Sulmi terrorist i ndodhur më 24 shtator 2023 në Banjskë të Zveçanit është rikthyer në qendër të vëmendjes pas deklaratave të Momir Stojanoviqit, ish-drejtor i Agjencisë së Sigurisë Ushtarake të Serbisë (VBA), të cilat kanë ringjallur dyshimet për përfshirje të mundshme të strukturave shtetërore serbe në këtë rast.
Eksperti i sigurisë Avni Islami vlerëson se këto deklarata kanë rëndësi të posaçme për sigurinë kombëtare të Kosovës, pasi vijnë nga një ish-zyrtar i lartë i inteligjencës ushtarake serbe.
None found
Sipas tij, dyshimet që lidhen me organizimin, armatosjen, koordinimin dhe mbështetjen logjistike të grupit të armatosur kërkojnë vëmendje më të madhe, në mënyrë që të hetohet përfshirja e mundshme e strukturave serbe të sigurisë dhe përgjegjësia eventuale shtetërore për sulmin në Banjskë.
Islami thekson gjithashtu se për vlerësimin e situatës duhet të merren parasysh edhe ndryshimet e raportuara në udhëheqjen ushtarake dhe të inteligjencës së Serbisë, përfshirë pensionimin e Milan Mojsiloviqit dhe Gjuro Jovaniqit.
Megjithatë, ai nënvizon se deri tani nuk ka prova të konfirmuara që këto ndryshime të lidhen drejtpërdrejt me rastin e Banjskës, por thekson se ato duhet të analizohen për të kuptuar ndikimin e mundshëm në orientimin dhe veprimtarinë e strukturave serbe të sigurisë.
Ndër çështjet që sipas ekspertit kërkojnë vëmendje është edhe trajtimi gjyqësor i Milan Radoiçiqit, i cili përmendet si një prej figurave kryesore të grupit të armatosur që kreu sulmin në Banjskë.
Islami shtron pyetjen se ku ndodhet Radoiçiqi dhe pse fletarresti u lëshua vetëm dje, e jo më herët.
Në aspektin e sigurisë së Kosovës, ai vlerëson se këto zhvillime kërkojnë masa parandaluese dhe vlerësim të vazhdueshëm të kërcënimeve nga institucionet e vendit.
Ai rekomandon që institucionet të mbështeten në informacionet e Agjencisë së Kosovës për Inteligjencë (AKI) dhe në inteligjencën e Policisë, si dhe të forcojnë koordinimin ndërinstitucional dhe bashkëpunimin me KFOR-in, EULEX-in dhe partnerët strategjikë ndërkombëtarë.
Vetëm përmes këtij bashkëpunimi dhe monitorimit të pandërprerë, sipas Islamit, mund të forcohen mekanizmat për parandalimin e kërcënimeve ndaj sigurisë kombëtare të Kosovës.
FIFA ka bërë të ditur se tri kandidatura janë paraqitur nga federatat anëtare për zgjedhjet e ardhshme presidenciale, të cilat…
Paris Saint-Germaini është futur fuqishëm në garën për transferimin e mbrojtësit kroat Josko Gvardiol, i cili mund të largohet nga…
Presidenti amerikan Donald Trump, lideri suprem kinez Xi Jinping dhe kreu i shtetit rus Vladimir Putin kanë nisur takimin e…
Pavarësisht se ishte paraparë të fillonte në orën 10:00, vazhdimi i seancës së Kuvendit të Kosovës, e cila kishte mbetur…
Enti Shtetëror i Revizionit në Maqedoni ka konstatuar mangësi serioze në sigurinë e sistemit informatik të Fondit të Sigurimeve Shëndetësore,…
Sëmundjet e zemrës dhe të enëve të gjakut ishin shkaku i 6,888 nga 20,287 vdekjeve në Maqedoni në vitin 2025.…