Konkretisht, ai dënohet përfundimisht me 12 vite e 8 muaj burg, duke përfituar nga përgjysmimi i dënimit. Apeli ka vendosur për Zaja, për kryerjen e veprës penale të “Vrasjes me paramendim”, kryer në bashkëpunim, parashikuar nga nenet 78/1 dhe 25 I K.Penal me 18 (tetëmbëdhjetë) vjet burgim.

Po ashtu, në bashkim të dënimeve, në aplikim të nenit 55 të K.penal, Zaja dënohet me me 19 (nëntëmbëdhjetë) vjet burgim. Si dhe në aplikim të nenit 406 të K.Pr.Penale i ulet 1/3 e dënimi, Zaja dënohet me 12 (dymbëdhjetë) vjet e 8 (tetë) muaj burgim.

Albert Zaja është personi që dyshohet se ka qëlluar me dy plumba paraditen e së hënës së 1 shkurtit në Sheq të Fierit Shkëlzen Kastratin brenda makinës së tij.

Sipas policisë janë 4 persona të dyshuar për këtë ngjarje kriminale ndërsa tre personat e tjerë janë shpallur në kërkim. Kastrati u ekzekutua më 1 shkurt në rrethrrotullimin në hyrje të Fierit, teksa po vinte nga ky drejtim me automjetin e tij Mercedez Benz, ndërsa autorët po e ndiqnin me një automjet tip Range Rover, nga edhe ku e qëlluan.

Viktima humbi kontrollin e makinës dhe u përplas me një tjetër automjet në këtë rrugë, në të cilën ndodheshin babë e bijë, duke rrezikuar edhe jetën e tyre. Viktima humbi jetën menjëherë pas atentatit.

NJOFTIM PER MEDIA

Referuar raportimeve të mëparshme në media, Gjykata e Apelit të Juridiksionit të Përgjithshëm, informon sa më poshtë:

Në Gjykatën e Rrethit Gjyqësor Fier, është zhvilluar gjykimi lidhur me çështjen penale që i përket të pandehurit me iniciale A. Z, i akuzuar për kryerjen e veprave penale “Vrasja me paramendim”, e kryer në bashkëpunim, e parashikuar nga 78/1 dhe 25 i K.Penal, “Mbajtja pa leje dhe prodhimi i armëve, armëve shpërthyese dhe i municionit”, të parashikuar nga neni 278/1 dhe 25 të Kodit Penal (për armët e përdorura në veprën penale të vrasjes), për veprën penale “Mbajtja pa leje dhe prodhimi i armëve, armëve shpërthyese dhe i municionit”, të parashikuar nga neni 278/1 të Kodit Penal (për armën e llojit pistoletë Glok, e gjetur në momentin e arrestimit) si dhe veprën penale “Prodhimi dhe mbajtja pa leje e armëve të gjuhetisë dhe sportive” e parashikuar nga neni 280 i Kodit Penal (lidhur me 23 copë fishekët për armet e zjarrit te gjahut).

Fakti objekt akuze lidhet me ngjarjen e ndodhur më datë 01.02.2021, rreth orës 10:46,  ku në Lagjen “Sheq i Madh” tek Ura e Sheqit në Fier, është raportuar se është bërë një vrasje me armë zjarri  dhe si pasojë ka mbetur i vrarë shtetasi me iniciale Sh. K. Një ndër autorët e akuzuar për kryerjen e veprës penale në rolin e ndihmësit është i pandehuri me iniciale A. Z, i cili ka ndihmuar ekzekutorët të largohen nga vendi i ngjarjes.

Gjykata e Rrethit Gjyqësor  Fier, me vendimin nr. 1137/ (160), datë 04.04.2023 ka vendosur:

1. Deklarimin e pafajshëm të të pandehurit A. Z për kryerjen e veprës penale të “Mbajtja pa leje dhe prodhimi i armëve, armëve shpërthyese dhe i municionit”, të parashikuar nga nenet 278/1 dhe 25 i Kodit Penal (për armët e përdorura në veprën penale të vrasjes).
2. Deklarimin fajtor të pandehurit A. Z për kryerjen e veprës penale të “Vrasjes me paramendim në bashkëpunim”, parashikuar nga nenet 78/1 dhe 25 i Kodit Penal dhe në bazë të kësaj dispozite dënimin e tij me 20 (njëzet) vjet burgim.
3. Deklarimin fajtor të pandehurit A. Z për kryerjen e veprës penale të “Mbajtja pa leje dhe prodhimi i armëve, armëve shpërthyese dhe i municionit”, të parashikuar nga neni 278/4 i Kodit Penal (për armën e llojit pistoletë Glok, e gjetur në momentin e arrestimit”) dhe në bazë të kësaj dispozite dënimin e tij me 2 (dy) vjet burgim.

4.Deklarimin fajtor të pandehurit A. Z për kryerjen e veprës penale të “Mbajtja pa leje e armëve të gjuetisë dhe sportive”, të parashikuar nga neni 280 i Kodit Penal (per 23 fishekët për armët e zjarrit të gjahut) dhe në bazë të kësaj dispozite dënimin e tij me 3 (tre) muaj burgim.

5.Në bashkim të dënimeve sipas nenit 55 të Kodit Penal, caktimin e një dënimi të vetëm ndaj të pandehurit A. Z, konkretisht me 21 (njëzet e një) vjet burgim.

6. Në aplikim të nenit 406 të K.Pr.Penale, të pandehurit A. Z, ti ulet 1/3 e dënimit dhe përfundimisht të dënohet me 14 (katërmbëdhjetë) vjet burgim.

Çështja në apel u shqyrtua mbi bazën e ankimit të bërë nga i pandehuri me iniciale A.Z, i cili kërkoi:

-Ndryshimin pjesërisht të vendimit nr. 160, datë 04.04.2023 të Gjykatës së Rrethit Gjyqësor Fier, duke kërkuar deklarimin e pafajshëm të të pandehurit A. Z për akuzën në ngarkim të tij të “Vrasjes me paramendim” e kryer në bashkëpunim e parashikuar nga nenet 78/1 dhe 25 të K.Penal pasi nuk provohet që i pandehuri të ketë kryer vepër penale, ose ndryshimin e cilësimit juridik dhe dënimin e të pandehurit me kohën e paraburgimi.

-Dënimin e të pandehurit vetëm për veprat penale të parashikuara nga nenet 278/4 e 280 të K.Penal me kohën e vuajtur në paraburgim nën efektet e masës së sigurimit ‘arrest në burg”.

-Shuarjen e masës së sigurimit “arrest në burg” për të pandehurin A. Z.

Në përfundim të gjykimit, sot më datë 13.03.2024, Gjykata e Apelit të Juridiksionit të Përgjithshëm, e përbërë nga trupi gjykues me Relator Gjyqtar z. Genti Dokollari dhe anëtarë znj. Irena Brahimi dhe znj. Edlira Petri, vendosi:

-Lënien në fuqi të vendimit nr. 1137/160, datë 04.04.2023 të Gjykatës së Shkallës Rrethit Gjyqësor Fier, me këtë ndryshim:

– Dënimin e të pandehurit A. Z, për kryerjen e veprës penale të “Vrasjes me paramendim”, kryer në bashkëpunim, parashikuar nga nenet 78/1 dhe 25 I K.Penal me 18 (tetëmbëdhjetë) vjet burgim.

– Në bashkim të dënimeve, në aplikim të nenit 55 të K.penal, dënimin e të pandehurit A. Z me 19 (nëntëmbëdhjetë) vjet burgim.

– Në aplikim të nenit 406 të K.Pr.Penale i ulet 1/3 e dënimit e të pandehurit A. Z dhe dënimin e tij me 12 (dymbëdhjetë) vjet e 8 (tetë) muaj burgim.

The post Vrasja e biznesmenit Shkëlzen Kastrati në Fier, Apeli merr vendimin për Albert Zajën appeared first on Albeu.com.

Për këtë ngjarja u dënuan nga shkalla e pare dy autorët e dyshuar, të arrestuar më herët, Vladimir Kurtin dhe Rruzhdi Hoden.

Por në seancën e mbajtur ne Gjykatën e Apelit Tiranë, një nga autorët, përkatësisht Vladimir Kurti ka pranuar që të bashkëpunojë me drejtësinë duke dëshmuar para gjykatës se vrasja e Agim Bucit nuk ishte si pasoje e grabitjes, por ata ishin të paguar për ta vrare Agim Bucin nga Albert Zaja, dhe ai nuk ka folur me herët për këtë fakt, pasi ishte i frikësuar nga një hakmarrje e mundshme e Albertit, dhe vetëm tani ka mundur te dëshmojë pasi Albert Zaja është arrestuar për një ngjarje tjetër.

Ndodhur nën keto rrethana Gjykata e Apelit i është drejtuar me shkresë përcjellëse Prokurorisë së Rrethit Gjyqësor Tiranë nëse për ketë person ka të regjistruar procedim penal.

Sipas të gjitha gjasave ligjore vendimi duhet të prishet dhe çështja të kthehet për rihetim dhe rigjykim nën dritën e këtyre rrethanave të reja.

The post Vrasja e pronarit të marketit në Kamëz, pendohet një nga autorët: Ishte vrasje me pagesë, nuk shkuam për grabitje appeared first on Albeu.com.

37-vjeçari akuzohet se është përfshirë në një tjetër ngjarje kriminale, që përfundoi me vrasjen e një personi.

Dyshohet se në grabitjen e ndodhur më 25 prill 2018, ku gjatë një grabitje me armë zjarri në një market, u vra në sy të djalit vetëm 6 vjeç, Agim Buçi, bashkëpunëtor ishte edhe Zaja. Atë natë, e plagosur mbeti gruaja e viktimës.

Për vrasjen dhe plagosjen e ndodhur, Policia arrestoi dy autorët Vladimir Kurti, i dënuar me burg përjetë dhe Ruzhdi Hoden, me 26 vite heqje lirie.

Por pas arrestimit, Zaja ka vendosur gjurmët e gishtave, të cilat janë përputhur plotësisht me ato të gjetura në automjetin tip “Volklsvagen”, me të cilët u larguan autorët. Dyshohet se 37-vjeçari ka qenë bashkëpunëtor në krim, duke luajtur rolin e shoferit, ndërsa pritet t’i komunikohet akuza e “Vjedhjes me armë me pasojë vdekjen”, e kryer në bashkëpunim.

Albert Zaja ndodhet në qeli për vrasjen e Kastratit, ndërsa në kërkim vijojnë të jenë bashkëpunëtorët e tij, Elson Xheçuka, Roland Cara dhe Elmir Tufa. /abcnews.al

The post Iu përputhën gjurmët e gishtave! Shenjat që fundosën 37-vjeçarin për vrasjen e Agim Buçit appeared first on Albeu.com.

Zaja është i pari i dyshuar që është arrestuar nga policia në lidhje atentatin teksa mbeten në kërkim 3 të tjerë: Elmir Tufa, 29 vjeç; Elson Xhecuka, 27 vjeç, banues në Kamzë dhe Silvio alias Roland Cara, 39 vjeç, banues në Tiranë./albeu.com

The post Gjykata lë në burg Albert Zajën appeared first on Albeu.com.

‘Kam dijeni për krimin, nuk dua të shkoj në burgun e Fierit pasi kam frikë nga hasmëria. Atë dirë kam qënë në Vlorë me makinën e një shokut tim’, mësohet se është shprehur në sallën e gjyqit Albert Zaja.

Ndërkohë ky është dhe vendimi i marrë nga gjykata.

Kujtojmë se Zaja është i pari i dyshuar që është arrestuar nga policia në lidhje atentatin teksa mbeten në kërkim 3 të tjerë: Elmir Tufa, 29 vjeç; Elson Xhecuka, 27 vjeç, banues në Kamzë dhe Silvio alias Roland Cara, 39 vjeç, banues në Tiranë.

The post Vrasësi i Kastratit çudit para gjykatës: Më lini në burg appeared first on Albeu.com.

Në fillim ishte një efektiv i RENEA-s me automatik në dorë, më pas 11 efektivë të tjerë të cilët shoqëronin Zajën i cili ishte me pranga në dorë dhe me një xhup me ngjyrë të errët dhe kapuç në kokë.

Është e vërtetë që Zaja konsiderohet si një person me rrezikshmëri të lartë, por as policia nuk ka mbetur mbrapa për të bërë “zhurmë” për shoqërimin e tij në Gjykatë.

Ndërkohë, nuk ka asnjë informacion për autorët e tjerë të përfshirë në atentat të cilët vijojnë të enden të lirë.

Bëhet fjalë për shtetasit Elmir Tufa, 29 vjeç; Elson Xhecuka, 27 vjeç, banues në Kamzë dhe Silvio alias Roland Cara, 39 vjeç, banues në Tiranë./albeu.com

The post Me automatik në dorë, policia bën “zhurmë të madhe” për shoqërimin në gjykatë të Albert Zajës (FOTO LAJM) appeared first on Albeu.com.

Mësohet se forcat e FNSH-së kanë mbërritur me skafandra dhe me antiplumb, dhe kanë marrë nën mbikqyrje ambientet e Gjykatës, për të shmangur çdo incident gjatë mbërritjes së Zajës, i cili u arrestua të dielën në banesën e tij në zonën e Niklës.

Gjyqtarja që do të japë vendimin është Adelina Zarka, ndërsa prokurore Elida Hoxha.

Kujtojmë se Albert Zaja u arrestua  ditën e premte të javës që lamë pas gjatë një operacioni të RENEA-s, ndërsa u përpoq që të fshihte armën në baltë. Ky ishte operacioni i katërt që Policia organizonte për kapjen e tij, ndërkohë që vijojnë të jenë në kërkim 3 persona të tjerë për vrasjen e Kastratit.

Ata janë: Elmir Tufa, 29 vjeç që së bashku me Zajën janë banues Fushë Krujë, Silvio Cara, 39 vjeç, Elson Xheçuka, 27 vjeç, banues në Kamzë e Tiranë. Tufa në një intervistë televizive e ka mohuar përfshirjen në vrasje, megjithëse ka pranuar që me Zajën kanë pasur njohje për shkak se kanë qenë nga i njëjti fshat.

The post Blindohet Gjykata e Fierit: Dërgohet në seancë “i forti” i Niklës, Albert Zaja appeared first on Albeu.com.