Paraditen e kësaj të shtune, është regjistruar një aksident i rëndë automobilistik në autostradën Kukës -Milot, në vendin e quajtur ura e “Drinit të Zi”.
Autoritetet policore raportojnë se automjeti me drejtues shtetasin B. K., 54-vjeç, banues në Kosovë, ka përplasur këmbësorin, shtetasin M. Zh., rreth 63-vjeç, banues në Kukës, i cili ka qenë duke kaluar trafikndarësen.
Ky i fundit ka mbetur i plagosur dhe është dërguar me urgjencë për mjekim të specializuar në spitalin e Traumës në Tiranë, në gjendje të rëndë shëndetësore.
Ndërkohë, raportohet edhe se drejtuesi i automjeit të është shoqëruar në komisariatin e Kukësit, me të cilin po kryhen veprimet procedurale.
