Tani, këngëtarja pop Dua Lipa ka shtuar edhe një arritje tjetër në listën e saj, teksa festoi kalimin me sukses të provimit të saj në gjuhën spanjolle në nivelin GCSE, të hënën, shkruan DailyMail.

Autorja e hitit “Houdini”, 30 vjeçe, ndau lajmin e bukur me ndjekësit në Instagram Story, duke publikuar një foto nga një video-telefonatë me mësuesen e saj të spanjishtes dhe duke shkruar: “Gjithashtu sapo u diplomova këtë mëngjes në GCSE Spanish (me emoji zemre dhe lotësh)”.
Dua, e cila aktualisht është në turneun e saj “Radical Optimism”, e mbylli postimin me fjalët: “Të dua shumë @catyvillanuevamatar – mësuesja më e mirë në botë!”.

Por artistja nuk ndalet këtu – ajo ndau gjithashtu me ndjekësit një foto të librit të vitit të parë të nivelit A në spanjisht, duke treguar se është gati për sfidën e radhës. Në mbishkrim, ajo shkroi: “Next next next!!!!!!! (emoji buzësh)”.

The post Dua Lipa “rikthehet” në arsim, ndërsa tregon se ka marrë një diplomë për mësimin e gjuhës spanjolle appeared first on Albeu.com.

“Do dyfishojmë buxhetin për shëndetësinë dhe arsimin”, deklaroi Berisha, duke shtuar se kjo është mënyra e vetme për të ndalur krizën në dy sektorët më jetikë të vendit.

Gjithashtu, Berisha theksoi se nuk do të ketë më mjekë e infermierë të papaguar denjësisht, duke premtuar rroga të dyfishuara dhe një pagë minimale prej 1500 eurosh për mësuesit.

Në përgjigje të mungesës akute të stafit mjekësor, Berisha u zotua se do të hapet një fakultet i dytë mjekësie, ndërsa do të rritet ndjeshëm numri i pranimeve në të dy institucionet përkatëse.

“Nuk përballohet më, eksodi i mjekëve ka krijuar një shterrim të frikshëm të personelit shëndetësor”, paralajmëroi ai.

Një tjetër pikë kyçe në planin e Berishës,  është ndarja e qartë mes sektorit publik dhe atij privat në shëndetësi, duke denoncuar bashkëpunimet “mafioze” që sipas tij, kanë degraduar sistemin.

“Aparaturat moderne janë të bllokuara me qëllim nga ata që duan të mbajnë të dobët sektorin publik”, u shpreh ai.

Berisha premtoi gjithashtu, që lista e barnave të rimbursueshme do të jetë identike me atë të Italisë dhe se në Shqipëri, nuk do të shitet asnjë ilaç që nuk është i certifikuar në të paktën dy vende të Bashkimit Evropian. “Garantojmë cilësinë dhe kapshmërinë e ilaçeve për çdo qytetar”, tha ai.

Duke kritikuar drejtimin aktual të Ministrisë së Shëndetësisë, Berisha e quajti atë “drejtimin më injorant dhe të paskrupullt në historinë e vendit”.

Kreu demokrat, krahasoi figurat aktuale me drejtues të shëndetësisë në periudha më të vështira të historisë së vendit, duke theksuar se edhe në diktaturë, “ministrat kishin integritet dhe dije”.

The post Berisha premton revolucion në Shëndetësi dhe Arsim: Dyfishim buxheti dhe rroga më të larta appeared first on Albeu.com.

Të dhënat zyrtare të INSTAT, tregojnë se në vitin 2022, shpenzimet publike në sektorin e arsimit ishin 62.9 miliardë lekë, ose 2,9% e PBB-së.

Krahasuar me vitin 2021, shpenzimet publike në arsim shprehur si përqindje ndaj PBB-së kanë shënuar ulje me 0,2 pikë përqindje, ndërkohë shprehur si përqindje ndaj shpenzimeve publike gjithsej, kanë shënuar rënie me 0,1 pikë përqindje.

Shpenzimet publike për shëndetësinë ishin sa 2.98% e PBB-së më 2022, sipas INSTAT.

Si përqindje ndaj PBB-së kanë shënuar rënie me 0,44 pikë përqindje në raport me 2021, ndërsa shprehur si përqindje ndaj shpenzimeve publike gjithsej, kanë shënuar rënie me 0,90 pikë përqindje krahasuar me vitin 2021.

Dy shërbimet themelore publike, arsimi dhe shëndetësia, janë të nënfinancuara në raport me vendet e tjera të rajonit dhe Europës.

Financimet në arsim kanë kthyeshmëri të lartë në krahasim me sektorët e tjerë, pasi rrisin kualitetin dhe aftësitë e kapitalit human.

Një forcë pune e mirarsimuar është në gjendje të çojë përpara një model më të avancuar ekonomik.

Gjatë gjithë tre dekadave të tranzicionit, shpenzimet kanë qëndruar në rreth 3% të PBB-së.

Ndërkohë, rezultatet mësimore në arsimin parauniversitar janë përkeqësuar vitet e fundit.

Pas rezultateve të programit PISA 2018, aftësitë e nxënësve 15-vjeçarë në Shqipëri për lëndën e matematikës, leximit dhe shkencës janë përkeqësuar në testimin e PISA 2022, një vlerësim global i aftësive të 15-vjeçarëve nga OECD (Organizata për Bashkëpunim dhe Zhvillim Ekonomik, një organizatë ndërqeveritare me 38 vende anëtare e themeluar në 1961 për të nxitur përparimin ekonomik).

Në matematikë, Shqipëria mori vlerësimin prej 368 pikë nga 472 pikët e mundshme.

Nga vlerësimi i ecurisë së nxënëseve në matematikë krahasuar me programin PISA 2018, Shqipëria ka një rënie prej 69 pikësh më e lartë ndër 80 shtetet e testuara.

Për aftësitë e nxënësve 15-vjeçarë në lexim, Shqipëria u vlerësua me 358 pikë, nga 476 pikë që është mesatarja e pikëve të mundshme. Edhe në lexim, krahasuar me rezultatet e 2018-s, rënia është 47 pikë.

Rezultatet e testimit PISA 2022 ishin edhe më të ulëta se ato të vitit 2008.

Në sektorin e shëndetësisë, situata është më e ndërlikuar pasi për shkak të shpenzimeve të ulëta, qytetarët nuk kanë akses në ilaçe cilësore falas.

Rimbursimi mbulon vetëm 35% të konsumit të produkteve farmaceutike.

Vlera e importeve të produkteve farmaceutike është rritur me shpejtësi nga viti në vit, sidomos pas pandemisë COVID-19, e cila ka rritur barrën e sëmundjeve në popullatë.

Vitin e kaluar, importet e produkteve farmaceutike arritën në 28 miliardë lekë, rreth 270 milionë euro, ndërsa fondi shtetëror i rimbursimit ishte 11,4 miliardë lekë.

Të dhënat tregojnë se pacientët shqiptarë financuan nga xhepi për blerjen e medikamenteve 61% të vlerës së produkteve farmaceutike të importuara më 2022.

Ky raport ishte më i përkeqësuar gjatë pandemisë Covid-19, ku më 2021, shqiptarët paguan nga xhepi me 64.5% të vlerës së produkteve farmaceutike.

Nga viti 2018 e deri më 2021 janë miratuar gjithsej 46 barna që trajtojnë sëmundjet onkologjike, por Shqipëria ka pranuar në listat e saj të rimbursimit vetëm 3 prej tyre.

Për të njëjtën periudhë 61 barna të reja përdoren për trajtimin e sëmundjeve të rralla në Europë, ndërsa në Shqipëri janë përfshirë në listat e rimbursimit vetëm dy prej tyre.

Kapacitetet e Shqipërisë për të përfshirë terapi të reja në listën e rimbursimit janë ulur dukshëm vitet e fundit.

P.sh., gjatë vitit 2014-2017, Europa miratoi për përdorim 154 barna të reja, ndërsa Shqipëria pranoi në listat e rimbursimit 18 prej tyre.

The post Rënia e shpenzimeve buxhetore për arsimin dhe shëndetësinë, përkeqësoi shërbimet appeared first on Albeu.com.

Edi i ka habitur të gjithë me një foto të publikuar së fundmi në InstaStory ku shihet në shoqërinë e një vajze. Të përqafuar dhe shumë afër me njëri-tjetrin, ky imazh po sjell mjaft dyshime se ish-konkurrenti i “Për’puthen” ka nisur një lidhje të re ose ndoshta është ribashkuar me të dashurën që ka patur.

Por kur të gjithë po mendonin se Ada është e prekura në këtë mes, e dashura e një tjetër ish-konkurrenti, Arsimit është ndjerë e cënuar pasi ka patyr dyshime se vajza me Eduardin është pikërisht ajo, Pranvera.

Pranvera ka reaguar në InstaStory ku sqaron se nuk ka asnjë mashkull tjetër për të veç Arsimit dhe nuk është ajo në atë foto./albeu.com/

The post Eduardi u shfaq me të dashurën e Arsimit në Zvicër? Reagon e “zonja e punës” (FOTO LAJM) appeared first on Albeu.com.

Sipas Prokurorisë së Posaçme (SPAK), rezulton se, shtetasi H. Sh. ka dashur të fillojë punë si mësues pranë Zyrës Arsimore Dibër. Për këtë qëllim, ai ka kontaktuar me shtetasin F.F, punonjës i Këshillit të Qarkut Dibër. Ky i fundit i ka premtuar, kundrejt shpërblimit, që t’i sigurojë ndikim tek drejtuesit e Zyrës Arsimore Dibër, në mënyrë që H. Sh. të punësohet si mësues pranë kësaj zyre.  Gjatë operacionit, menjëherë pas dorëzimit të shumës prej 100.000 lekësh nga shtetasi H.Sh., kundrejt shtetasit F.F

“Në kuadër të procedimit penal Nr.176/2021 të SPAK, nga veprimet ka rezultate që shtetasi H. Sh. ka dashur të fillojë punë si mësues pranë Zyrës Arsimore Dibër.

Për këtë qëllim, ai ka kontaktuar me shtetasin F.F, punonjës i Këshillit të Qarkut Dibër. Ky i fundit i ka premtuar, kundrejt shpërblimit, që t’i sigurojë ndikim tek drejtuesit e Zyrës Arsimore Dibër, në mënyrë që H. Sh. të punësohet si mësues pranë kësaj zyre.  Gjatë operacionit, menjëherë pas dorëzimit të shumës prej 100.000 Lekësh nga shtetasi H.Sh., kundrejt shtetasit F.F., kanë ndërhyrë sakaq punonjësit e policisë duke bërë arrestimin në flagrancë të tyre si dhe duke bllokuar provat materiale.

Shtetasi H.Sh. dyshohet se ka konsumuar elementet e veprës penale të “Ushtrimit të ndikimit të paligjshëm të personave që ushtrojnë funksione publike” parashikuar nga neni 245/1 paragrafi 2 i Kodit Penal të Republikës së Shqipërisë. Ndërkohë, shtetasi F.F dyshohet se ka konsumuar elementet e figurës penale të “Ushtrimit të ndikimit të paligjshëm të personave që ushtrojnë funksione publike” parashikuar nga neni 245/1 paragrafi 4 i Kodit Penal të Republikës së Shqipërisë”, thuhet në njoftim./albeu.com

The post 100 mijë lekë për t’u punësuar në arsim, SPAK jep detajet: Dy të arrestuar në Dibër appeared first on Albeu.com.

Fjalimi i tij në Illinois tërhoqi rreth 100 protestues që mbanin pankarta që mbështesnin Donald Trump. Një pankartë e madhe lexonte: ‘Bëni Amerikën përsëri krenare’.

Fokusi i Biden gjatë udhëtimit të tij një-ditor është në planin e tij për arsimin.

“Ne duhet të kemi një arsimim minimal prej 14 vjetësh,” tha presidenti, “pa shpenzuar asnjë cent.”

‘A mendon dikush në shekullin 21, me ndryshime që po ndodhin në teknologji, se 12 vjet arsim janë të mjaftueshme për të qenë në gjendje të jetojnë mjaftueshëm klasa e mesme? Unë nuk mendoj kështu, ‘vuri në dukje ai.

Biden argumentoi se një veprim i tillë do ta bënte Amerikën më konkurruese me botën.

‘Imagjinoni sikur t’i paraqesim botës dhe kombit një forcë punëtore të arsimuar më mirë. I ndihmon të gjithë ‘, tha ai.

The post Biden kërkon shtimin e viteve të shkollës: SHBA duhet të konkurrojë botën appeared first on Albeu.com.

Pyetjes “Çfarë mendoni se është më e rëndësishme për të bërë në jetë?”, shqiptarët në shumicë zgjodhën si më të rëndësishëm arsimin, pasi 82 për qind të anketuarve vlerësuan si arritjen më të madhe. Kjo zgjedhje ishte me larta se, në shtete e tjera të Ballkanit. Për shembull vetëm 54 për qind e boshnjakeve e konsideruan më të rëndësishmin arsimin si arritje në jetë, 54 % e maqedonasve, 60 për qind e Malazezëve dhe 45 % e Serbëve. Ndërsa 54 % e shqiptarëve në Kosovë e vlerësuan si arsimin si zgjedhje të rëndësishme në jetë.

Si arritja e dytë më e rëndësishme në jetë për shqiptarët është puna. 69 për qind e të anketuarve e kanë zgjedhur punën si arritjen e dytë më të madhe në jetë, përqindja më e lartë rajonale. 58% e boshnjakëve e shohin punën si arritjen më të madhe në jetë duke e vënë edhe para arsimit. 51 për qind e maqedonasve e konsideruan punën si arritjen e dytë më të madhe në jetë. 60 % e malazezëve e konsideruan punën po aq të rëndësishme sa arsimi, ndërsa Serbët e konsideruan punën si arritje në jetë më të rëndësishme se arsimin.

Ndryshe nga rajoni Maqedonasit dhe Serbët shohin si arritje më të madhe në jetë, njohjen e njerëzve të duhur, që anashkalon arsimin dhe punën,.

58% e popullsisë në Rajon mendon se me një arsim të mirë dhe një punë sigurohet një e ardhme e mirë. Ndërsa 38% i gjejnë kualifikimet e punës dhe arsimin si parakushtet kryesore për të gjetur një punë të mirë. 54% pretendojnë se njohja e njerëzve të duhur është e rëndësishme për një të ardhme të ndritshme, ndërsa më shumë se një e treta e popullsisë në Ballkan mendojnë se, fati do ti çojë përpara në jetë.

Ndërsa papunësia vazhdon të mbetet një sfidë në të gjithë rajonin, veçanërisht tek të rinjtë dhe gratë, ka një numër në rritje të njerëzve, të cilët mendojnë se arsimi dhe puna janë parakushtet kryesore për të ecur përpara në jetë.

Ndërkohë më shumë se gjysma e të rinjve në Ballkan konsiderojnë si çështjen më të rëndësishme në jetë punësimin. Gjetja e një pune është shqetësimin më i madh për 62% te të anketuarve në moshat e reja.

Kriza COVID-19 shkaktoi humbjen e mijëra vendeve të punës në më pak se një vit. Meqenëse rinia përbën 21.27% të të gjithë popullsisë së Ballkanit Perëndimor, shqetësimi i të rinjve duhet të merret si një thirrje urgjente për qeveritë që të angazhohen në mënyrë aktive në politikat dhe masat e punësimit, sugjeron RCC./ Monitor

The post Ndryshe nga vendet e rajonit, çfarë shohin shqiptarët si arritjen më të madhe në jetë appeared first on Albeu.com.

Dyshimet janë përforcuar, sepse përpos komenteve, ata janë takuar me njëri-tjetrin në Milano. Antonela ka ndarë një video në Instastory ku shihet pranë Arsimit te Katedralja e Milanos.

“Njerëz po ecja te Duomo (Katedralja) dhe shikoni kë takova”, shprehet Antonela duke qeshur.

Ndonëse ndjekësit janë të bindur që ata të dy kanë nisur një lidhje, nuk përjashtohet mundësia që Antonela të jetë pjesë e klipit të Arsimit, i cili do të publikojë këngë së shpejti.

The post Shprehën publikisht dashurinë, Antonela dhe Arsimi shfaqen së bashku në Milano (FOTO LAJM) appeared first on Albeu.com.

Mirëpo Arsimi e ka harruar këtë histori dashurie dhe tashmë i ka hedhur grepat një tjetër konkurrenteje nga “Për’puthen”. Ditët e fundit Arsimi është shfaqur shumë i afërt me Antonelën dhe nuk kanë munguar as mesazhet e dashurisë mes tyre.

Pasi Antonela publikoi foton e Arsimit ku e quante “zemra ime” është Arsimi i fundit që  ka publikuar foton e konkurrentes ku shkruan se i mungon.

Pra Antonela dhe Arsimi po na thonë se janë në një lidhje dashurie me gjithë këto deklarata?/albeu.com/

The post “Më mungon”, Arsimi dhe Antonela po i tregojnë shqiptarëve se janë të dashur? (FOTO LAJM) appeared first on Albeu.com.

Duke vrojtuar shpenzimet publike për arsimin në raportin e tyre me PBB shihet se gjatë periudhës 2001 -2020 shpenzimet për arsimin ishin më të ulëtat gjatë vitit të kaluar, pasi përgjithësisht ato kanë qëndruar në nivelin 3%.

Sipas të dhënave zyrtare të Ministrisë së Arsimit gjatë vitit të kaluar shpenzimet për arsimin arritën në shumën prej 40 miliard e 748 milion lekë. Kjo shumë ishte sa 7.6% e totalit të shpenzimeve buxhetore të vitit 2020 dhe në nivelin 2.27% të PBB, së bashku me shtesat e fondeve të rimarra/trashëguara nga viti 2018 nga arkëtimi i tarifave të universiteteve.

Fondet për arsimin u pakësuan në aktin normativ të marsit 2020 me 1.23 miliard lekë, nga të cilat 1.1 miliard ishin në grupin e shpenzimeve kapitale dhe rreth 131 milion lekë në grupin e shpenzimeve korente.

Sipas kësaj ecurie Shqipëria, jo vetëm që nuk ka bërë përparime në detyrimet që kërkon anëtarësimi në BE për financimin e arsimit, por ka bërë hapa pas, për shkak të vështirësive që solli pandemia Covid-19. Kriteret e anëtarësimit në BE rekomandojnë financim të sektorit publik të arsimit më së paku 5% të PBB. Por vitin e kaluar nuk u përmbush as 50% e këtij objektivi.

Duke financuar më pak fonde për sektorin e edukimit Shqipëria nuk mund të përparojë në një model të ri ekonomik që i siguron asaj rritje të produktivitetit dhe fitimeve në ekonomi. Një forcë punë e mirëarsimuar konsiderohet si guri i themelit në drejtim të prosperitetit.

Shqipëria u renditet sipas UNESCO si një nga vendet me financimet më të ulëta buxhetore për arsimin, për rrjedhoje shkollat shqiptare nuk kanë ofrojnë logjistikën e mjaftueshme për të përçuar njohuritë tek nxënësit. Tani kur pandemia ka kushtëzuar mësimin në distancë, shkollat shqiptare në arsimin bazë dhe atë të përgjithshëm nuk kanë lidhje me internetin dhe kompjuterët.

Fondet për shpenzime kapitale për arsimin më 2020 ishin në masën 3 miliardë e 921 milion lekë ose rreth 10.3% e totalit të fondeve të planifikuara për sektorin e arsimit më 2020. Por me rishikimin e buxhetit fondet e rishikuara për investimet kapitale u ulën me 1.1 miliard lekë (mbi 9 mln euro), duke e çuar fondin total në vetëm 2 miliard e 751.4 milion lekë ose rreth 6.6% e fondeve të planifikuara për arsimin në 2020. Por edhe fondet e rishikuara me ulje nuk u realizuan.

Realizimi i shpenzimeve kapitale për 12-mujorin 2020, ndaj fondeve të rishikuara për 12-mujorin 2020 është në masën 2 miliard 673.3 milion lekë ose në masën 97.2% e fondeve të planifikuara për 12-mujorin 2020./ Monitor

The post Sa po investohet për arsimimin?! Niveli më i ulët i shpenzimeve në dy dekada appeared first on Albeu.com.