Policia e Kosovës ka bërë me dije se këtë të hënë ka arrestuar 34 persona dhe ka mbyllur 15 lokale në Prishtinë, pasi aktivitetin e tyre e kishin shtrirë në lojërat e fatit.
Përmes një njoftimi zyrtar, autoritetet kosovare janë shprehur se operacioni është zhvilluar prej 25 prillit, dhe përgjatë kësaj periudhe janë vëzhguar 91 lokale dhe në 60 prej tyre janë kryer kontrolle të detajuara.
Në operacion e sipër janë sekuestruar edhe 18 aparate për lojëra të fatit, një armë automatike AK-47, një armë e shkurtë, pajisje te laboratorit për kultivimin dhe përpunim te substancave narkotike.
Lojërat e fatit ndalohen me ligj në Kosovë prej vitit 2019. Kjo ndalesë e përgjithshme u ndërmor si iniciativë nga Qeveria e atëhershme e Kosovës, pas disa vrasjeve që ndodhën nëpër kazino.
