Pas disa orëve që qarkullimi i aautomjeteve në aksin Qafë Thore-Theth është i bllokuar, Autoritet Rrugor Shqiptar u bën thirrje qytetarëve që ta shamngin këtë rrugë në mënyrë që situata të mos ndërlikohet.
Teksa monitorimet dhe puna për pastrimin e rrugës është në vijm, ARRSH sugjeron që lëvizja e makinave dhe këmbësorëve në këtë zonë të shmanget deri në një moment të dytë.
Njoftimi:
Si pasojë e reshjeve intensive të borës dhe rrezikut të lartë të ortekëve rruga drejt Thethit do të vazhdojë të qëndrojë e mbyllur
Kontraktori i mirëmbajtjes është në terren, po monitoron nga afër situatën, por ndërhyrja me mjete të rënda krijon tronditje dhe aktivizon rrëshqitjen e shtresës së dëborës në masë.
Siguria e qytetarëve është prioritet, ndaj u bëjmë thirrje të gjithë drejtuesve të mjeteve dhe vizitorëve që të shmangin çdo lëvizje në këtë segment rrugor deri në përmirësimin e kushteve dhe stabilizimin e situatës.
Autoriteti Rrugor Shqiptar do të njoftojë menjëherë sapo rruga të jetë e sigurt për qarkullim.
