Prej 1 janarit të vitit 2019-të vënia e basteve sportive është e ndaluar me ligj në Shqipëri, por kjo nuk i ka ndaluar në asnjë moment shqiptarët që të vijojnë dhe të pengohen në pasionin e tyre për “skedinat”.
Policia e tiranës ka vënë një tjetër person në pranga i cili akuzohet për shkelje të ligjit dhe vënie të basteve sportive. Gjatë arrestimit 38-vjecarit E.Zh i ëhstë sekuestruar një telefon celular me të cilin vinte baste.
Ndërkohë që nga 2019-ta deri më sot janë me qindra personat e arrestuar për baste të paligjshme.
Njoftimi:
Goditet nga Komisariati i Policisë Nr. 6, një rast i veprimtarisë së paligjshme të lojërave të fatit, në kuadër të operacionit policor të koduar “Fati i lojërave”.
Vihet në pranga 1 shtetas që vinte baste sportive, me aparat celular.
Sekuestrohet aparati celular.
Shërbimet e Komisariatit të Policisë Nr. 6, në vijim të punës për goditjen e paligjshmërisë në fushën e lojërave të fatit, në kuadër të operacionit të koduar “Fati i lojërave”, kanë organizuar kontrolle në lokale dhe në ambiente të ndryshme, të cilat mund të vihen në dispozicion për organizimin e lotarive të palejuara. Si rezultat i kontrolleve është evidentuar dhe goditur 1 rast i kësaj veprimtarie.
Në vijim të veprimeve u arrestua në flagrancë shtetasi:
– E. Zh., 38 vjeç, banues në Tiranë, pasi u kap në lokalin e tij, në rrugën “Teodor Keko”, duke vënë baste sportive, nëpërmjet aparatit celular.
Në cilësinë e provës materiale u sekuestrua aparati celular.
Materialet procedurale i kaluan Prokurorisë, për veprime të mëtejshme.
#angazhimpërkushtimsakrificë?️?
#tëvendosurkundërkrimit✅
#nëçdoskajtëvendit??
#nëshërbimtëqytetarëve?️??️
/AlbEu.com/
