Një 22-vjeçar nga fshati Konisbaltë në Dimal është goditur nga rryma elektrike dhe ndodhet në gjendje të rëndë në Repartin e Urgjencës në Spitalin Rajonal të Beratat, pasi u transportua nga bashkëfshatarët e tij.
Ngjarja ka ndodhur në fshatin Pashalli, ku Bojken Danyushi ishte duke punuar me autokombajnë. Burimet bëjnë me dije se autokombajna ka kapur telat e tensionit të lartë dhe rryma elektrike ka goditur 22-vjeçarin që ishte në drejtimin e mjetit.
Njoftimi i policisë:
Berat/Informacion paraprak
Rreth orës 12:30, në fshatin Pashalli, shtetasi B. D., 22 vjeç, banues në Konesbaltë, duke punuar me autokombajnë, dyshohet se ka rënë në kontakt me rrymën elektrike.
22-vjeçari është transportuar në Spitalin Rajonal Berat, ku po merr mjekim.
Grupi hetimor po punon për zbardhjen e rrethanave të ngjarjes. /albeu.com
