Categories: kosovë

Kurti njofton se Kosova do të përfitojë 206.4 milionë euro nga fondet e BE-së

Kryeministri në detyrë, Albin Kurti, ka bërë të ditur se Kosova do të përfitojë 206.4 milionë euro nga fondet e Bashkimit Evropian.

Të lidhura

None found

Ai tha se Komiteti i IPA-s ka dhënë miratimin për projektet e paraqitura nga Kosova në kuadër të programeve IPA 2026 dhe IPA 2027, në shumën 180.5 milionë euro. Po ashtu, janë aprovuar edhe 3 grante nga Korniza Investuese për Ballkanin Perëndimor (ËBIF), me vlerë të përgjithshme 25.9 milionë euro.

Në postimin e tij të plotë, Kurti e cilësoi këtë si një lajm të mirë për qytetarët, duke theksuar se Kosova përfiton 206.4 milionë euro nga fondet e BE-së.

Ai bëri të ditur se dje, më 7 korrik, Bashkimi Evropian e njoftoi zyrtarisht Kosovën se Komiteti i IPA-s i ka miratuar projektet e propozuara në kuadër të IPA 2026 dhe IPA 2027, në vlerë prej 180.5 milionë euro. Sipas tij, pas miratimit nga Komisioni Evropian, si dhe pas nënshkrimit dhe ratifikimit të Marrëveshjes Financiare nga Kuvendi, do të nisë zbatimi i projekteve.

Sipas njoftimit, fondet do të orientohet në fushat prioritare të vendit.

44 milionë euro janë paraparë për mjedisin dhe klimën.

34.5 milionë euro do të shkojnë për energjinë.

30.5 milionë euro janë ndarë për menaxhimin e kufijve dhe migrimin.

31.8 milionë euro do të mbështesin konkurrueshmërinë, arsimin dhe punësimin.

24.7 milionë euro janë caktuar për qeverisjen e mirë dhe përafrimin me BE.

15 milionë euro do të dedikohen për sundimin e ligjit.

Kurti theksoi se afërsisht gjysma e këtyre fondeve do të përdoren për investime infrastrukturore. Ai shtoi se pjesa më e madhe e projekteve do të zbatohen në bashkëpunim me partnerë të tjerë zhvillimorë dhe me bashkëfinancim nga institucionet e Kosovës.

Përveç projekteve në kuadër të IPA 2026 dhe IPA 2027, janë miratuar edhe 3 grante nga Korniza Investuese për Ballkanin Perëndimor (ËBIF), në vlerë totale prej 25.9 milionë euro.

Njëri prej tyre lidhet me Hidrosistemin Ibër-Lepenc, përmes asistencës teknike për përgatitjen e investimit infrastrukturor.

Një tjetër grant është për autostradën Qafë e Duhlës–Banullë, me asistencë teknike për përgatitjen e segmentit të autostradës.

Granti i tretë i dedikohet impiantit të trajtimit të ujërave të zeza në Podujevë, me një grant investues prej 24.3 milionë euro, në bashkëpunim me BERZH.

Në fund, Kurti shprehu falënderim për Bashkimin Evropian për mbështetjen, duke theksuar se këto mjete do të vihen në shërbim të qytetarëve dhe zhvillimit të vendit.

të fundit

Maran: “E pakuptueshme që askush s’po e beson Hysajn”, flet për Caprilen, Manajn dhe Muçin

Përzgjedhësi i Shqipërisë, Rolando Maran ka rrëfyer përvojën e tij të parë në drejtimin e një Kombëtareje, duke folur për…

3 minutes ago

Miratohet në Komisionin e Edukimit projektligji për sponsorizimet, 6 vota pro dhe asnjë kundër

Projektligji i ri për donacionet dhe sponsorizimet ka marrë miratimin nen për nen dhe në tërësi në Komisionin për Edukimin,…

7 minutes ago

Kyan Anderson rikthehet në elitën e basketbollit kosovar, zyrtarizohet te KB Peja

Fundori amerikan, Kyan Anderson është rikthyer në basketbollin kosovar, por këtë herë do ta bartë fanellën e skuadrës së Pejës.…

9 minutes ago

Rekord i ri për Van Gogh-un, “Pemët e gështenjës në lulëzim” arrin 190.4 milionë dollarë në Nju Jork

Piktura e famshme e Vincent van Gogh-ut, e titulluar “Pemët e gështenjës në lulëzim”, është shitur për 190.4 milionë dollarë…

10 minutes ago

Nis në Maqedoninë e Veriut fushata e vaksinimit kundër lisë së bagëtive të imëta

Në përputhje me Vendimin për vaksinimin urgjent të deleve dhe dhive kundër lisë së deleve dhe dhive, i cili u…

11 minutes ago

Nikolloski: Në përgatitje sistemi elektronik që llogarit tarifat rrugore mbi bazën e kilometrave të përshkuara

Autostradat në Maqedoninë e Veriut mund të kalojnë në një sistem të ri elektronik të pagesës së tarifave rrugore, pa…

11 minutes ago