Këtë të shtunë, përmes një video në llogarinë e tij personale në “Facebook”, lideri demokrat Sali Berisha, ka reaguar për vrasjen e biznesmenit italian Edoardo Sarchi, që jetonte prej 20 vitesh në Shqipëri.
Berisha thekson se vrasësi Gazmend Braçe, është nipi i Gramoz Ruçit dhe miku i Tërmet Peçit, e më tej ka publikuar edhe mesazhin e një qytetari ku denoncon lidhjet e PS me vrasësin e biznesmenit.
“Shpreh ngushellimet e mia më të ndjera familjes Sarchi dhe dënoj me forcën më të madhe këtë akt të shëmtuar kriminal të vrasësve të lidhur me pushtetin, që përbën njëherazi një goditje të rëndë per biznesin e huaj në Shqipëri”,– shprehet Berisha
Qytetari dixhital, shprehet se vrasësi i italianit është nipi i Gramoz Ruçit dhe i biri i Qerem Braçes që mbart rekorde kriminale nga më të frikshmet, nga vjedhjet, grabitjet dhe deri tek plagosjet me armë dhe tanimë vrasjen e qytetarit italian.
Denoncuesi shprehet se videon e mëposhtme i tregon qartë lidhjet e Ramës me kriminelët.
“Shikojeni vrasësin mbas zonjës me fustan jeshil, dhe shikojeni edhe “komandant Ramën” se si në sekondën e 40 dhe të 56 të videos sesi e përshëndet me kokë”,– thekson ai.
