Në një intervistë për CR Fashion Book me Pamela Anderson, këngëtarja e “Flowers”, 32 vjeç, tha se aktivitetet e thjeshta si kujdesi për bimët i kanë dhënë qetësi dhe qëndrueshmëri në stilin e saj të jetesës pa alkool.
“Kopshtaria është diçka që e bën për veten. Është një proces personal dhe krijues që nuk ka lidhje me famën apo suksesin,” tha Cyrus. “Kur mbjell një farë dhe e sheh të rritet, është një ndjenjë e jashtëzakonshme.”

Cyrus falënderoi mikun dhe fotografin Vijat Mohindra që e prezantoi me këtë pasion, duke kujtuar me humor se si në kopshtin e saj papritur shpërthyen 10,000 margaritë dhe 40 lloje trëndafilash.

Ajo e përshkroi këtë hapësirë si një “kopsht zanash princeshash” dhe tha se të qenit e rrethuar nga bukuria natyrore ka pasur ndikim të madh emocional.

Në një intervistë të mëhershme për Apple Music, Cyrus tha se maturia e ka transformuar plotësisht jetën e saj. Ajo pranoi se gjatë pandemisë kishte rifilluar për një kohë të shkurtër të pinte, por vendimi për të qëndruar esëll ishte i domosdoshëm.

“E dija që më duhej të bija edhe një herë, për të mësuar. Nuk do të isha këtu ku jam sot pa atë përvojë,” tha artistja.

The post Miley Cyrus tregon “ilaçin” që e ka mbajtur pa alkool për pesë vite rresht appeared first on Albeu.com.

Presioni atmosferik bie në mënyrë eksponenciale me rritjen e lartësisë, duke shkaktuar normalisht një rënie të oksigjenimit të gjakut deri në 90% (në nivele normale është midis 95% dhe 100%).

Kur biem nën këtë prag, flasim për hipoksi hipobarike, një gjendje që normalisht zhvillohet mbi 2 500 metra mbi nivelin e detit.

Autorët përfshinë 48 persona midis 18 dhe 40 vjeç dhe i ndanë në dy grupe të ndryshme: njëri u caktua në një laborator gjumi në kushte normale mjedisore (presion në nivelin e detit) dhe tjetri në një dhomë që simulonte presionin e kabinës në lartësi të madhe. (2438 metra).

Secili prej këtyre dy grupeve u nda më tej: 12 persona flinin katër orë pa pirë alkool, ndërsa 12 të tjerët flinin katër orë pasi kishin pirë alkool (ekuivalentin e dy kanaçeve birrë ose dy gotave verë).

Rezultatet treguan se ata që kishin pirë dhe ishin në dhomën që simulonte presionin e kabinës së një aeroplani në fluturim, kishin një rënie të oksigjenimit të gjakut deri në 85% dhe një rritje të rrahjeve të zemrës deri në një mesatare prej 88 rrahjesh në minutë gjatë gjumit, ndësa oksigjenimi i gjakut i atyre që kishin pirë të njëjtën sasi alkooli, por ishin në nivelin e detit, kishte rënë në 88%, dhe rrahjet e zemrës ishin 73 në minutë.

The post Përse konsumimi i alkoolit në lartësi dëmton zemrën? appeared first on Albeu.com.

Çfarë është presioni i lartë i gjakut?

Presioni i gjakut është forca me të cilën gjaku pompon nga zemra në arterie, shkruan HealthLine.

Kur presioni i gjakut është i lartë, gjaku lëviz nëpër arterie më me forcë. Kjo ushtron presion të shtuar në indet delikate në arterie dhe dëmton enët e gjakut.

I njohur si një “vrasës i heshtur”, zakonisht nuk shkakton simptoma derisa të ketë dëme të konsiderueshme në zemër. Pa simptoma të dukshme, shumica e njerëzve nuk janë të vetëdijshëm se kanë presion të lartë të gjakut.

Por, cilat janë mënyrat për të menaxhuar tensionin e lartë të gjakut, këtu janë disa prej tyre.

Duhet të qëndroni aktivë dhe të ushtroni

Të qëndruarit aktiv është një pjesë e rëndësishme e një jetese të shëndetshme.

Përveç se ndihmon në uljen e presionit të gjakut, aktiviteti i rregullt fizik përmirëson disponimin, forcën dhe ekuilibrin tuaj. Gjithashtu ul rrezikun e diabetit dhe llojeve të tjera të sëmundjeve të zemrës.

Nëse keni qenë joaktiv për një kohë, bisedoni me një mjek për një rutinë të sigurt ushtrimesh. Filloni ngadalë, pastaj gradualisht rritni ritmin dhe frekuencën e stërvitjeve tuaja.

Sidoqoftë, nëse nuk jeni adhurues i palestrës, dilni për një shëtitje ose për të vrapuar, ose mund të dilni për not. Gjëja më e rëndësishme është të lëvizni!

Mbani dietën e posaçme për ndalimin e hipertensionit

Ndjekja e kësaj diete për ndalimin e hipertensionin mund të ulë presionin tuaj sistolik të gjakut. Kjo dietë përmban këto ushqime:

Fruta, perime dhe drithëra të plota;

Produkte të qumështit me pak yndyrë, mish pa dhjamë, peshk dhe arra;

Nuk duhet të tani ushqime të pasura me yndyrna të ngopura, të tilla si ushqimet e përpunuara, produktet e qumështit me yndyrë të lartë dhe mishi i yndyrshëm.

Gjithashtu çka ju ndihmon juve është edhe reduktimi i konsumit të ëmbëlsirave dhe pijeve të ëmbla, të tilla si soda dhe lëngje.

Reduktimi i konsumimit të natriumit mund të jetë jetik për uljen e presionit të gjakut.

Në disa njerëz, kur konsumojnë natrium të tepërt, trupi i tyre fillon të mbajë lëngje. Kjo rezulton në një rritje të mprehtë të presionit të gjakut.

Për të ulur natriumin në dietën tuaj, provoni të përdorni barishte dhe erëza për t’i dhënë shije ushqimeve në vend të kripës.

Ushqimet e përpunuara gjithashtu priren të jenë të ngarkuara me natrium. Sigurohuni që të lexoni gjithmonë etiketat e ushqimeve dhe të zgjidhni alternativa me nivele të ulëta të natriumit kur është e mundur.

Pesha dhe presioni i gjakut shkojnë dorë për dore. Për njerëzit me mbipeshë ose obezitet, humbja e vetëm 2 deri në 4.5 kilogram mund të ndihmojë në uljen e niveleve të presionit të gjakut.

Nëse pini duhan, konsideroni që ta lini

Çdo cigare që pini rrit përkohësisht presionin e gjakut për disa minuta pasi të keni mbaruar. Nëse pini duhan rregullisht, presioni i gjakut mund të qëndrojë i ngritur për periudha të gjata kohore.

Njerëzit me presion të lartë të gjakut që pinë duhan janë në rrezik më të madh për zhvillimin e tensionit të lartë të rrezikshëm të gjakut, sulmit në zemër dhe goditjes në tru.

Edhe tymi i dorës së dytë mund t’ju vërë në rrezik të shtuar për presionin e lartë të gjakut dhe sëmundjet e zemrës.

Përveç sigurimit të shumë përfitimeve të tjera shëndetësore, lënia e duhanit mund të ndihmojë që presioni i gjakut të kthehet në normalitet.

Reduktoni konsumimin e alkoolit

Shijimi i një gote vere në vaktin tuaj të bollshëm është shumë mirë. Në fakt, vera e kuqe mund të jetë edhe një burim i besueshëm i dobishëm për shëndetin e zemrës kur konsumohet me kujdes.

Megjithatë, konsumimi i sasisë së tepërt i alkoolit mund të çojë në shumë probleme shëndetësore, duke përfshirë presionin e lartë të gjakut.

Pirja e tepërt mund të zvogëlojë gjithashtu efektivitetin e disa ilaçeve për presionin e gjakut.

Në botën e sotme me ritme të shpejta që është e mbushur me kërkesa në rritje, mund të jetë e vështirë të ngadalësoni dhe të relaksoheni. Megjithatë, është e rëndësishme që herë pas here të largoheni nga përgjegjësitë tuaja të përditshme për të ndihmuar në menaxhimin e niveleve të stresit.

Stresi mund të rrisë përkohësisht presionin e gjakut. Shumë prej tij mund të mbajë presionin tuaj për periudha të gjata kohore.

Duhet të gjeni shkakun e stresit tuaj. Mund të jetë puna, marrëdhënia ose financat tuaja. Pasi të dini burimin e stresit tuaj, mund të përpiqeni të gjeni mënyra për ta rregulluar problemin.

The post Si të ulni tensionin e lartë me këto metoda appeared first on Albeu.com.

Një lajm që u bë i njohur në mediat italiane pak më parë dhe ndërsa më herët u riprodhua lajmi se ai ndodhet i shtruar në reanimacion të spitalit në gjendje shumë kritike.

? Fabian #ONeill has passed away. RIP ?

— Nicolò Schira (@NicoSchira) December 25, 2022

O’Neill kishte probleme të rënda shëndetësore të shkaktuara nga varësia e tij ndaj alkoolit, ndërsa vitet e fundit ai ishte i papunë, duke humbur të gjitha paratë që kishte fituar nga futbolli.

Madje, pas përfundimit të karrierës së tij ai ishte i varur nga bixhozi dhe alkooli, ndërsa çdo herë kapej në kamera me shumë femra të ndryshme.

Ditët e fundit ka pasur një trishtim të fortë në Itali, fillimisht me humbjen e Sinisha Mihajlovic dhe tani me atë të O’Neill, ndërsa Gianluca Vialli po bën një betejë të gjatë me kancerin në një spital të Londrës. /G.D albeu.com/

The post Trishtim në Itali: Shuhet ish-mesfushori i Juventusit, ishte i varur nga bixhozi dhe alkooli appeared first on Albeu.com.

Kjo pilulë premton se do t’i ‘shërbejë shpejt alkoolit’ në mënyrë që të shmangen dhimbjet e kokës në mëngjes pasi të kemi kaluar një natë duke e tepruar me alkool.

Myrkul cilësohet si produkti i parë  në histori që shkatërron alkoolin në mënyrë efektive. Ky suplement është 100% natyral dhe vegan, dhe do të hidhet në treg me një çmim prej 34 euro./albeu.com

The post E keni tepruar me alkool? Me këtë pilulë mund të shmangni dhimbjen e kokës appeared first on Albeu.com.

Një video e postuar në TikTok e tregon atë të dehur duke pirë një birrë mbi një motoçikletë Rio, raporton La Gazzeta dello Sport.

Ish-sulmuesi ka vite që është në qëndër të skandaleve si për jetën e shfrenuar dhe varësinë ndaj alkolit. /albeu.com/

The post Adriano nuk heq dorë nga alkooli, i dehur lëviz me motoçikletë (VIDEO) appeared first on Albeu.com.

Njoftimi zyrtar i Policisë:

Respekto rregullat e qarkullimit rrugor, shpëto jetë!

24 orët e fundit: 12 shtetas në pranga, për drejtim mjeti në gjendje të dehur apo pa leje drejtimi, 43 leje drejtimi të pezulluara për shpejtësi tej normave të lejuara, për drejtim mjeti nën efektin e alkoolit apo gjendje të dehur dhe 2354 masa administrative për shkelje të Kodit Rrugor, që janë rrezik potencial për përfshirje në ngjarje rrugore.

Vijojnë kontrollet intensive nga Policia Rrugore, në të gjitha rrugët interurbane dhe në qendrat e banuara, në të gjithë vendin, për të evidentuar dhe ndëshkuar shkelësit e Kodit Rrugor, me qëllim parandalimin e aksidenteve rrugore dhe rritjen e parametrave të sigurisë së jetës në rrugë.
Intensifikimi i kontrolleve nga Njësia Operacionale e Policisë Rrugore, Komisariati i Policisë Rrugore Tiranë dhe Sektorët e Policisë Rrugore në DVP-të, duke përdorur dronë, radarë, kamera, aparate fotografike, makina të paloguara, gjatë 24 orëve të fundit, ka çuar në pranga 12 drejtues mjetesh, nga të cilët 6 për drejtim mjeti në gjendje të dehur dhe 6 për drejtim mjeti pa leje drejtimi.

Përgjatë kontrolleve parandaluese të alternuara, me qëllim konstatimin dhe verifikimin e shkeljeve që janë burim për aksidentet rrugore, efektivët e Policisë Rrugore të Tiranës arrestuan në flagrancë shtetasin A. H., 26 vjeç, banues në Tiranë, sepse në bulevardin “Zhan D’Ark”, për t’iu shmangur masës administrative, iu ka ofruar punonjësve të Policisë Rrugore, 2.000 lekë të rinj.
Për të lehtësuar sadopak trafikun e rënduar të mjeteve në qytetin e Sarandës, për shkak të fluksit të madh të pushuesve që frekuentojnë në fundjavë dhe gjatë javës këtë qytet, Policia Rrugore e Sarandës, përgjatë 24 orëve të fundit, ka hequr me karrotrec dhjetëra automjete të parkuara gabim në rrugë, që bllokonin lëvizjen e lirë të automjeteve dhe të qytetarëve, si dhe kanë ndëshkuar me masë administrative 32 drejtues mjetesh, duke iu hequr edhe qeset e zeza nga xhamat e automjeteve të tyre.

Falë rritjes së besimit të qytetarëve, të cilët kanë telefonuar te 112 dhe kanë denoncuar me foto e video në Komisariatin Dixhital, në të gjithë vendin janë vendosur 432 masa administrative, kryesisht për parkime të gabuara, xhirim gomash apo shpejtësi në qendrat e banuara, duke rrezikur jetën e banorëve. Në tri raste, në Tiranë, Durrës e Fier, janë arrestuar në flagrancë në gjendje të dehur tre drejtues mjetesh që kryenin manovra të rrezikshme në rrugë.
Po gjatë 24 orëve të fundit, si rezultat i kontrolleve dhe denoncimeve në Komisariatin Dixhital e në numrin pa pagesë 112, janë ndëshkuar me masë administrative 1890 drejtues mjetesh, për shkelje që janë rrezik potencial për përfshirje në aksidente rrugore, si parakalime e manovra të rrezikshme në rrugë, shpejtësi tej normave të lejuara, përdorim të celularit gjatë drejtimit të mjetit, mosvendosje të rripit të sigurimit apo kaskës mbrojtëse, drejtim mjeti nën ndikimin e alkoolit apo pa leje drejtimi.
Si rezultat i mbulimit të të gjitha akseve rrugore me radarë, në të gjithë vendin janë evidentuar shpejtësi gati mbi dyfishin e lejuar, si në qendrat e banuara në Kamzë e në Bulevardin e Ri në Yzberisht, ashtu edhe në akset rrugore nacionale, shpejtësi që kanë arritur deri në 171 km/h në Laç-Milot.
Gjithashtu janë pezulluar 43 leje drejtimi, nga të cilat 33 për drejtim mjeti me shpejtësi tej normave të lejuara, që varionte nga 78 km/h në qendrat e banuara deri në 171 km/h në rrugën interurbane Laç-Milot, si dhe 10 leje drejtimi, për drejtim mjeti nën ndikimin e alkoolit.
Policia Rrugore apelon për të gjithë drejtuesit e automjeteve që të respektojnë rregullat e qarkullimit rrugor, si dhe fton qytetarët që të denoncojnë në Komisariatin Dixhital dhe në numrin e emergjencave 112, çdo paligjshmëri.

#MosUbejStatistike?
#RregullKujdesDurimDestinacion
#NeJemiAtyPerSigurineTuaj?

The post Policia: Janë pezulluar 33 patenta për shpejtësi të lartë, 10 për drejtim mjeti nën ndikimin e alkoolit (VIDEO) appeared first on Albeu.com.

Por falë mbështetjes së Cristianos, Hugo, 46 ​​vjeç, nuk është më i varur dhe drejton një muze kushtuar vëllait të tij në Madeira, Portugali.

Babai i Ronaldos u nda nga jeta para kohe për shkak të problemeve me alkoolin, dhe Hugo filloi një rrugë rehabilitimi në 2014 pasi Real Madrid fitoi Ligën e Kampionëve në finalen ndaj Atletico Madrid (4-1).

Para kësaj ndeshje, vëllezërit bënë një marrëveshje dhe pasi Ronaldo mbajti premtimin e tij, duke fituar Ligën e Kampionëve me Mbretërit, ishte koha që Hugo të luftonte, duke ndaluar përgjithmonë së piri alkool.

Ai e mbajti premtimin në vitet në vijim, me mbështetjen dhe dashurinë e vazhdueshme të Cristianos. Së fundmi, nëna e tyre kujtoi periudhën e vështirë.

“Cristiano ka parë se çfarë alkooli dhe droga mundi t’i bënte njerëzve të tij afërt. Kjo është një pjesë e arsyes që është bërë ai që është sot,” tha nëna e tyre Dolores.

The post Dolores: Cristiano pa se çfarë alkooli dhe droga i bëri njerëzve të tij të afërt (FOTO LAJM) appeared first on Albeu.com.