Organizimin dhe mbarëvajtjen e vrasjes ajo e ka realizuar përmes aplikacionit ËatsApp.

Toni da Silva Flor, 38 vjeç, vdiq pasi u qëllua pesë herë jashtë palestrës që ai zotëronte në Cuiabá, Brazil, më 11 Gusht të vitit të kaluar.

Gruaja e tij, Ana Cláudia Flor u arrestua javën e kaluar, pak më shumë se një vit pas vdekjes së burrit të saj, pasi policia tha se zbuloi prova që ajo e urdhëroi vrasjen në ËhatsApp.

Detektivët thonë se Ana ka paguar 3 persona të dyshuar për të vrarë Tonin. Burri i saj u qëllua nga një burrë i cili hapi zjarr pasi i thirri emrin.

Toni u dërgua në spital, por pas 2 ditësh ai humbi jetën pavarësisht përpjekjeve të shumta që mjekët bënë për ta mbajtur në jetë.

Ai dhe Ana Cláudia ishin të martuar prej 15 vitesh dhe kishin tre vajza të moshës katër, tetë dhe nëntë vjeç.

Igor Espinosa, 26 vjeç, u arrestua këtë javë dhe pranoi se ishte një nga personat që ishin përfshirë në vrasjen e Tonit. Ai i tregoi hetuesëve se e bëri këtë me urdhër të Cláudia.

Sipas një deklarate nga Marcel Oliveira, nga DHPP (Stacioni i Specializuar i Policisë për Vrasje dhe Mbrojtje Personale në Cuiabá), janë identifikuar dy motive për vrasjen.

Motivi i parë është se viktima kishte disa lidhje të tjera dhe Ana i kishte zbuluar dhe motivi i dytë ishte see ajo kishte dëshië të trashëgonte biznesin dhe pasuritë e burrit të saj.

Ana Cláudia, e cila kishte 30,000 ndjekës në Instagram, postonte rregullisht homazhe për burrin e saj të vrarë.

Në ditën e Shën Valentinit ajo shkroi: Ne do të jemi gjithmonë bashkë, në një mënyrë ose në një tjetër, asgjë nuk do të na ndajë. Qoftë në lutje, mendime, kujtime, unë gjithmonë do të mbaj me vete, dashuria ime e përjetshme!

Pesë muaj pas vdekjes së Tonit, ajo ka shkruar: Në këto pesë muaj pa ty, unë përjetova dhimbjen më të madhe që mund të dinë qeniet njerëzore: mallin. Të ndjeva dhe më mungon çdo ditë dhe çdo natë, në çdo moment.

Që nga arrestimi i saj, llogaria është fshirë. Ana Cláudia ka mohuar çdo lidhje me krimin./albeu.com

The post Vejusha organizoi vrasjen e burrit në WhatsApp, punësoi vrasës me pagesë (FOTO LAJM) appeared first on Albeu.com.

Sipas institucioneve ligjzbatuese atje, bëhet me dije se kjo ishte një vrasje-vetëvrasje e dyfishtë.

Bija e tyre 1 vjeçare Leanne, gjithashtu kishte vdekur pasi policia e gjeti në gjendje të rëndë nga plaga e armës së zjarrit, në shtëpinë e tyre në Calera, në ngjarjen e rëndë të javës që shkoi, raportonte rrjeti lokal KXII .

Tiffani Hill e John Donato u identifikuan si të rriturit të gjetur të vdekur.

Familja e 31 vjeçares Hill, thotë se gruaja ishte viktimë e dhunës shtëpiake.

“Tiffani nuk është ankuar te unë për asgjë, por unë kam folur me nënën e saj,” tha avokatja Theresa McGehee. “Dhe ëma e saj kërkon të tregojë se Tiffani po përpiqej të shpëtonte nga situata e saj.”

Hill kishte fituar llotarinë $2 milionë në një biletë me gërvishtje në nëntor të vitit të kaluar. Më pas ajo ishte martuar me 42-vjeçarin Donato, dhe familja u vendosën në Oklahoma.

“A mund të ketë ardhur konflikti i tyre prej parave? Këtë nuk do të kemi mundësi ta mësojmë kurrë,” tha McGehee kur u pyet për paratë e fituara nga Hill. “Por unë e di se shpesh kjo krijonte konflikte mes tyre.”

Ndërkohë autoritetet po kujdesen për tre fëmijë të tjerë të gruas, dy vajza e një djalë, që jetonin në të njëjtën shtëpi me viktimat./albeu.com/

The post Fitoi lotarinë 2 mln dollarë, familja amerikane gjendet e vdekur! Kush janë arsyet appeared first on Albeu.com.

Mediat greke shkruajnë se pak para se të ekzekutohej para shtëpisë së tij në Alimos, gazetari kishte qenë i ftuar në një emision, në televizionin “Star” ku po raportonte në lidhje me një krim tjetër që tronditi Panhelenikën ditët e fundit, me vrasjen e dyfishtë të dy vëllezërve në Makrinitsa.

Asnjë veprim nuk ishte ndërmarrë që atëherë, ndaj gazetarit që kritikonte autoritetet, duke përmendur lëshime.

Paraprakisht dyshohet se gazetari është ekzekutuar me armë selenciator. Mësohet se autorët, dy burra kishin hipur në një skuter dhe kishin vendosur një pritë dhe i kishin zbrazur një karikator.

Në skenën e krimit, u mblodhën 17 gëzhoja që po transportohen në laboratorët e forenzikës. Rezultatet e provës paraparake të autoriteteve do të tregojnë nëse arma e vrasjes ishte përdorur në një akt tjetër kriminal në të kaluarën. Sipas dëshmive, vrasësit e George Karaivaz nuk i kishin përdorur kapuç.

Sipas informacionit të parë, viktima u gjet e shtrirë me fytyrë poshtë, me kokën e varur jashtë makinës, në parkun afër shtëpisë së tij. Sipas dëshmive të para, autorët kishin veshur rroba ushtarake.

The post Atentati në Athinë: Pak para ekzekutimit mafioz, gazetari ishte “live” në emision appeared first on Albeu.com.