Qytetarët kosovarë që jetojnë jashtë vendit po votojnë këtë të shtunë në ambasadat e Kosovës në vendet e tyre.
Kryetari i Komisionit Qendror të Zgjedhjeve, Kreshnik Radoniçi ka njoftuar se deri në orën 15:00 kanë votuar rreth 10,346 votues nga 20,324 në total, pra 50% e votuesve të regjistruar.
Ndërkohë, deri më tani, Gjermania ka numrin më të lartë të votuesve jashtë Kosovës, e pasuar nga Zvicra.
“Në orën 13:00 sipas kohës lokale në Kosovë, ka nisur procesi i votimit në Shtetet e Bashkuara të Amerikës dhe në Kanadë. Kemi pranuar të dhënat e pjesëmarrjes së votuesve deri në orën 15:00, nga 20 mijë e 324 votues të Republikës së Kosovës të regjistruar për votim, kanë votuar 10 mijë e 306 votues apo 50,91%”, ka thënë Radoniçi.
