Uniformat blu sekuestruan automjetin e të riut me inicialet S.G., në cilësinë e provës materiale.

Operacioni u kodua “Near 2”.

Njoftimi i policisë:

Shërbimet e Stacionit të Policisë Kufitare Bajzë, në vijim të punës për goditjen e aktivitetit kriminal të dhënies ndihmë shtetasve të huaj, kundrejt pagesës, për kalim të paligjshëm të kufirit, në bazë të informacioneve të siguruara në rrugë policore, kanë organizuar në bashkëpunim me shërbimet e Drejtorisë së Policisë Kufitare Shkodër, operacionin policor të koduar “Near 2”.

Në kuadër të operacionit  u  arrestua shtetasi:   

S. G., 28 vjeç, banues në Shkodër.   

Ky shtetas u kap në flagrancë nga shërbimet e Policisë Kufitare, në rrugën e fshatit Vukpalaj, duke transportuar me automjetin e tij, kundrejt pagesës, 4 shtetas nga Afganistani me qëllim kalimin e paligjshëm të kufirit për në Mal të Zi. 

Në cilësinë e provës materiale u sekuestrua automjeti.     

Materialet procedurale i kaluan Prokurorisë, për veprime të mëtejshme.

The post Shkodër/ Tentoi të kalonte në mënyrë të paligjshme 4 afganë për në Mal të Zi, në pranga 28-vjeçari appeared first on Albeu.com.

Gratë nga brenda dhe jashtë vendit janë bashkuar në fushatën duke sfiduar të ashtuquajturat ligje të reja të vesit dhe virtytit të talebanëve , të cilat përfshijnë ndalimin e grave që të zhveshin fytyrat e tyre, të këndojnë dhe të flasin në publik.

Në një video, një grua në Afganistan këndon me fytyrë dhe trup të mbuluar plotësisht.

“Më vendose vulën e heshtjes në gojën time deri në njoftimin e dytë”, thotë ajo.

“Nuk do të më siguroni bukë dhe ushqim deri në një njoftim tjetër, më keni burgosur brenda shtëpisë për krimin e të qenit grua.”

Tekstet duket se i referohen kufizimeve që talebanët vendosën mbi të drejtat dhe liritë themelore të grave dhe vajzave pak pasi rimorën kontrollin e vendit tre vjet më parë.

Free Afghan Women 🇦🇫

A woman from inside Afghanistan shared a video, she singing her voice in poetry:

"You have silenced my voice until further notice. You have imprisoned me in my home for the crime of being a woman."#WomenRights #Afghanistan #Freedom #UN pic.twitter.com/1BuXg3x46R

— Jahanzeb Wesa (@JahanzebWesa) August 27, 2024

The post VIDEO/ Gratë afgane sfidojnë talebanët duke kënduar për lirinë e tyre appeared first on Albeu.com.

Sipas të dhënave zyrtare përgjatë vitit 2023, kanë ardhur në jetë 881 foshnje, 100 më pak se viti 2022. Këto shifra bëhen të ditura nga mjeku gjinekolog Llesh Marku, i cili rendit disa prej shkaqeve të kësaj situate.

“Kryesor është mentaliteti i sotëm i çifteve që nuk duan shumë fëmijë. Shkak është edhe lëvizja e popullsisë, ka shumë të rinj që mund të lëvizin edhe jashtë, emigrojnë”.

Ndryshe nga vite më parë, çiftet e reja po zgjedhin të sjellin në jetë më pak fëmije, ndërsa në maternitetin e Lezhës ka patur një shtim të lehte të lindjeve nga gratë e komunitetit Afgan të vendosura prej kohësh në Shëngjin.

E ndërsa mjeku shton vitet e fundit lindjet cezariane kanë patur një numër më të lartë krahasuar me lindjet natyrale.

The post Afganët shtuan lindjet në Lezhë/ Në të gjithë qarkun u lindën 100 fëmijë më pak në 2023 appeared first on Albeu.com.

Rritja e numrit të sulmeve nga militantët përgjatë kufirit mes dy shteteve këtë vit, ka rezultuar me përshkallëzim tensionesh.

Pakistani ka thënë se për sulmet janë fajtorë operativët me bazë në Afganistan, mirëpo kjo akuzë është mohuar nga regjimi i talibanëve.

Javën e kaluar, një shpërthim në qytetin Mastung, afër kufirit me Afganistanin, i ka lënë të vdekur të paktën 55 persona gjatë një feste fetare.

Ministri i Brendshëm pakistanez, Sarfraz Bugti, nuk e ka përmendur atë sulm, apo të tjera të ngjashme, kur e ka prezantuar vendimin kundër afganëve “ilegalë”.

E drejta për të kërkuar strehim në një shtet të huaj garantohet me ligjin ndërkombëtar.

Pakistani i ka strehuar qindra mijëra refugjatë afganë – sidomos prej kthimit të talibanëve në pushtet në Afganistan, më 2021.

Rreth 1.3 milion afganë janë regjistruar si refugjatë, derisa rreth 880.000 tjerë e kanë fituar statusin ligjor për të qëndruar në këtë shtet, sipas Kombeve të Bashkuara.

Mirëpo rreth 1.7 milion afganë tjerë jetojnë në Pakistan “ilegalisht”, ka thënë ministri Bugti, duke iu referuar atyre që nuk e kanë fituar statusin e refugjatit.

Autoritetet pakistaneze kanë thënë, po ashtu, se prej 1 nëntorit do t’i rrisin kufizimet në kufijtë mes dy vendeve – duke thënë se vetëm vizitorët me viza dhe pasaporta do të mund të kalojnë.

Tashmë është kthyer në traditë që afganët ta kalojnë kufirin me Pakistanin vetëm me letërnjoftime.

The post Pakistani urdhëron 1.7 milionë afganë të largohen nga shteti appeared first on Albeu.com.

Misioni i OKB0-së në Afganistan (UNAMA) tha në një raport se kishte regjistruar të paktën 218 vrasje jashtëgjyqësore që nga marrja e pushtetit në Afganistanit nga talibanët në mes të vitit 2021 e deri në qershor të këtij viti.

“Në shumicën e rasteve, individët u arrestuan nga forcat e sigurisë de fakto, shpesh për një kohë të shkurtër, përpara se të vriteshin”, thuhet në raportin e UNAMA-s.

Udhëheqësit e lartë të talibanëve kanë thënë se ish-zyrtarët e qeverisë dhe ish-anëtarët e ushtrisë do të amnistohen me urdhër të liderit të tyre suprem.

Ministria e Punëve të Jashtme e udhëhequr nga talibanët tha në përgjigje të UNAMA-s se nuk kishte marrë raporte për ndonjë rast të mosrespektimit të urdhrit për amnisti dhe se çdo rast që kishte ndodhur do të hetohej.

Rreth gjysma e vrasjeve të regjistruara nga UNAMA ndodhën në katër muajt e parë pasi talibanët morën pushtetin, ndërsa forcat e huaja të përkrahura nga SHBA-ja po tërhiqeshin në gusht të vitit 2021, ndërsa 70 raste u regjistruan gjatë vitit 2022.

“Për shumicën e shkeljeve të përmendura në këtë raport, ka informacion të kufizuar në lidhje me masat e marra nga autoritetet de fakto për t’i hetuar incidentet dhe për t’i mbajtur autorët përgjegjës”, tha UNAMA, duke iu referuar administratës talibane.

“Mosndëshkimi i dukshëm përmes të cilit anëtarët e autoriteteve de fakto vazhdojnë të kryejnë shkelje të të drejtave të njeriut ndaj ish-zyrtarëve të qeverisë ish-ushtrisë është një shqetësim serioz”, thuhet tutje në raport.

Në total, UNAMA ka regjistruar 800 incidente të shkeljeve të të drejtave të njeriut të lidhura me talibanët ndaj ish-punonjësve të qeverisë dhe ushtrisë, duke përfshirë arrestime arbitrare, zhdukje më forcë dhe torturim.

Shumica ishin kundër ish-anëtarëve të forcave të sigurisë dhe policisë, tha misioni.

Ministria e Punëve të Jashtme e udhëhequr nga talibanët tha se udhëheqësi i tyre suprem kishte lëshuar urdhrin për amnisti dhe një urdhër tjetër kundër torturimit dhe keqtrajtimit të njerëzve në paraburgim.

“Asnjë personel ushtarak i administratës së mëparshme nuk është arrestuar, ndaluar apo torturuar për shkak të aktiviteteve të tij në institucionet e sigurisë”, thuhet në deklaratën e tyre, e cila është pjesë e raportit të OKB-së.

The post OKB: Mbi 200 ish-zyrtarë afganë të vrarë që kur talibanët morën pushtetin appeared first on Albeu.com.

Blinken shprehet i lumtur që 212 afganët mbërritën mirë në SHBA. Nëpërmjet një postimi në Twitter Bliken falenderon ministren e Punëve të Jashtme në Shqipëri, Olta Xhaçka dhe popullin shqiptar për mikpritjen e refugjatëve afganë.

Në një postim në rrjetet sociale, ambasada amerikane në Tiranë bën të ditur se avioni me 212 afganë u nis në orët e paratë mëngjesit të sotëm.
Selia diplomatike amerikane thekson se për t’i përcjellë në Rinas ishin ambasadorja Yuri Kim dhe ministrja e Jashtme Olta Xhaçka. Kim ka falenderuar popullin shqiptar për mikpritjen. Shqiptarët i treguan edhe njëherë botës traditën e “besës”, thotë Kim.

“Një avion me afganë u nis nga Tirana në orët e para të mëngjesit, për të filluar jetën e tyre të re në Shtetet e Bashkuara, pasi gjetën strehim në Shqipëri. Ambasadorja Yuri Kim dhe Ministrja e Jashtme Olta Xhaçka u takuan me afganët përpara nisjes dhe i përgëzuan ata për kurajon e tyre. Ambasadorja Kim falenderoi popullin shqiptar për mikpritjen e afganëve si vendi i parë që u hapi atyre dyert vitin e kaluar. Populli shqiptar i tregoi botës edhe një herë traditën e “besës” – mbrojtjes së të tjerëve në nevojë”, shkruan ambasada amerikane.

Happy to share that 212 Afghans arrived this morning from Albania to the U.S., their new home. To our newest neighbors: We welcome you and wish you the best in this new chapter. My special thanks to Foreign Minister @xhacka_olta and the Albanian people for hosting Afghan guests. https://t.co/F4dV63ALYl

— Secretary Antony Blinken (@SecBlinken) March 22, 2022

The post Afganët e parë mbërrijnë nga Tirana në Amerikë, Blinken falënderon popullin shqiptar për mikpritjen appeared first on Albeu.com.

Një zyrtar nga departamenti për pasaporta në Ministrinë e Brendshme, u tha gazetarëve më 18 dhjetor se zyra për pasaporta në Kabul do të nisë lëshimin e dokumenteve pas një dite.

Dhjetëra mijëra persona kanë tentuar që të largohen nga Afganistani pasi talibanët u rikthyen në pushtet më 15 gusht, por shumë afganë nuk kanë arritur të largohen përmes transportit ajror për shkak se nuk kanë qenë të pajisur me pasaporta.

Zyra për pasaporta në Kabul ishte hapur për një kohë të shkurtër gjatë tetorit, por u mbyll pasi pajisja për lëshimin e dokumenteve biometrike u prish.

“Tashmë janë zgjidhur të gjitha çështjet teknike”, tha Alam Gul Haqqani, zyrtar taliban, që punon në departamentin e pasaportave.

Ai tha se të parët që do të pajisjen me pasaporta janë personat që kishin aplikuar për këtë dokument para se zyra në Kabul të mbyllej në tetor.

Rinisja e lëshimit të pasaportave shihet nga komuniteti ndërkombëtar si test për përmbushjen e zotimeve nga ana e talibanëve, të cilët kanë premtuar se do të lejojnë evakuimin e qytetarëve nga Afganistani pas përkeqësimit të situatës ekonomike dhe krizës humanitare.

Një zyrtar i Departamentit amerikan të Shtetit së fundmi ka deklaruar për The Wall Street Journal se të pakën 62,000 afganë që duan të aplikojnë për azil në Shtetet e Bashkuara aktualisht gjenden në Afganistan dhe 33,000 të tjerë kanë kaluar procesin e verifikimit dhe po presin që të evakuohen./rel

The post Talebanët: Do do të rinisim lëshimin e pasaportave appeared first on Albeu.com.

MPB përmes Facebook-ut ka deklaruar se po punojnë me ambasadën amerikane në Prishtinë për transferimin e refugjatëve afganë.

“Sot i përcollëm 79 miqtë tanë afganë që u larguan nga Kosova për në SHBA këtë mëngjes. Ne po punojmë me partnerin tonë @USEmbPristina, për t’u siguruar që mysafirët tanë në Camp Liya, të kalojnë sa më mirë derisa janë në vendin tonë dhe të jenë në gjendje të fillojnë jetën e tyre të re sa më shpejt të jetë e mundur në Amerikë. Mirupafshim dhe ju dëshirojmë gjithë të mirat duke shpresuar të dëgjojmë përsëri nga ju”, thuhet në njoftimin e MPB-së.

The post 79 afganë të tjerë largohen nga Kosova për në ShBA appeared first on Albeu.com.

Tri ditë pasi ishte ndaluar, trupi i pajetë i 30-vjeçarit u gjet përgjatë bregut të një lumi në qytetin Lashkar Gah, që gjendet në jug të Afganistanit.

Talibanët kanë pretenduar se Azami kishte ikur nga qendra e ndalimit. Por, familja e tij e ka akuzuar grupin militant se e kanë torturuar dhe vrarë Azamin.

“Vëllai im është torturuar nga koka te këmbët”, ka thënë për Radion Evropa e Lirë, Sharifullah Sharafat, vëllai i madh i Azamit.

“Ka pasur shenja të torturës në gjithë trupin e tij. Mjekët në spitalin lokal e kanë konfirmuar një gjë të tillë. Ata kanë fotografuar trupin e tij dhe kanë edhe video-incizime”.

Azami duket se është viktima e fundit e fushatës së vrasjeve që po kryejnë talibanët. Pavarësisht se pas marrjes së pushtetit në muajin gusht ata shpallën amnisti të përgjithshme, ky grup militant është akuzuar për ekzekutim të cilivive dhe ish-pjesëtarëve të Qeverisë së kaluar dhe forcave të armatosura.

Grupi i linjës së ashpër gjithashtu ka mbytur fjalën e lirë dhe ka përdorur forcë brutale për të shtypur disidentët, përfshirë edhe shtypjen e protestave paqësore dhe arrestimin dhe rrahjen e gazetarëve.

Në një raport të publikuar më 30 nëntor, Human Rights Ëatch ka thënë se talibanët kanë “ekzekutuar dhe zhdukur me forcë” mbi 100 ish-pjesëtarë të forcave të sigurisë në vetëm katër prej 34 provincave të Afganistanit, që prej se grupi mori kontrollin e vendit në mesin e muajit gusht./REL

The post Kritikoi talebanët në Facebook, torturohet dhe vritet i riu në Afganistan appeared first on Albeu.com.

Mediat e huaja bëjnë me dije se në fjalën e saj e mitura Parwana Malik ka thënë se familja e saj është detyruar që ta shesë te një 55 vjeçar, që për të është një plak me vetulla të bardha dhe me mjekër të bardhë e të trashë, derisa thotë se shqetësohet se ai do ta rrahë dhe do ta detyrojë të punojë në shtëpinë e tij.

Ndërkohë prindërit e Parwanës thonë se nuk kanë zgjidhje tjetër.

Për katër vjet, familja e saj ka jetuar në një kamp zhvendosjeje afgane në provincën veriperëndimore Badghis, duke mbijetuar nga ndihma humanitare dhe puna e varfër duke fituar disa dollarë në ditë. Por jeta është bërë edhe më e vështirë që kur talebanët morën pushtetin në Afganistan më 15 gusht.

Derisa ndihma ndërkombëtare thahet dhe ekonomia e vendit shembet, ata nuk janë në gjendje të përballojnë nevojat bazë sikurse ushqimi. Babai i Parwanës tashmë e ka shitur edhe motrën e saj 12-vjeçare disa muaj më parë.

Parwana është një nga shumë vajzat e reja afgane të shitura për martesë derisa kriza humanitare në vend thellohet. Uria ka shtyrë disa familje të marrin vendime të rënda, veçanërisht kur po afrohet edhe dimri brutal.

Babai i Parwanës u përpoq që ta shmangte këtë vendim të fundit derisa udhëtoi për në kryeqytetin provincial Qala-e-Naw për të kërkuar punë pa sukses, madje duke marrë hua “shumë para” nga të afërmit dhe gruaja e tij iu lut banorëve të tjerë të kampit për ushqim.

Por ai ndjeu se nuk kishte zgjidhje nëse dëshiron të ushqejë familjen e tij.

“Ne jemi tetë anëtarë të familjes”, ka thënë ai për CNN. “Duhet të shes për të mbajtur gjallë anëtarët e tjerë të familjes”.

Nga ana tjetër 55 vjeçari që bleu të miturën ka theksuar se marrëveshja nuk është për martesë, pasi ai e kishte një grua e cila do të kujdesej për Parwanën sikur të ishte njëra prej fëmijëve të tij. /abcnews.al

The post “Për bukën e gojës”, familja afgane shet 9-vjeçaren për martesë te një burrë 55-vjeçar (VIDEO) appeared first on Albeu.com.