“Me doje si vajzën tënde”, Argjentina Ramosaj humb vjehrrin (FOTO LAJM)

Argjentina Ramosaj është një nga personazhet më pak aktiv në rrjete sociale. Ndryshe nga të tjerët ajo nuk preferon të ndajë shumë detaje nga jeta e saj personale. Por një ngjarje e trishtë e ka detyruar sot si rrallëherë të flasë për familjarët e saj e të publikojë një foto me ta.

Këngëtarja ka zbuluar se është ndarë nga jeta vjehrri i saj, me të cilin ajo thotë se ka pasur një lidhje shumë të fortë. Argjentina shprehet se vjehrrin e ka pasur njësoj si babain e saj, sepse dhe ai e respektonte si ta kishte vajzë. Këngëtarja ka publikuar në Instagram një foto familjare, ku shfaqet përkrah vjehrrit të ndjerë dhe i ka bërë atij një dedikim prekës.

“Dje humbëm njeriun shumë të dashur, unë vjehrrin, që e doja dhe respektoja si prindin tim, sepse ashtu më ka dasht, si vajzën e tij. Noah humbi gjyshin, me të cilin kaloj shumë kohë, për të cilin ndinte shumë dashuri, kujdes.. Vështir ishte sot të ndahemi nga ti Meke, na theve zemrat. U prehsh në paqe Engjell , do të duam e kujtojmë përjetësisht”, shkruan Argjentina Ramosaj.