Kryeministri i Kosovës, Albin Kurti, ka zhvilluar një takim në Zyrën e Kryeministrit me Joe DioGuardin dhe Shirley Cloyes DioGuardin, të cilët tashmë janë zyrtarisht shtetas të Republikës së Kosovës.
Gjatë takimit, Kurti i cilësoi ata si miq të vjetër të Kosovës dhe shprehu mirënjohjen për angazhimin e tyre shumëvjeçar në mbështetje të çështjes shqiptare dhe të Kosovës, veçanërisht në Shtetet e Bashkuara të Amerikës, përcjell “Bota sot”.
None found
Sipas kryeministrit, Joe dhe Shirley DioGuardi, përveç shtetësisë amerikane, tashmë i përkasin edhe Republikës së Kosovës. Ai theksoi se ata kanë qëndruar gjithmonë të palëkundur në krah të kombit dhe popullit shqiptar, ndërsa vijojnë të interesohen për zhvillimet në Kosovë dhe të ofrojnë ide e kontribut të çmuar.
Kurti bëri të ditur se gjatë takimit i falënderoi për kontributin e pamatshëm të dhënë përgjatë rreth katër dekadave, nga Kongresi i Shteteve të Bashkuara deri te Liga Qytetare Shqiptaro-Amerikane. Në këtë bisedë morën pjesë edhe anëtarët e Bordit të Ligës, me të cilët u diskutua për angazhimin e tyre të vyer, përkushtimin e pandërprerë ndaj atdheut, si dhe për aktualitetet dhe të ardhmen.
Joe DioGuardi, ish-kongresisti i parë amerikan me origjinë shqiptare, së bashku me Tom Lantos, Bob Dole dhe Eliot Engel, ishte ndër zërat e hershëm dhe më të fuqishëm që e mbështetën Kosovën në periudhën kur populli shqiptar kishte më së shumti nevojë që zëri i tij të dëgjohej në botë.
Kurti vlerësoi se Kosova pati fatin dhe bekimin të kishte ambasadorë të tillë edhe në kohën kur Republika e Kosovës nuk dispononte një ambasadë në Shtetet e Bashkuara të Amerikës. Për këtë arsye, ai nënvizoi se shteti dhe populli i Kosovës do t’u jenë gjithmonë mirënjohës.
Teuta vajzaDitën e sotme, është mbyllur java e 8-të në Abissnet Superiore për vajza me ndeshjet Teuta – Apolonia dhe…
Supersfida mes Atalantas dhe Interit ka përfunduar në “paqe”, me dy skuadrat italiane që kanë arkëtuar nga një pikë.Përballja ishte…
Paris Saint-Germaini ka nisur kërkimet për një përforcim në repartin ofensiv për afatin kalimtar të janarit, pasi drejtori sportiv Luis…
Kryeministri Edi Rama gjatë vizitës së tij në Manastir, në Europe House, pati edhe një takim me të rinjtë nga…
Një 31-vjeçare me origjinë shqiptare ka humbur jetën në një aksident të rëndë automobilistik në Itali, ndërsa tre fëmijë që…
Durim Halilaj, anëtar i Kryesisë së Aleancës, ka reaguar lidhur me rritjen e borxhit të familjeve në Kosovë përmes mbitërheqjeve…