Është shpallur kompania fituese që do të mirëmbajë sistemin e përgjimit për tre vitet e ardhshme në Prokurorinë e Përgjithshme.
Fitues i këtij tenderi është kompania italiane ‘IPS spa Italia’, por detajet e kontratës me kompaninë private nuk janë e publikuar, bën me dije Euronews.
Kompania do të marrë rreth 550 mijë euro për ofrimin e këtij shërbimi ndaj Prokurorisë së Përgjithshme.
Kjo është vetëm një pjesë e parave që shqiptarët do harxhojnë për përgjimet e prokurorëve.
Prokuroria e Posaçme SPAK ka një zyrë të vetëm përgjimesh dhe tenderi për mirëmbajtjen e saj bëhet nga vetë ajo.
Gjatë vitit 2021 sipas të dhënave zyrtarë prokuroria e përgjithshme përgjoi rreth 2200 persona të cilët kanë qenë të përfshirë në krime apo për të tjerë të cilët ka pasur dyshime.
Ndërsa SPAK për llogari të tij ka përgjuar 1500 persona.
Bisedat e kryera nga rreth 2000 numra telefoni kanë kaluar në filtrat e oficerëve përgjues.
Shumica e këtyre numrave, mbi 900 të tillë, janë vënë nën përgjim mbi dyshimet se bëhej fjalë për grupe të strukturuara kriminale. 850 të tjerë janë vënë nën përgjim pas dyshimeve për korrupsion.
