Luan Gacaferi kritikon Sami Lushtakun: S’e kisha menduar kurrë një rol të tillë në opozitë

Luan Gacaferi, anëtar i Guxo, ka dalë me kritika ndaj rolit që, sipas tij, Sami Lushtaku po e ushtron në opozitë, duke thënë se nuk do ta kishte besuar kurrë që ai do të shndërrohej në “shefin e të gjithë opozitës në Kosovë”.

Përmes një postimi në rrjetet sociale, Gacaferi tha se i duket e pabesueshme që shpresat për reformimin e opozitës, sipas tij, tashmë po lidhen me Lushtakun. Ai shtoi gjithashtu se Lushtaku po vendos edhe se kush “guxon” e kush jo të bëhet kryetar i Lidhjes Demokratike të Kosovës.

Postimi i plotë:

Pse vjen dita qe Sami Lushtaku të jetë shefi i të gjithë opozitës në Kosovë, kurr se kisha besuar!

Pse vjen dita qe krejt shpresat për reformimin e opozitës n’Kosovë, duhet t’i varim tek Sami Lushtaku edhe k’ta kurr se kisha besuar!

Po edhe pse vjen dita qe Sami Lushtaku, e cakton se kush guxon, e kush nuk guxon me qenë kryetar i LDK’së, kurr se kisha besuar!