Policia e Kosovës ka kryer sërish sot kontrolle në Mitrovicë të Veriut, në rrugën “Kralj Petri”. Policia njofton se gjatë kontrollit, nën kulmin e një ndërtese janë gjetur armë, municion dhe pajisje të ndryshme.
Sipas njoftimit, deri më tani janë marrë në pyetje disa persona në këtë ndërtesë dhe më pas do të merren veprimet e mëtejshme.
Njoftimi i plotë:
Policia në Mitrovicë Veri sërish gjen, armatim, municion dhe radiolidhje
Mitrovicë Veri, 21 nëntor 2024
Me datën 21.11.2024, pas pranimit të një informate mbi dyshimet për armë dhe municion, njësitet policore kanë ndërmarrë veprimet e menjëhershme ku kanë kryer një kontroll në rrugën Kralj Petri në Mitrovicë Veri. Gjatë kontrollimit nën një kulm të një ndërtese janë gjetur armë, municion dhe pajisje të ndryshme.
Dëshmitë të cilat janë gjetur dhe janë konfiskuar janë:
1. një AK-47
2. pesë karikatorë me municion të AK 47
3. 136 fishekë të AK- 47
4. një çantë krahu
5. dy radio-lidhje të dorës
6. një radio lidhje për veturë
7. dy mbushës radiolidhjesh
8. një tytë shtesë e AK-47
Deri në këtë fazë të hetimeve janë kryer disa intervistime të personave në këtë ndërtesë ku të gjitha veprimet e mëtejme do të ndërmerren në bashkëpunim dhe koordinim me organet e drejtësisë.
Duke falënderuar qytetarët për bashkëpunimin, Policia vazhdon të mbetet e përkushtuar për ofrim të shërbimeve ndaj të gjithë komunitetit pa dallim.
