Por, diplomatët e lidhur me inteligjencën ruse janë në mesin e stafit të zvogëluar që ka mbetur në Ambasadën e Rusisë në Moldavi, pas përjashtimeve masive, ka gjetur një hulumtim i ri i Shërbimit moldavian të Radios Evropa e Lirë.

Së paku dy nga këta diplomatë mbajnë lidhje me Shërbimin Federal të Sigurisë (FSB), agjencisë së fuqishme ruse të inteligjencës së brendshme, ndërsa dy të tjerë ndërlidhen me adresat e drejtorisë së inteligjencës ushtarake të Rusisë në Moskë. E njohur si GRU, kjo organizatë është përfshirë në helmime dhe sabotime nëpër Evropë, sipas të dhënave të regjistrave qeveritarë, të cilat i ka rishikuar REL-i.

Këto regjistra vijnë nga një varg bazash i të të dhënave zyrtare të publikuara online falë tregut rus për publikimin e të dhënave, i cili ka ndihmuar në demaskimin e të dyshuarve në një sërë operacionesh të inteligjencës ruse në vitet e fundit. Ato përfshijnë automjete, punësime, pasaporta dhe kartela kreditore ruse që datojnë para një dekade.

Diplomatët rusë në Ambasadën në Kishinjev të lidhur me FSB-në përfshijnë dy sekretarët e parë – zyrtarë të lartë rusë në rank diplomatik – ndërsa atasheu ushtarak dhe ndihmësi i tij janë regjistruar në adresa të përdorura nga GRU-ja, sipas regjistrave që rrodhën.

Gjetjet e hulumtimit të REL-it tregojnë sesi Rusia po vazhdon të emërojë në ambasadat e veta evropiane personel me të kaluar të inteligjencës, me gjithë përpjekjet e shteteve të BE-së për ta zvogëluar numrin e spiunëve rusë që punojnë nën mburojën diplomatike, pas pushtimit të Ukrainës në shkallë të plotë nga presidenti rus, Vladimir Putin, në shkurt 2022.

Një hulumtim i REL-it në mars gjeti se, së paku tre diplomatë rusë, të cilët ishin përjashtuar apo ishin futur në listën e zezë nga shtetet anëtare të BE-së, disa prej të cilëve përmendën spiunazhin nga të dërguarit e pezulluar, u rishfaqën si diplomatë rusë të akredituar në Serbi.

E pyetur për gjetjet e REL-it, Ministria e Jashtme e Moldavisë tha më 5 shtator se Qeveria ka ndërmarrë “disa hapa të fuqishëm dhe nevojshëm për t’i luftuar veprimet destabilizuese të Federatës Ruse kundër vendit tonë”, përfshirë duke e kufizuar praninë diplomatike të Moskës si përgjigje ndaj “veprimeve jomiqësore…përfshirë në kontekst të dyshimeve në lidhje me veprimet e mundshme të spiunimit”.

Ambasada e Rusisë në Kishinjev nuk i është përgjigjur pyetjeve rreth gjetjeve të hulumtimit të REL-it deri në çastin e publikimit të këtij shkrimi.

Që nga pavarësimi i Moldavisë nga Bashkimi Sovjetik më 1991, Moska ka vazhduar të ushtojë ndikim të madh në vendin e vogël me një popullsi prej 2.6 milionë, posaçërisht duke e shfrytëzuar varësinë tradicionale të Moldavisë në energjinë ruse. Që nga pushtimi i Ukrainës më 2022, Moldavia ka bërë lëvizje për ta dobësuar varësinë në gazin rus dhe e ka dënuar vazhdimisht agresionin e Kremlinit, duke i pranuar më shumë se 100 mijë refugjatë ukrainas.

Moska i ka ende edhe 1.000 trupa të vendosura në rajonin e shkëputur nga Moldavia, Transnjestër, gjoja si paqeruajtës pasi separatistët e mbështetur nga Kishinjevi dhe Rusia bënë një luftë të shkurtër por të përgjakshme në vitin 1992, që u shndërrua në një konflikt të ngrirë pas ndërhyrjes së Rusisë në anën e kryengritësve.

Adresat e FSB-së dhe strehimi i GRU-së

Listat diplomatike të siguruara nga Ministria e Jashtme e Moldavisë tregojnë se vetëm 10 diplomatë të akredituar kanë mbetur në Ambasadën e Rusisë në Kishinjev, pas përjashtimeve të gushtit.

Në mesin e tyre janë dy sekretarë, Noris Suchilin dhe Konstantin Zyablikov, të dy kanë adresa të kaluara që lidhen me FSB-në në Moskë, sipas të dhënave që rrodhën nga regjistrat e Qeverisë ruse, të cilat i ka parë REL-i.

Sipas të dhënave të veturës nga viti 2019, Suchilin kishte adresën “Dobrolyubova Proyezd 3a” në verilindje të Moskës. Ajo ndërtesë në të kaluarën ishte adresë e regjistruar e njësisë ushtarake të FSHS-së, numër 93544 dhe tani si një qendër stërvitore e FSB-së.

Regjistra të tjera të Qeverisë nga vitet 2010 deri më 2015 tregojnë se adresa e regjistruar e Zybalikovit në Moskë ishte “Bolshaya Lybyanka 2”, ish-zyrat e ish-shërbimit famëkeq sovjetik KGB, që tani shërbejnë si zyrat e FSB-së. Vendi i punës i Zybalikovit në shumë regjistra që rrodhën është njësia numër 14057, drejtoria e kundërinteligjencës ushtarake të FSB-së në Rrethinën Ushtarake të Moskës.

Regjistrimi i punonjësve të FSB-së në objektet e agjencisë është praktikë e zakonshme në Rusi. Zyablikovi ishte në mesin e qindra individëve që drejtoria e inteligjencës ushtarake e Ukrainës tregoi publikisht në mars 2022 se ishin punonjës të FSB-së të regjistruar në zyrat e agjencisë në Moskë dhe merrnin pjesë në “aktivitete kriminale” në Evropë në emër të Rusisë.

Atasheu dhe ndihmësi i tij

Ndërkohë, regjistrat qeveritare që rrodhën zbuluan, po ashtu, lidhjet e mundshme të GRU-së me atasheun e ushtrisë ruse dhe ndihmësin e tij në Ambasadën e Kishinjevit. Regjistrat e veturave për atasheun Andrei Lobov, i cili ishte akredituar në Ambasadë më 2011, e tregojnë adresën e tij si “Narodnogo Opolcheniya 48” në veriperëndim të Moskës.

Në një kontratë me një kompani që ofronte shërbime për ndërtesën ku Lobov ishte i regjistruar, thuhej se ndërtesa ishte për strehimin e ushtrisë ruse, dhe ndërtesa e njëjtë ishte shtëpi e një kompanie mirëmbajtëse e lidhur me njësinë ushtarake numër 22177.

Shumë burime, përfshirë regjistrin e një gjykate ruse të cilin e siguroi REL-i, e kanë identifikuar këtë njësi si Akademia Ushtarake e Ministrisë së Mbrojtjes së Rusisë, e cila është përgjegjëse për stërvitjen e operativëve të inteligjencës së ushtrisë ruse.

Regjistrat e veturës për një oficer të dyshuar të GRU-së, të dëbuar nga Holanda më 2018 pasi kishte vepruar atje nën mburojën diplomatike, tregojnë lidhjet e tij me njësinë numër 22177.

Atashetë ushtarakë rusë kanë rënë në grackën e skandaleve të spiunazhit në shumë vende evropiane në vitet e fundit, përfshirë në Bullgari dhe në Mbretërinë e Bashkuar.

Dossier Center raportoi se, bazuar në një direktivë të vitit 2011, GRU-ja i maskoi të dhënat personale të fëmijëve të spiunëve rusë që jetonin në ndërtesën në rrugën “Marshal Biryuzov”, duke ua kthyer shumë mbrapa datën e lindjes. Si pasojë, disa prej fëmijëve ishin regjistruar si të lindur 100 vjet më parë.

REL-i i ka rishikuar regjistrat e fondit të pensionit shtetëror rus për këtë ndërtesë dhe konfirmoi se shumë banorë në të ishin regjistruar si të lindur para më shumë se një shekulli.

Të dhënat që rrodhën rreth regjistrit të veturave treguan se adresa e kaluar e Dmitri Kelov, ndihmësit të Lobovit në Ambasadën e Kishinjevit, ishte “Marshal Biryuzov 4” në veriperëndim të Moskës. Sipas Dossier Center, një grup hulumtues i financuar nga manjati rus dhe armiku i Kremlinit Mikhail Khodorkovsky, ajo ndërtesë ishte përdorur për të strehuar punonjës të GRU-së, përfshirë Anatoly Chepingan, agjentin e akuzuar për helmimin e ish-spiunit rus Sergei Skripal dhe bijën e tij më 2018 në Britani të Madhe.

Në nëntor 2011, Kelovi iu bashkua delegacionit rus në Komisionin e Përbashkët Kontrollues, një organ trepalësh Moldavi-Transnjestër-Rusi, i ngarkuar me detyrë për ta ruajtur paqen në rajonin e shkëputur.

Në fotografitë e publikuara nga uebsajti i lajmeve i Transnjestërit, Novosti Pridnestrovia, Kelov shihet pranë Dmitry Zelenkov, shefit të grupit operacional të trupave ruse të vendosura në anën e majtë të lumit Dniester.

Diplomatë të tjerë rusë ende në Moldavi kanë lidhje me ushtrinë ruse, përfshirë përfaqësuesin komercial të Ambasadës, Vladislav Darvai, i cili u lind në Tiraspol, kryeqytetin e rajonit Transnjestër. Regjistrat qeveritarë të rrodhën nga viti 2011 deri më 2012 tregojnë se adresa e regjistruar e Darvait ishte në një konvikt në rrugën “Sadovnicheskaya 53”, i cili është përdorur nga entitete të shumta të kontrolluara nga ushtria ruse dhe është, po ashtu, adresë e regjistruar e agjencisë shtetërore ruse të mbrojtjes dhe prokurimit, Garnizon.

Njëri nga diplomatët e cituar në hulumtimin e korrikut nga portali rus i lajmeve me bazë në Letoni, The Insider dhe në Jurnal TV në Moldavi, për antenat në kulmet e Ambasadës ruse, ishte Vladimir Gorokhov, një atashe i cili ishte akredituar nga Ministri e Jashtme e Moldavisë në korrik 2021. Sipas hulumtimit, Gorokhov shihej shumë shpesh në kulmin e Ambasadës.

Gorokhov nuk ishte në mesin e dhjetëra diplomatëve dhe anëtarëve të Ambasadës që u larguan nga Moldavia në gusht, pasi Kishinjevi e urdhëroi Ambasadën ta kufizojë praninë diplomatike në vend. Ai ende e mban postin në kryeqytetin moldavian, sipas listës së fundit diplomatike të Ministrisë së Jashtme të Moldavisë.

Pasi u thirr nga Ministria e Jashtme e Moldavisë pas hulumtimit të korrikut, ambasadori rus në Moldavi, Oleg Vasnetsov, i cili mbeti në pozitë, argumentoi se antenat ishin instaluar gjatë ndërtimit të Ambasadës në fund të viteve ’90, kur rrjeti telefonik dhe interneti ishte tejet i dobët në Moldavi.

“I ashtuquajturi skandali i spiunazhit është thjesht një arsyetim për ta zbatuar një vendim të marrë kohë më parë, për kufizimin e stafit diplomatik”, tha Vasnetsov në atë kohë./REL

The post REL: Ambasada ruse në Moldavi me lidhje të forta me spiunët appeared first on Albeu.com.

Çedomir Stojkoviç u përball me policinë që ruante ndërtesën ndërsa mbërriti duke mbajtur një tortë që ishte e mbuluar me një kafkë dhe e dekoruar që të dukej sikur ishte e mbuluar me gjak.

“Sot, në Serbinë e pushtuar, i sollëm një “tortë vdekjeje” ambasadorit rus dhe një kërkesë për dorëzimin e Vladimir Putin për krimin e gjenocidit në Ukrainë”, shkroi Stojkovic në Twitter.

“Ne e dimë se vdekja është ajo që ata duan, dhe njerëzit janë ajo që hanë, dhe kjo tortë është një simbol i politikës së tyre”, tha ai.

Një aleate tradicionale, Serbia ka mbajtur marrëdhënie miqësore me Rusinë pavarësisht pushtimit.

Ndërsa kërkon zyrtarisht hyrjen në Bashkimin Evropian, Beogradi ka refuzuar t’i bashkohet sanksioneve perëndimore të dizajnuara për të ndëshkuar Moskën për agresionin. /albeu.com

The post Aktivisti i dërgon “tortën e vdekjes” ambasadës ruse në Beograd: Sot në Serbinë e pushtuar… appeared first on Albeu.com.

Fotot tregojnë bojën duke u përhapur në të gjithë gjerësinë e rrugës për të krijuar një flamur gjigant ukrainas.

Policia tha se katër persona janë arrestuar nën dyshimin për dëmtim kriminal dhe bllokim të autostradës.

Të katër janë dërguar në një stacion policor në perëndim të Londrës, ku qëndrojnë në këtë kohë, tha policia. /albeu.com

The post Protestuesit në Londër mbulojnë rrugën para ambasadës ruse me ngjyrat e flamurit ukrainas (FOTO LAJM) appeared first on Albeu.com.

Nga Ambasada ruse, sic njofton KlanM, kanë theksuar se i kanë kushtuar vëmendje deklaratës së tij të 17 Janarit 2023 në Davos se “nëse pas luftës në Ukrainë, vendet sërish do t`u japin prioritet interesave kombëtare, atëherë do të zhduken uniteti dhe solidariteti transatlantik dhe evropian”.

“Jemi shumë të befasuar nga kjo tezë për faktin se interesat kombëtare duhet të jenë në bazën e politikës së jashtme të cdo vendi, ta vënë vektorin e zhvillimit të tyre, të shërbejnë si pikë nisjeje gjatë marrjes së vendimeve për aderimin ndaj njërës apo tjetrës aleancë ose organizatë. Pikërisht kështu qëndrojnë punët, sic dihet tek ne. Ndryshe, cila është vlera e një uniteti dhe solidariteti të tillë, nëse kjo nuk u përgjigjet interesave të këtyre vendeve?” – shkruan në reagimin e postuar në faqen e Facebookut të Ambasadës ruse në Shkup.

Nga ambasada ruse, sic njofton KlanM, shpresojnë se në fund do të mbretërojë mirëkuptimi i qartë, që padyshim se do të ndihmojë në ndërtimin e rasporteve midis vendeve në bazë të respektit dhe duke marrë parasysh interesat e ndërsjelltë duke llogaritur edhe në fushën e sigurisë së përhershme”, thuhet në reagimin Ambasadës ruse.

The post “Ballkani Perëndimor në rrezik nga ndikimet e mundshme të Moskës”, Ambasada ruse në SHkup i përgjigjet Pendarovskit appeared first on Albeu.com.

Këtë javë kryeministri bullgar Kiril Petkov tha se vendi i tij do të dëbonte 70 punonjës të stafit diplomatik rus, numri më i lartë i diplomatëve të dëbuar njëherësh nga shteti ballkanik.

Ambasadorja ruse në Bullgari, Eleonora Mitrofanova, tha të premten se do t’i dërgonte një peticion qeverisë ruse për të mbyllur ambasadën bë Sofje.

“Fatkeqësisht, apeli ynë ndaj ministrisë së jashtme të Bullgarisë u injorua”, tha ajo në një deklaratë të lëshuar nga ambasada.

Ajo tha se po planifikon t’i kërkojë “menjëherë” lidershipit rus që të mbyllë “ambasadën ruse në Bullgari, çka do të sillte rrjedhimisht edhe mbylljen e misionit diplomatik bullgar në Moskë”.

Ajo shtoi se përgjegjësia për pasojat e rënda të këtij vendimi janë të qeverisë së Petkovit. Kryeministri bullgar deklaroi se diplomatët rusë “kishin punuar kundër interesit tonë”.

Shumë shtete evropiane kanë dëbuar diplomatët rusë pas ndërhyrjes ushtarake të Moskës në Ukrainë, më 24 qershor, me Rusinë që iu përgjigj këtyre vendimeve me të njëjtën monedhë.

Bullgaria pret që Rusia të mbyllë përkohësisht konsullatën e përgjithshëm në veri të Bullgarisë, ndërsa Sofja do të mbyllë përkohësisht konsullatën e saj në qytetin rus të Yekaterinburgut.

Bullgaria dëboi në mars 10 diplomatë rusë pas ofensivës së Moskës në Ukrainë.

Anëtarja e BE-së dhe e NATO-s, dikur një aleate e ngushtë e Bashkimit Sovjetik nën regjimin komunist, ka ende lidhje të ngushta kulturore, historike dhe ekonomike me Rusinë.

Por një seri skandalesh spiunazhi që nga viti 2019-të kanë cënuar marrëdhëniet mes dy vendeve dhe kanë sjellë dëbimin e rreth 20 diplomatëve dhe një asistenti teknik./REL

The post Rusia kërcënon me mbyllje të ambasadës në Bullgari appeared first on Albeu.com.

Berisha e quajti një reagim provokativ tipik sovjetik përgjigjen e ambasadës ruse, teksa shtoi se Gazprom dhe qeveria ruse bënë gjithçka kishin në dorë për të bllokuar projektin e TAP-it.

“Njoftim shtypi!

Lidhur me deklaraten time te djeshme per perpjekjet korruptive te Gaspromit prane meje per te sabotuar TAP, ambasada ruse ne Tirane ka reaguar sot duke pyetur: Sa leke kerkoi zoti Berisha qe Gazpromi nuk i mblodhi dot?

Lidhur me kete reagim, tipik provokativ te stilit sovjetik te perfaqesuesve te diktatorit Putin, sqaroj publikun sa vijon!

1-Gazprom dhe qeveria ruse bene çfare kishin ne dore dhe perdoren te gjitha linjat korruptive te gazit te tyre per te bllokuar projektin e TAP.

2- Ne javen e pare te gushtit te vitit 2011 nje mik i imi biznesmen i njohur turk me solli

nga presidenti i Gazprom mesazhin qe vijon:

“Ne rast se une do te hiqja dore nga projekti i TAP-it dhe te mbeshtesja projektin ITGI, i cili anashkalonte Shqiperine dhe kalonte ne trajektoren Turqi- Greqi-Itali dhe qe furnizohej kryesisht me gaz rus por dhe azer pala ruse ofronte:

-ndertimin e nje gazsjellesi Igumenice-Vlore me mundesi shtrirje edhe deri ne Shkoder.

-Investimin prej 4.1 miliarde dollare ne termocentrale te medha gazi ne Seman.

-Keto do vendoseshin ne nje takim qe do zhvillohej midis meje dhe presidentit te Gaspromit.

Oferta u refuzua prereas per arsye politike nga ana ime. Nuk pranova investimet e Gasprom se besoja, dhe koha me dha te drejte, se ato nuk ishin ne interes te vendit tim.

Ju bete gjithshka qe TAP te mos behej dhe deshtuat! Sb”, është shprehur Berisha./albeu.com/

The post Berisha “dhëmbë për dhëmbë” me ambasadën ruse: Një provokim tipik sovjetik i diktatorit Putin (FOTO LAJM) appeared first on Albeu.com.

Si rrjedhojë një person ka rënë në prangat e policisë. Policia irlandeze tha se kamioni goditi portat e ambasadës në rrugën Orëell në jug të Dublinit.

A large truck has crashed through the gates of the Russian embassy in south Dublin. One man has been arrested. pic.twitter.com/35yLDfGhEd

— RTÉ News (@rtenews) March 7, 2022

Ambasada ka qenë vend i protestave ditët e fundit, pas pushtimit rus të Ukrainës.

Kanë nisur hetimet për zbardhjen e kësaj ngjarjeje, nëse ka qenë aksident apo e qëllimshme.

The post E qëllimshme? Goditet ambasada ruse me kamion (VIDEO) appeared first on Albeu.com.

Ata janë mbledhur për të protestuar në shenjë solidarizimi ndaj popullit ukrainas, i cili është pushtuar mëngjesin e sotëm nga trupat ruse.

Ata, me pankarta në duar kanë bërë thirrje për ndalimin e luftës. Gjithashtu po në shenjë solidarizimi kanë ndezur qirinj.

Shihni më poshtë fotot e shkrepura nga Nensi Bogadani./albeu.com

The post Shqiptarët solidarizohen me Ukrainën, protestë para Ambasadës Ruse në Tiranë (FOTO LAJM) appeared first on Albeu.com.

Berisha e ka cilësuar këtë si një fyerje për çdo shqiptar, por qeveria bën sikur nuk ka ndodhur gjë. Po ashtu ish-kryeministri i ka kërkuar me urgjencë Parlamentit të votojë një rezolutë ku të shprehë solidaritetin e plotë me Ukrainën.

Fjalimi i Berishës:

Berisha: Ambasada ruse po na kërcënon, Tirana të reagojë për luftën në Ukrainë

“Dënoj letrën kërcënuese të ambasadës ruse në Tiranë drejtuar Shqipërisë dhe dua të theksoj se letra është një fyerje dhe kërcënim për çdo shqiptar. Është rrjedhojë fund e krye e kapitullimit të argatit të Beogradit në Tiranë para një shantazhi primitive të paprecedentë me të cilët përballet bota e lirë. Sot Rusia tejkalon si forcë e të keqes çdo forcë në kërcënim që ka njohur historia. Kërcënon të përdorë armë bërthamore kundër vendeve të lira.

Konsideron vende të tjera dhe përpiqet të shkatërrojë NATO. Vendi I vetëm që ka heshtur është një vend që ka një qeveri të drejtuar nga argati i Beogradit. Parlamenti duhet me urgjencë të votojë një rezolutë ku të shprehë solidaritetin e plotë me Ukrainën. Traktati i Budapestit, vendet zotohen që këtij vendi nuk do i preken kufijtë. Nëse më dëgjon.

Mos në ndërhy të lutem. E mora fjalën për replikë por ky është një problem madhor. Sot parlamenti është zgjuar i kërcënuar me një letër nga ambasada ruse. Ju bëni sikur nuk ka ndodhur gjë. Çfarë presim ne? Apo presim leje nga Vuçiç. Ndërpritet fjala kur po mbroj një interes kombëtar. Çfarë të drejte ka ambasada ruse të vërë ultimatum. Gangsterizmi më i madh i kohërave. E keqja më e madhe e kohërave është kërcënimi”, tha Berisha. /albeu.com

The post “Parlamenti është zgjuar nga kërcënimi i ambasadës ruse”, Berisha: Pse bëni sikur s’ka ndodhur asgjë appeared first on Albeu.com.

Një çift bashkëshortësh, vajza e tyre dhe bashkëshorti i saj kishin ardhur në vend të dielën e shkuar bashkë me katër turistë të tjerë rusë.

Ditën e djeshme, ata kanë qenë në Maqedoninë e Veriut, në Ohër e në kthim kanë ndaluar në qytetin e Librazhdit. Në mbrëmje ata kanë ardhur në hotelin në zonën e Qerretit dhe janë futur në sauna duke e porositur punonjësen e hotelit që të mos i shqetësonte njeri.

Mjedisi raportohet se ka qenë i ajrosur duke qenë se turistët e tjerë nuk kanë pasur shqetësime shëndetësore. Ata u gjetën të vdekur në saunën e hotelit, ndërsa prokuroria ka nisur menjëherë hetimet./albeu.com

The post Misteri i vdekjes së katër turistëve rusë në hotelin në Qerret, Ambasada ruse do të jetë pjesë e ekspertizës appeared first on Albeu.com.