Aksident i trefishtë në Lezhë, raportohet për disa të plagosur

Pasditen e kësaj të mërkure, një aksident i trefishtë ka ndodhur në zonën e Ishull-Lezhës, në hyrje të qytetit.

Nga përplasja e tre automjeteve, kanë mbetur të plagosur tre persona, të cilët janë transportuar drejt spitalit për ndihmë mjekësore.

Si pasojë e aksidentit, në këtë segment rrugor është krijuar trafik i rënduar, ndërsa policia ndodhet në vendngjarje për të zbardhur shkaqet dhe për të normalizuar qarkullimin.