Kjo e përditshme nuk dha detaje të tjera, por Ronaldo nuk ka asnjë dëmtim e madje të mërkurën ai postoi një foto të tij duke u stërvitur dhe për këtë arsye kjo mungesë e tij interpretohet si një protestë tjetër e Ronaldos për të shfaqur pakënaqësinë ndaj dickaje që ai e konsideron si një padrejtësi ndaj skuadrës së tij në këtë sesion të merkatos dimërore. Ky i Ronaldos është një qëndrim për të cilin nuk e dimë se i çfarë kalibri është dhe se çfarë peshe do të ketë më vonë

Cristiano Ronaldo rinovoi verën e kaluar deri në vitin 2027 e për më tepër e përforcoi më shumë impenjimin e tij me vendin saudit duke u shndërruar në ambasadorin e Botërorit 2034. Por tani me këtë situatë, e ardhmja e tij është në dyshim. Sipas të përditshmes portugeze, ‘Record’ zbuloi një klauzolë teorike sekrete për zgjidhjen e kontratës së Ronaldos në fund të sezonit 2025/26 prej 50 milionë eurosh që është një shifër e rëndësishme. Gjithnjë sipas ‘Record’ nuk përjashtohet mundësia që Cristiano Ronaldo të kthehet në Evropë apo të shkojë në SHBA për të vijuar karrierën e tij.

The post Media arabe është e sigurt: Cristiano Ronaldo nuk do të luajë ndaj Al Ittihad appeared first on Albeu.com.

Mesfushori i Brazilit, që momentalisht aktivizohet me Newcastle në Premier League me shumë mundësi do të kërkojë një ambient të ri. Sigurisht që “sytë” i ka nga Arabia Saudite, duke ditur edhe pagat e majme që jepen aty.

Në rast se 27-vjeçari brazilian do të transferohej te Al-Ittihad, aty do të gjente edhe mbrojtësin e Kombëtares shqiptare, Mario Mitaj. Përsa i përket kostos së transferimit, ajo mund të jetë rreth 80 milionë euro.

The post Plot 80 milionë euro, Mario Mitaj mund të bashkohet me “yllin” brazilian appeared first on Albeu.com.

Mbrojtësi i kombëtares shqiptare huazohet nga Lokomotiva e Moskës te klubi saudit për një sezon.

Al Ittihad ka paguar 1.2 milionë euro për huazimin e lojtarit, ndërsa vetë Mitaj do të përfitojë rreth 3 milionë euro në sezon. Në kontratë ekziston edhe opsioni i blerjes përfundimtare të kartonit të lojtarit për 5 milionë euro.

Mbrojtësi shqiptar do të luajë në një skuadër me disa emra të njohur të futbollit botëror si N’Golo Kante, Karim Benzema e shumë të tjerë.

The post Zyrtare: Mario Mitaj transferohet tek Al Ittihad appeared first on Albeu.com.

Francezi nuk humbi kohë dhe menjëherë gjeti ekipin e tij të ri, duke nënshkruar një kontratë milionëshe me ekipin arab Al Ittihad.

Vetëm gjashtë muaj më pas, teksa afati dimëror u hap, spekulimet për rikthimin e mundshëm të Benzemas në Europë u përhapen.

Këto thashetheme e lidhën sulmuesin ikonik me një kalim në Ligën Premier, një rikthim tek klubi i fëmijërisë Olympique Lyon, madje edhe me një rikthim në “Santiago Bernabeu”.

Thashethemet mbeten të pakonfirmuara, pasi Benzema vazhdoi punën e tij në Al Ittihad. Raportimet për marrëdhënie të tensionuar me trajnerin Marcelo Gallardo dhe për rikthimin në Europë vazhduan.

Në një intervistë të fundit me një media lokale, Benzema iu adresua këtij problemi duke i hedhur poshtë thashethemet.

“Lajmi për largimin tim nuk është i vërtetë dhe unë jam i lumtur në Arabinë Saudite. Unë nuk kam probleme me Gallardon, dhe të gjithë ata që thonë se dua të rikthehem në Europë janë gënjeshtarë”, ka thënë Benzema.

“Unë jam shumë i lumtur tek Al Ittihadi. Për pjesën time, unë nuk kam probleme me askënd, pyesni trajnerin”, u shpreh francezi.

36-vjeçari shënoi 12 gola dhe bëri gjashtë asistime në 22 ndeshje për Al Ittihadin, ndërsa ata gjenden në pozitën e pestë në tabelë, me 20 pikë më pak se lideri Al Hilal./Telegrafi/

The post A po e mendon Benzema rikthimin në Europë? Francezi ka një përgjigje për këtë appeared first on Albeu.com.

David Ornstein nga The Athletic, ka raportuar se 36-vjeçari nuk do të largohet nga Liga Saudite gjatë këtij muaji.

Raporti shton se Lyon kishte eksploruar mundësinë e transferimit të ish-sulmuesit të tyre gjatë janarit, vetëm gjashtë muaj pasi veterani francez nënshkroi një kontratë trevjeçare me klubin saudit.

Teksa tashmë u bë e ditur se Benzema do të qëndrojë në Lindjen e Mesme, ish-ylli i Real Madridit i cili u largua nga Spanja në 2023, raportohet se nuk është përshtatur siç duhet tek ekipi i ri.

Përkundër faktit se ka shënuar 12 gola në 20 ndeshje, reprezentuesi francez është përballur me kritika të ashpra nga tifozët për shkak të performancave të tij, dhe kjo siç duket e kishte shtyrë atë që të fshinte llogarinë e tij në Instagram gjithashtu.

Qëndrimi i Benzemas tek Al-Ittihadi në këtë afat nuk e përjashton mundësinë që ish-fituesi i Kupës së Botës të ndërrojë ambient gjatë verës.

Rikthimi i Benzemas në aksion do të ndodh më datë 4 shkurt kur Al-Ittihadi do të përballet në çerekfinale të Kupës së Mbretit të Kampionëve ndaj Al-Faisaly, para se të nisin kampanjën e tyre në ligë tri ditë më vonë ndaj Al-Tai./Telegrafi/

The post U tha se do të largohej gjatë këtij afati kalimtar, Al-Ittihadi merr vendimin final për Benzeman appeared first on Albeu.com.

Sipas mediumit francez L’Equipe, 36-vjeçari është në bisedime me një ekip të ri në Shtetin e Gjirit, andaj spekulimet se ai mund të ribashkohet me Cristiano Ronaldon në Al-Nassr tashmë janë rritur.

Sukseset e Benzemas dhe Ronaldos tek Real Madridi

Benzema dhe Ronaldo që të dy iu bashkuan Real Madridit në verën e vitit 2009 dhe së bashku korrën suksese të mëdha në kryeqytetin e Spanjës, duke fituar katër herë Ligën e Kampionëve dhe dy herë La Ligën në mesin e trofeve tjerë.

Së bashku ata numërojnë 642 gola të shënuar brenda nëntë sezoneve, ani pse shumica besojnë se francezi luajti më mirë pas largimit të Ronaldos në drejtim të Juventusit në 2018.

Tani Benzema thuhet se ka marrë lejen për të luajtur diku tjetër në huazim për pjesën e mbetur të sezonit, por me kushtin që është klub i Ligës Saudite.

L’Equipe pretendon se Benzema ka folur për një lëvizje të mundshme tek një klub që deri më tani mbetet i panjohur por është me qendër në Riad, andaj thashethemet për kalim tek Al-Nassr kanë dalur në dritë.

Al Nassr apo Al Hilal? Ronaldo apo Neymar?

Nga 18 klube të Ligës Saudite, katër prej tyre janë me bazë në kryeqytetin e Arabisë Saudite, ani pse nuk mund të përjashtojmë Al-Riyadh dhe Al-Shabab, por këto dyja realisht nuk kanë shumë mundësi.

Kjo e lë Al-Nassr të Ronaldos, Manes në një anë dhe atë të Al-Hilal me emra si Neymar, Ruben Neves, Koulibaly në anën tjetër.

Mbetet të shihet se cili do të jetë hapi i ardhshëm i Benzemas dhe cila do të jetë zgjedhja e tij./Telegrafi/

The post Befasia e afatit kalimtar: Benzema ribashkohet me Ronaldon tek Al-Nassr? appeared first on Albeu.com.

Olympique Lyon ka qenë në bisedime me kampin e franczit, por një marrëveshje besohet të jetë e vështirë për shkak të pagës, pasi lojtari thuhet se kërkoi të lejohej të kthehej në Europë për pjesën tjetër të sezonit.
Megjithatë, ‘Marca’ raporton se ka pak të bëjë me financat. Ata thonë se Benzema e di se çdo gjë që ai fiton në Europë do të jetë pjesë e asaj që ai heq dorë nga paga e tij në Al-Ittihad.

Sulmuesi francez nuk është stërvitur me ta për 17 ditë pasi ai do të kthehej për parasezon, dhe klubi i Arabisë Saudite është i habitur nga qëndrimi i tij.

Arsenali dhe Manchester United janë gjithashtu në bisedime me klubin e tij dhe kampin e Benzemas, por thuhet se nuk janë të bindur nga shanset e tyre për të bërë një marrëveshje, pjesërisht për shkak të përgjigjeve të kampit të lojtarit. /abcnews.al

The post Benzema do Europën, tre klube bisedojnë me kampin e sulmuesit francez appeared first on Albeu.com.

Është raportuar se blutë kishin dërguar tashmë një ofertë huazimi e cila ishte refuzuar.

Francezi supozohet se dëshiron të largohet nga Al Ittihad dhe do të jetë i hapur për t’u rikthyer në Evropë. Megjithatë, David Ornstein thotë se kjo nuk do të ndodhë.

“Karim Benzema, sipas informacioneve që kam, do të qëndrojë në Ligën Pro të Arabisë Saudite ”, ka thënë gazetari në podkastin Daily Transfer Briefing.

“Ky është qëllimi i ekipit dhe nuk do të ndryshojë, Al-Ittihad, pavarësisht se ka një problem që po ndodh tani dhe sugjerimet se ai nuk do të paraqitet në kampe stërvitore”.

“Më është thënë se ai do të riintegrohet në stërvitje, takimet do të zhvillohen dhe mendoj se janë planifikuar disa seanca në Dubai për më vonë këtë javë, dhe ata do të përpiqen ta qetësojnë atë situatë”, ka shtuar më tej ai. /Telegrafi/

The post Al Ittihad merr vendim për të ardhmen e Benzemas appeared first on Albeu.com.

Sipas informacioneve ekskluzive nga Marca, lojtari nuk është paraqitur për rinisjen e sezonit dhe me vendim të trajnerit Marcelo Gallardo, nuk do të marrë pjesë në stërvitjen që skuadra do të kryejë në Dubai.

Madje, nga raportimet e fundit bëhet e ditur se Benzema mund të rikthehet në Evropë, ndërsa për të janë shfaqur tri destinacione.

Real Madrid: Kjo situatë e papritur ka ngjallur interesin e tri klubeve të njohura evropiane që kërkojnë të nënshkruajnë me Benzeman në huazim deri në fund të sezonit. Mes tyre është edhe Real Madridi, i cili mirëpret rikthimin e sulmuesit për të forcuar rotacionin sulmues nën drejtimin e Carlo Ancelottit.

Lyon: Nga ana tjetër, Lyon, i zhytur në krizë dhe në luftë kundër rënies nga kategoria, ka shprehur interes për riatdhesimin e Benzemas. Sulmuesi me përvojë mund të bëhet zgjidhja që i duhet skuadrës franceze për të kthyer sezonin e saj.

Manchester United: Në Ligën Premier, edhe Manchester United i ka vënë sytë te sulmuesi francez. Djajtë e Kuq janë në kërkim të një qendërsulmuesi që mund të vijë si huazim për të garuar si titullar me Hojlund. Erik Ten Hag, strategu i United, beson se francezi do të ishte një përforcim i vlefshëm për të forcuar skuadrën dhe për të rritur konkurrencën e brendshme. /Telegrafi/

The post Intensifikohen zërat për rikthimin e Benzemas në Europë, tre gjigantët vihen pas francezit appeared first on Albeu.com.

“Benzema na kërkoi tri ditë leje për të shkuar në Madrid, për disa çështje të tij personale. Ka ikur të enjten në mbrëmje dhe do të jetë normalisht në stërvitje në fillim të javës. Ai është një profesionist shembullor dhe më vjen keq që dalin lajme të tilla”, u shpreh drejtuesi i Al Ittihad.

Nuk dihet ende arsyeja e udhëtimit të Benzema në Madrid, megjithatë ajo që është e sigurt, është fakti që sulmuesi francez nuk po ndihet aspak mirë në Arabinë Saudite, aty ku u transferua në verën e kaluar. /GazetaSinjali/

The post Gjendet Karim Benzema, zyrtari i Al Ittihad zbulon ku ndodhet sulmuesi appeared first on Albeu.com.