Një aksident ka ndodhur pasditen e sotme në aksin Lezhë-Milot ku ka mbetur e plagosur një grua.
Mësohet se ngjarja është regjistruar pasditen e sotme në superstradën Lezhë-Milot, pranë zonës së quajtur Ishull, Lezhë.
Tre automjete janë përplasur me njëra-tjetrën dhe për pasojë është plagosur një grua. Gruaja është dërguar në spital dhe po merr ndihmën e nevojshme mjekësore, teksa ndodhet jashtë rrezikut për jetën.
Ende nuk dihen shkaqet e aksidentit, por mendohet të ketë qenë shpejtësia me të cilën udhëtonin mjetet. /albeu.com/
