Pas më shumë se tri javësh bllokadë, deputetët e Kosovës do të tentojnë sërish konstituimin e Kuvendit sot në orën 11:00.
Kjo përpjekje vjen pas publikimit të vendimit të Gjykatës Kushtetuese, e cila urdhëroi që kryetari i Kuvendit të zgjidhet brenda 30 ditësh, përmes votimit të hapur.
Vendimi përcakton gjithashtu se kandidati mund të votohet vetëm tri herë dhe se të gjithë deputetët janë të detyruar të marrin pjesë në votim.
Megjithatë, gjasat për sukses mbeten të vogla. Lëvizja Vetëvendosje vazhdon të këmbëngulë në kandidaturën e Albulena Haxhiut për postin e kryeparlamentares, ndërsa opozita nuk ka shfaqur gatishmëri për kompromis.
