Categories: kosovë

Koncentrati serb “SELECT MILK GR” tërhiqet nga tregu me urdhër të AUV-së për shkak të Aflatoksinës B1

Agjencia e Ushqimit dhe Veterinarisë ka vendosur largimin nga tregu të koncentratit “SELECT MILK GR”, të destinuar për lopë qumështore, pasi është konstatuar se niveli i Aflatoksinës B1 (AFB1) në të tejkalon kufirin maksimal të lejuar.

Të lidhura

None found

Produkti është prodhuar në Serbi nga kompania DE HEUS D.O.O., ndërsa në Kosovë është importuar nga N.P.T. “Haxhijaha” SH.P.K. me seli në Rahovec.

Procedura e tërheqjes përfshin LOT-et 0385010426007 dhe 0385020426001. Sipas AUV-së, lidhja e secilit LOT me mostrën dhe mospërputhjen e gjetur do të përcaktohet pas verifikimit përfundimtar.

Përveç nxjerrjes së produktit nga qarkullimi, është kërkuar që sasitë e mbetura të izolohen dhe të ndiqet rrjeti i shpërndarjes deri te operatorët dhe fermat ku koncentrati mund të jetë përdorur.

Fermerët, distributorët dhe operatorët që kanë në posedim produktin nga LOT-et e përmendura duhet të ndalojnë përdorimin dhe shitjen e tij. AUV kërkon që ai të mbahet i ndarë dhe palët të bashkëpunojnë me institucionin dhe operatorin përgjegjës gjatë procesit të tërheqjes.

Një ndalim i përkohshëm, me karakter parandalues, do të jetë në fuqi për 30 ditë për importin nga Serbia të koncentrateve dhe përzierjeve me bazë misri për lopë qumështore dhe viça. Kjo masë zbatohet për produktet e klasifikuara ose të deklaruara me kodin tarifor 2309909600, me origjinë apo të prodhuara në Serbi.

Brenda këtij afati, AUV do të përgatisë një vlerësim të dokumentuar të rrezikut, duke u mbështetur në rezultatet e laboratorëve dhe kontrollet zyrtare, në mënyrë që të përcaktojë hapat e mëtejshëm.

Paralelisht, janë shtuar kontrollet për praninë e AFB1 në misër dhe në produktet me bazë misri që përdoren për ushqimin e kafshëve, veçanërisht në koncentratet për lopë qumështore. Këto veprime përfshijnë kontrolle më të shpeshta, marrje mostrash dhe analiza laboratorike.

Aflatoksina B1 është një substancë toksike që mund të shfaqet në misër dhe në ushqimet e kafshëve. Instituti Kombëtar i Shëndetësisë Publike të Kosovës e konsideron praninë e aflatoksinave shqetësuese për shkak të pasojave të tyre toksike, gjenotoksike dhe kancerogjene, sidomos për mëlçinë.

AUV shpjegon se, kur lopët qumështore ushqehen me produkte të kontaminuara me AFB1, një pjesë e kësaj substance mund të shndërrohet në Aflatoksinë M1 dhe të përfundojë në qumësht. Për këtë arsye, kontrolli i ushqimit të kafshëve shihet si një masë e rëndësishme për të penguar kalimin e aflatoksinave në zinxhirin ushqimor.

Agjencia njofton se do të vijojë kontrollet në kufi dhe brenda vendit, analizat laboratorike dhe gjurmimin e produkteve, me synim eliminimin e rrezikut që në burim dhe mbrojtjen e shëndetit të kafshëve dhe konsumatorëve.

të fundit

“Kush do të duartrokasë, ka frikë nga ata që hedhin gurë”, Rama takohet me studentë e rektorë në Manastir

Kryeministri Edi Rama gjatë vizitës së tij në Manastir, në Europe House, pati edhe një takim me të rinjtë nga…

52 seconds ago

Gjykata në Hagë i ndalon BYD-së shitjen e SUV-it Ti7 në BE, pasi u konstatua se kopjon dizajnin e Land Rover Defender

Jaguar Land Rover (JLR) ka fituar një raund të rëndësishëm në betejën ligjore kundër prodhuesit kinez të veturave BYD. Gjykata…

1 minute ago

Tesla do të investojë 3 miliardë euro në Gjermani për ta kthyer fabrikën e saj në më të madhen e automjeteve në Evropë

Industria gjermane e automobilave po përballet me vështirësi të mëdha. BMW po shkurton vendet e punës, Volkswagen po shqyrton mbylljen…

10 minutes ago

Duka: Shqipëria bëri gjithçka për Grudën, por ai zgjodhi Gjermaninë

Shqipëria ka bërë gjithçka për ta bindur Brajan Grudën, por dëshira e tij gjithnjë ka qenë Gjermania, kështu ka deklaruar…

20 minutes ago

Pochettino për rrezikun e rënies së Unitedit: “Duhet ta pranojmë realitetin

Trajneri Mauricio Pochettino ka pranuar se Manchester United duhet ta përballojë realitetin e vështirë, pasi skuadra e tij pësoi humbje…

21 minutes ago

Aksident tragjik në Itali, humb jetën 31-vjeçarja shqiptare, tre fëmijë plagosen

Një 31-vjeçare me origjinë shqiptare ka humbur jetën në një aksident të rëndë automobilistik në Itali, ndërsa tre fëmijë që…

31 minutes ago