmë që lojtarët po kthehen përveç Isaevskit, edhe lojtarët i shoh me entuziazëm e me besim.

Në stërvitje kam parë gjëra pozitive, ka entuziazëm për të marrë fitoren dhe për t’u rikthyer. Në futboll i rëndësishëm është edhe fati, ne kemi bërë edhe gabime individuale dhe në situatat tonë me një gol të pësuar në këtë mënyrë ka qenë e vështirë për të reaguar.

E di çfarë do të thotë një ekip i ndërtuar nga zero. Jemi një klub model me presidentin që ka bërë investime të mëdha. Kam shumë besim se do të shkojmë në Europë, në kampionat me 2-3 ndeshje pozitive do të bëjë që të flitet ndryshe. Në Kupë jemi akoma dhe kemi eliminuar një nga ekipet më të forta si Tirana, ndaj jemi për Europën dhe mendoj se do ia arrijmë”, u shpreh Shkëmbi.

The post Shkëmbi: Do tërhiqem vetëm kur skuadra të mos më ndjekë, në futboll fjalët janë të tepërta appeared first on Albeu.com.

Ai tha se 6 pikë nuk janë dhe aq pozitive dhe se është i bindur se ekipi do të përmirësohet më shumë në ndeshjet e ardhshme.

Shkëmbi: “Duke e njohur Sofranac mendoj që nuk ka nevojë për kritika. Është një lojtar me eksperiencë, një lojtar shumë stabël te ekipi jonë. Por e di që në futboll bëhen gabime në atë moment që ti nuk e pret. Më erdhi keq edhe për Sofranac por edhe për ekipin. Deri në ato momente po bënim një lojë të mirë dhe do ishte akoma më bukur ta vazhdonim të barabartë lojën deri në fund.

Mbulimi i Kaçes? Po, është e vërtetë. Duke ndjekur kundërshtarin, duke e studiuar kundërshtarin. Kaçe është një pikë referimi i Partizanit. Një lojtar me shumë eksperiencë dhe e menduam në këtë mënyrë. Në pjesën e parë shkoi mirë, pastaj pas daljes me karton të kuq gjithçka u bë më e vështirë. Shumë falenderime për djemtë, për sakrificën që bënë.

Mendova të ndërroja krahët, duke futur Bardhin, Haxhiun apo Maliqin, që janë lojtarë të shpejtë. Mendova për Ibraimin që do ishte  pika e referimit tonë, që për mua bëri shumë mirë dhe e bëri për notën 10 deri në momentin që ishte. Ishte ai lojtari që mbante në presion në momentin që  merrte topin gjithë ekipin kundërshtar dhe mendoj që deri diku dolën mirë. Po të ndërroja Ibraimin nuk i dihej çfarë mund të ndodhte.

Mendoj që ndoshta 6 pikë nuk janë pozitive, nuk janë ato që donim. Por unë personalisht, duke marrë para sysh të gjitha çfarë kanë ndodhur që nga dita e parë, me mënyrën si po stërvitet dhe po luan skuadra, unë jam i kënaqur deri në këtë moment. Patjetër që kemi mundësi më shumë dhe jam i bindur që ndeshje pas ndeshje do të përmirësohemi më shumë dhe do jemi më efikas për të marrë pikët”. /albeu.com/

The post Shkëmbi: Mendoj që ndoshta 6 pikë nuk janë pozitive appeared first on Albeu.com.

Në prag ksaj ndeshje trejneri i “Bluve”, Bledi Shkëmbi ka folur për mikrofonin e Super Sport ku është shprehur:

“Jemi munduar që ekipi të qetësohet, të mos kemi presion, sikurse jemi munduar t’ua shprehim të huajve rëndësinë e derbit. Të tjerët e ndjejnë, pasi e njohin derbin. Është një ndeshje e veçantë deri në këto momente”.

Kjo ndeshje do të luhet në “Elbasan Arena”, edhe pse Shkëmbi do të donte të luhej në Tiranë për shkak të tifozëve.

“Do ishte më mirë të luhej në Tiranë, por edhe Elbasani ka fushë ku mund të shprehesh mirë në aspektin teknik. Keqardhje mund të ketë vetëm për tifozerinë. Jemi të kënaqur që po na ndjekin. Ata do kthehen sërish, prej rezultateve tona në vazhdim”.

Por a do të jetë derbi ndaj Partizanit prova e së vërtetës për Dinamon?

“Dinamo është ribërë dhe kemi guxuar, duke luajtur për të fituar. Analizat bëhen pas ndeshjeve, ne e dimë çfarë ndodh. Nuk e bëjnë dot të tjerët më mirë analizën. Kemi marrë dy barazime, por mund të merrnim diçka më shumë. Jemi të kënaqur. Do mundohemi të fitojmë, pa harruar se luajmë ndaj një ekipi të fortë si Partizani. Janë dy ekipe të denja për ta fituar ndeshjen. Për Dinamon do jetë çdo ndeshje barometër, deri kur të vijë ajo që duam. Jemi në rrugë të mbarë dhe jam i bindur që e ardhmja e Dinamos do të jetë e mire”.

Shkëmbi analizoi edhe kundërshtarin duke vlerësuar maksimalisht Partizanin e Ilir Dajës.

“Partizani është rival i fortë, luajnë me ritëm në të dyja fazat. Nuk ka një ekip që bën diferencën. Do jetë kampionati i vetëm që javë pas jave nuk do mundësh të marrësh frymë lehtësisht, pasi do jetë e vështirë çdo ndeshje. Formacioni? Do shikojmë stërvitjen për të vendosur për formacionin. Kemi dy lojtarë me probleme fizike dhe më pas do të vendosim si do të rreshtohem”.

The post Shkëmbi para derbit: Jemi në rrugë të mbarë, luajmë për fitore appeared first on Albeu.com.

“Hymë në lojë me shumë vonesë dhe vuajtëm shumë në 20 minutat e para, por u përmirësuam me kalimin e minutave. Dominuam lojën në shumë momente më pas, por futbolli është i tillë, që rastet e krijuara duhet t’i bësh gol. Nuk kam dëshirë të komentoj vendimet e arbitrave pas ndeshjes, megjithatë më kanë thënë që ishte një penallti për ne. Nuk do të hyj në polemika gjithsesi.

Unë jam i bindur që do të bëjmë një kampionat shumë të mirë, pasi klubi është organizuar mirë dhe ka sjellë lojtarë shumë cilësorë. Kjo ma shton ndjeshëm besimin se do të përfaqësohemi në mënyrë dinjitoze. Një barazim ndaj Laçit nuk është fundi i botës, por kur të ikën fitorja në minutat e fundit, “djeg” më shumë. Megjithatë nuk jam i mërzitur, thjesht pak i lodhur”, u shpreh Bledi Shkëmbi.

The post “Më thanë që ishte një penallti për ne”, Shkëmbi pas barazimit: “Djeg” kur të ikën fitorja në minutat e fundit appeared first on Albeu.com.