Pasditen e sotme rreth orës 14:15, një aksident i rëndë ka ndodhur në Bulqizë, ku si pasojë kanë vdekur 2 persona kurse një tjetër ka mbetur i plagosur.
Burhan Gjoka dhe Destan Gjeta, kanë ngelur viktimë e këtij aksidenti.
Njoftimi:
Bulqizë/Informacion paraprak
Rreth orës 14:15, në vendin e quajtur “Antena”, në Qafë-Buall Bulqizë, një automjet tip “Nisan”, ka dalë nga rruga.
Si pasojë e këtij aksidenti, kanë humbur jetën shtetasit B.Gj., dhe D.Gj, si dhe ka mbetur i dëmtuar dhe po transportohet në spital për ndihmë mjekësore shtetasi A.Gj.
Grupi hetimor ndodhet në vendngjarje dhe po punon për zbardhjen e rrethanave të këtij aksidenti.
